Business


`மத்திய அரசுக்கும் ரிசர்வ் வங்கிக்கும் இடையே மோதல் நிலவிய காலத்தில் மிகவும் இறுக்கமாகவே இருந்தார் உர்ஜித். மன உழைச்சலின் உச்சத்தில் உடல் நலம் மிகக் கடுமையாக பாதித்து இருந்தார். மத்திய அரசு தனக்கு அதிகம் அழுத்தம் தருவதாக நினைத்தார். அதனால் ஒரு கட்டத்தில் இந்த முடிவுக்கு வந்திருப்பார்’ என படேலின் உறவினர்கள் தெரிவித்துள்ளனர்.

உலகளவில் வாகனங்களுக்கான இன்ஜின் ஆயிலுக்குப் பெயர் பெற்ற ஷெல் நிறுவனம், சமீபத்தில் 'Make the Future India' எனும் 4 நாள் கருத்தரங்கை, சென்னையில் நடத்தியது. இதில் சர்வதேச புகழ்பெற்ற GMD நிறுவனம் வடிவமைத்த OX எனும் Flat Pack டிரக்கை இந்தியாவில் அறிமுகப்படுத்த முடிவெடுத்திருக்கிறது அந்நிறுவனம்.

இந்தியாவின் தலைமை பொருளாதார ஆலோசகராகக் கிருஷ்ணமூர்த்தி சுப்ரமணியன் நியமிக்கப்பட்டுள்ளார். கிருஷ்ணமூர்த்தி பெரும்பாலும் கார்ப்பரேட் நிறுவனங்களிலோ அல்லது சில வங்கிகளிலோ சில பொறுப்புகளை மட்டும் வகித்துள்ளார். இவரை நிதி அமைச்சருக்கு இணையான பதவிக்கு தேர்வு செய்தது சர்ச்சையை ஏற்படுத்தியிருக்கிறது.

ஒருவருக்கு விருப்பமில்லை என்றால் ஆதார் திட்டத்தில் இருந்து தங்கள் தகவல்களைத் திரும்பப்பெற்று விலகும்படியான சட்டத்திருத்தம் ஒன்றைக் கொண்டுவர முயற்சி செய்துவருகிறது மத்திய அரசு. இதன்மூலம் ஏற்கெனவே ஆதார் பெற்றவர்கள் தங்கள் ஆதார் எண், மற்றும் பிற தகவல்களையும் திரும்பப் பெற்றுக்கொள்ளமுடியும். ஆனால் ஒரு கண்டிஷன்.. மேலும் படிக்க.. 

கஜா புயலால் பாதிக்கப்பட்ட தமிழகப்பகுதிகளைச் சேர்ந்த தொழில் நிறுவனங்களுக்கும், டிட்லி புயலால் பாதிக்கப்பட்ட ஆந்திராவைச்சேர்ந்த ஸ்ரீகாகுளம் மாவட்ட தொழில் நிறுவனங்களுக்கும் ஜி.எஸ்.டி. வரித்தாக்கல் செய்ய காலக்கெடு ஒரு மாதம் அதிகரிக்கப்பட்டுள்ளது.  

ஓணத்தில் தொடங்கும் பண்டிகை காலம், விநாயகர் சதுர்த்தி, ஆயுத பூஜை, தசரா மற்றும் தீபாவளியுடன் முடிவடைகிறது. இதனால், கடந்த சில மாதங்களாக நுகர்வோர் பொருள் உற்பத்தியாளர்கள், தங்களது லாப விகிதத்தைக் குறைத்துக்கொண்டு பொருள்களை விற்று வந்தனர். தற்போது பண்டிகை காலம் முடிந்ததால் அவற்றின் விலை அதிகரிக்கலாம் எனத் தகவல் வெளியாகியுள்ளது.

அடுத்த மே மாதத்துக்குள் இந்தியாவில் 1.13 லட்சம் ஏடிஎம்களை மூட வங்கிகள் முடிவெடுத்துள்ளதாக தகவல் வெளியாகியுள்ளது. புதிய ரூபாய் நோட்டுகளை வைப்பதற்கு ஏற்றவாறு ஏடிஎம்களை மாற்ற அதிகமாக செல்வாகும். அந்த அளவுக்கு நிறுவனங்களிடம் பணம் இல்லை என்பதால் ஏடிஎம்களை மூட உள்ளதாக வங்கிகள் கூட்டமைப்பு தெரிவித்துள்ளது.

சமீபத்தில் அறிமுகமான ஜாவா பைக், க்ளாஸிக், ரோடுஸ்டர், பாப்பர் எனும் 3 மாடல்களில் வெளிவந்திருக்கிறது. ஆனால், 2020-ல்தான் ஜாவாவிடமிருந்து அட்வென்ச்சர்/ஸ்க்ராம்ப்ளர் பைக்கை எதிர்பார்க்கமுடியும் என்று கூறும் அதன் நிறுவனர் அடுத்த ஆண்டுவரை அதற்கான டீலர் நெட்வொர்க்கை விரிவாக்கம் செய்யமுடிவெடுத்திருக்கிறோம் எனக் கூறியுள்ளார்.

இந்தியாவில், மொத்தம் 45 நகரங்களில் 45,000 உணவகங்களுடன் இணைந்து செயல்படும் ஸ்விக்கியில், தற்போது டெலிவரி செய்யும் வேலையில் மட்டும் ஒரு லட்சம் பேர் உள்ளனர். உணவுத் துறையில் பெண்களுக்கான வேலையை அதிகரிக்க 2,000 பெண்களை டெலிவரி சார்ந்த வேலைகளுக்குப் பயிற்சி கொடுத்துப் பணியமர்த்தப்போவதாக ஸ்விக்கி நிறுவனம் தெரிவித்துள்ளது.

அசோக் லேலாண்ட் நிறுவனத்தின் நிர்வாக இயக்குநர் விகோத் கே தசாரி ராஜினாமா செய்துள்ளது ஆட்டோமொபைல் துறையினரை அதிர்ச்சியடையச் செய்துள்ளது. அவர் கேட்டபடி ஆராய்ச்சி துறைக்குப் போதிய  நிதி வழங்கவில்லை என்பதால் இந்த முடிவை எடுத்துள்ளார் என்கின்றனர் அவருக்கு நெருக்கமானவர்கள்.

மாருதி சுஸூகியின் புதிய எர்டிகா வரும் நவம்பர் 21 அன்று வெளியாக உள்ள நிலையில், தற்போது இந்தக் காரின் முன்பதிவுகள் தொடங்கிவிட்டன. இந்தக் கார் மாருதியின் நெக்ஸா ஷோரூம்களில் விற்பனைக்கு வரும் என்று எதிர்பார்த்த நிலையில் மாருதியின் அரினா ஷோரூம்களில் விற்பனைக்கு வருவதாகத் தெரிகிறது. 

இந்தியாவில் கடந்த சில மாதங்களாக உயர்ந்து வந்த பெட்ரோல், டீசல் விலை தற்போது தொடர்ந்து குறைந்து வருகிறது. சென்னையில் இன்று பெட்ரோல் விலை லிட்டர் ரூ.80.73 காசுகளாகவும், டீசல் விலை லிட்டருக்கு 76.59 காசுகளாகவும் நிர்ணயம் செய்யப்பட்டுள்ளன. கடந்த மாதத்தை ஒப்பிடும்போது பெட்ரோல் விலை லிட்டருக்கு 6 ரூபாய் குறைந்துள்ளது.

இந்தியாவின் பொருளாதார வளர்ச்சியில் ஏற்பட்ட பின்னடைவுக்கு பணமதிப்பிழப்பு மற்றும் ஜி.எஸ்.டி நடவடிக்கைகள் முக்கிய காரணம். 2016 வரை வளர்ச்சி பாதையில் சென்ற இந்திய பொருளாதாரம் இந்த இரண்டு திட்டங்களால் பின்னடைவைச் சந்தித்தது என கடுமையாக விமர்சித்துள்ளார் ஆர்.பி.ஐ யின் முன்னாள் கவர்னர் ரகுராம் ராஜன்.

மத்திய அரசுடனான பிரச்னையால் ‘வரும் 19-ம் தேதி நடைபெறவுள்ள ரிசர்வ் வங்கியின் போர்டு கூட்டத்தில், ஆர்.பி.ஐ கவர்னர் உர்ஜித் படேல் ராஜினாமா செய்வார் என அவரின் நெருங்கிய நட்பு வட்டாரங்கள் தெரிவித்துள்ளதாக மணிலா என்ற இணையப் பொருளாதார ஊடகம் செய்தி வெளியிட்டுள்ளது. 

 

கடந்த நான்கு வருடங்களில் இல்லாத அளவிற்கு ஐபோனின் விற்பனை முதல் முறையாக வீழ்ச்சியடைந்திருக்கிறது. கடந்த வருடத்தின் மூன்றாவது காலாண்டில் 90 லட்சமாக இருந்த விற்பனை இந்த வருடம் 45 லட்சமாகக் குறைந்திருக்கிறது.

 

சகாரா இந்தியா கமர்சியல் கார்ப்பரேஷன் நிறுவனத்தில் முதலீடு செய்து நிம்மதியிழந்த முதலீட்டாளர்களுக்கு ஒரு மகிழ்ச்சியான செய்தி. ரூ.14,000 கோடி அளவுக்கு, சகாரா நிறுவனத்தின், பங்குகளாக மாறக்கூடிய கடன்பத்திரங்களை (OFCD) வாங்கிய முதலீட்டாளர்களுக்கு திருப்பித் தரும்படி அந்த நிறுவனத்தின் முன்னாள் இயக்குநர்களுக்கு செபி உத்தரவிட்டுள்ளது.

தொழில் தொடங்குவதற்கு உகந்த நாடுகளின் பட்டியலை ஒவ்வொரு வருடமும் உலக வங்கி வெளியிட்டு வருகிறது. இந்த ஆண்டுக்கான பட்டியலில் இந்தியா 23 இடங்கள் முன்னேறி 77-வது இடத்தைப் பிடித்துள்ளது. 2017-ம் ஆண்டு இந்தியா 100-வது இடத்தில் இருந்தது என்பது குறிப்பிடத்தக்கது.

எமர்ஜிங் இந்தியா இன்ஃப்ரா நிறுவனத்தையும் அதன் முன்னாள், இந்நாள் இயக்குநர்கள் நால்வரையும் பங்குச் சந்தையிலிருந்து 6 ஆண்டு காலத்துக்கு செபி நீக்கியுள்ளது. மேலும், வாடிக்கையாளர்களிடம் சட்டத்துக்குப் புறம்பாக வசூலித்த தொகையை 3 மாத காலத்துக்குள் திருப்பி அளிக்கும்படியும் உத்தரவிட்டுள்ளது. 

சென்னையில் இன்று பெட்ரோல் லிட்டருக்கு ரூ. 84.64 காசுகளாகவும், டீசல் லிட்டருக்கு ரூ. 79.22 காசுகளாகவும் விலை நிர்ணயம் செய்யப்பட்டுள்ளது. நேற்றைய விலையில் இருந்து பெட்ரோல் விலை 32 காசுகள் குறைந்தும் டீசல் விலை 29 காசுகள் குறைந்தும் விற்பனை செய்யப்படுகிறது.

நடப்பு நிதியாண்டில் ஏப்ரல் முதல் ஆகஸ்ட் வரையிலான ஐந்து மாத காலத்தில் வருமான வரித்தாக்கல் செய்துள்ளவர்களின் எண்ணிக்கை 70% வரை அதிகரித்து 5.4 கோடியாக உள்ளது. அதேவேளை, அதிலிருந்து கிடைக்கும் வருமானம் 34% அளவுக்கு குறைந்துள்ளது என தகவல் வெளியாகி உள்ளது. வரி சதவிகிதம் குறைந்ததே வசூல் குறைவுக்கு காரணம் எனத் தெரிகிறது.

RX100 பைக்கை யமஹா மீண்டும் கொண்டு வரப்போகிறது என சமூகவளைதளங்களில் சமீபத்தில் அதிகமாக பகிரப்பட்டு வருகிறது. இதுகுறித்து யமஹா மூத்த அதிகாரி ஒருவரிடம் விசாரிக்கையில், ``RX100 பைக் திரும்ப வரப்போவதா சொல்வது சுத்தப் பொய். 6 மாதத்துக்கு ஒரு முறை இப்படி யாராவது வதந்திகளை உருவாக்கிக்கொண்டுதான் இருக்கிறார்கள்" எனக் கூறியுள்ளார்.

வ்வொரு மாதமும் வாகன விற்பனையின் நிலவரம் வெளியிடப்படும்போது, அதிகமாக விற்பனையான டாப் 10 டூ வீலர்களின் பட்டியலில் ஹோண்டாவின் ஆக்டிவாதான் எப்போதும் முன்னிலையில் உள்ளது. ஆனால், கடந்த ஆண்டைக் காட்டிலும்  இந்த ஆண்டு 38,113 வாகனங்கள் குறைவாக விற்பனையாகியுள்ளது.  

இந்தியாவில், 2020-ம் ஆண்டுக்குள் 70 லட்சத்துக்கும் அதிகமான எலெக்ட்ரிக் வண்டிகள் சாலைகளில் பயணிக்க வேண்டும் என்கின்ற கனவுக்கு ஆபத்து வந்துவிடும் போலிருக்கிறது. 2017-18 நிதியாண்டில்  எலெக்ட்ரிக் வண்டிகளின் விற்பனை 40% சரிந்துள்ளது. இந்த நிதியாண்டில், வெறும் 1,200 எலெக்ட்ரிக் கார்கள் மட்டுமே விற்பனை செய்யப்பட்டுள்ளன. 

தீபாவளிப் பண்டிகை நெருங்கி வருவதால் ஷியோமியின் ஸ்மார்ட்போன்களின் விலை குறைக்கப்பட்டுள்ளன. அடுத்த மாதம் 7-ம் தேதி வரை Mi ஹோம் மற்றும் ஷியோமியால் அங்கீகரிக்கப்பட்ட ஸ்டோர்களில் தள்ளுபடி விலையில் ஸ்மார்ட்போன்கள் கிடைக்கும். அதே நேரத்தில் இந்தச் சலுகை ஆன்லைனில் ஸ்மார்ட்போன் வாங்குபவர்களுக்குப் பொருந்தாது.

ஆக்டிவா ஸ்கூட்டரின் விற்பனை எண்ணிக்கை, 2 கோடியைத் தாண்டிவிட்டதாக ஹோண்டா தெரிவித்துள்ளது. இந்த சாதனையைப் படைத்திருக்கும் ஒரே ஸ்கூட்டர் இதுதான். முதல் ஒரு கோடி ஆக்டிவா ஸ்கூட்டர்களை விற்பனை செய்வதற்கு, 15 ஆண்டுகள் எடுத்துக்கொண்ட ஹோண்டா அடுத்த ஒரு கோடி ஸ்கூட்டர்களை வெறும் 3 ஆண்டுகளில் விற்பனை செய்துள்ளது.