Business


`ரிசர்வ் வங்கி, பிற வங்கிகளுக்கு அளிக்கும் கடனுக்கான ரெப்போ வட்டி விகிதத்தில் எந்த மாற்றமும் இல்லை. அது முன்பு இருந்த 4 சதவிகிதமும் ரிவர்ஸ் ரெப்போ வட்டி விகிதம் 3.3 சதவிகிதமாகவே தொடரும். வங்கிகளுக்கான கடன் விகிதத்தில் மாற்றமில்லை என்பதால் வீடு, வாகனங்களுக்கான கடன் வட்டி விகிதத்திலும் மாற்றம் இருக்காது. தங்க நகைக் கடன்கள் தற்போது உள்ள 75 சதவிகிதத்திலிருந்து 90% - ஆக உயர்த்தப்பட்டுள்ளன. இதனால் பல்வேறு வீடுகளில் இருக்கும் கோவிட் - 19 தாக்கம் குறையும்’ என ஆர்.பி.ஐ ஆளுநர் தெரிவித்துள்ளார்.

இந்தியாவில், தங்கத்தின் விலை முன்பு எப்போதும் இல்லாத அளவுக்குப் புதிய உச்சத்தில் வர்த்தகமாகி நடைபெற்று வருகிறது. ஆபரணத் தங்கம் ஒரு கிராம் ரூபாய் 4,815-ஆக அதிகரித்துள்ளது.இந்த விலையேற்றம் என்பது நிச்சயமாகத் தங்க நகைப் பிரியர்களுக்கு அதிர்ச்சி கலந்த செய்திதான். ஏனென்றால், மார்ச் மாத இறுதியிலிருந்து, ஜூன் வரையிலான காலத்தில் நகைக்கடைகள் திறக்கப்படாமல் இருந்த நிலையிலேயே விலை ஏறியிருக்கிறது.

ஃப்ளிப்கார்ட் நிறுவனம் அர்விந்த் ஃபேஷன்ஸ் நிறுவனத்தின் துணை நிறுவனமான அர்விந்த் யூத் பிராண்டில் 27 சதவிகித பங்குகளை வாங்கியுள்ளது. இந்தப் பங்குகளின் மொத்த விலை ரூ. 260 கோடியாகும். இதே போல் ஃப்ளிப்கார்ட், மின்ட்ரா ஆகிய இ-காமெர்ஸ் நிறுவனங்களில் விற்பனை செய்து வந்த ஃப்ளையிங்க் மெசின் ப்ராண்டையும் அர்விந்த் யூத் ப்ராண்ட் வாங்க உள்ளது. 

ஜியோவின் 0.39% பங்குகளை வாங்க, இன்டெல் கேப்பிட்டல் நிறுவனம் ரூ.1,894.50 கோடி முதலீடு செய்ய இருப்பதாக ரிலையன்ஸ் குழுமம் இன்று அறிவித்துள்ளது. இவ்விரு நிறுவனங்களுக்கும் இடையேயான ஒப்பந்தம், கடந்த பதினொரு வாரங்களுக்குள் ரிலையன்ஸ் குழுமத்தில் நடந்திருக்கும் 12-ஆவது ஒப்பந்தமாகும். இதற்கு முன் ஃபேஸ்புக், சில்வர் லேக் பார்ட்னர்ஸ், விஸ்டா ஈக்விட்டி உள்ளிட்ட முன்னணி தொழில்நுட்ப முதலீட்டாளர்களிடமிருந்து  ரூ.1,17,588.45 கோடியைத் திரட்டியுள்ளது.

கொரோனாவினால் ஏற்பட்டிருக்கும் நெருக்கடியான சூழலில் ஸ்மார்ட்போன் நிறுவனங்களும் சிறப்பு ஃபிளாஷ் சேலில் குறைந்த அளவிலான போன்களையே விற்றுவருகின்றன. அப்படியான ஃபிளாஷ் சேலில் இன்று மீண்டும் விற்பனைக்கு வருகிறது ரெட்மி நோட் 9 ப்ரோ மேக்ஸ்.  வெளியானதிலிருந்து பல முறை விலையேறிவிட்டது ரெட்மி நோட் 9 ப்ரோ மேக்ஸ். அறிமுகமானபோது இருந்ததை விட தற்போது 2,000 ரூபாய் அதிகமாக உள்ளது இதன் விலை. 

சென்னையில் ஆபரண தங்கத்தின் விலை சவரனுக்கு 384 ருபாய் குறைந்து இருக்கிறது. நேற்று ஒரு கிராம், தங்கம் 4,659 ருபாயாக இருந்த நிலையில் இன்று 48 ருபாய் குறைந்து 4,611 ஆக விற்பனை ஆகிறது. தங்கத்தின் விலையை போலவே வெள்ளியின் விலையும் சரிவை சந்தித்துள்ளது. ஒரு கிலோ வெள்ளி 1,000 ருபாய் குறைந்திருக்கிறது.

பிரேசில் நாட்டில் கடந்த வாரம் வாட்ஸ்அப் நிறுவனம்  பணம் அனுப்பும் வசதியைத் தொடங்கியது.  இந்த நிலையில் ஒரே வாரத்தில், நாட்டில் போட்டி சூழலை பாதுகாக்கும் பொருட்டு வாட்ஸ்அப் மூலம் பணம் அனுப்பும் வசதிக்குத் தடை விதித்தது பிரேசிலின் மத்திய வங்கி.இந்த நிலையில், அந்நிறுவனத்தின் கவனம் இந்தியா பக்கம் திரும்பியுள்ளது. விரைவில் இந்தியாவில் வாட்ஸ்அப் வைத்திருக்கும் அனைவரும் அதன் மூலம் பணத்தை அனுப்பலாம் எனத் தெரிவித்துள்ளது. 

ரிலையன்ஸ் நிறுவனத்தின் உரிமைப் பங்கு வெளியீடு ரிலையன்ஸ் பார்ட்லி பெய்ட் பங்கு விலை நல்ல லாபம் கொடுக்கத் தொடங்கியிருக்கிறது. ரிலையன்ஸ் பிபி பங்கு கடந்த திங்களன்று பங்குச் சந்தையில் வர்த்தகமாகத் தொடங்கியது. ரூ.684.25-க்கு வர்த்தகமாகத் தொடங்கிய இந்தப் பங்கு விலை, அதிகபட்சமாக ரூ.731 வரை உயர்ந்தது. செவ்வாய் அன்று வர்த்தகம் முடியும்போது ரூ.713.30-ஆக வர்த்தகமானது. இதனால் முகேஷ் அம்பானிக்கு பெரிய லாபம் கிடைத்திருக்கிறது.

``மக்களிடம் நிதி தேவையை அதிகரிக்க அரசாங்கம் செலவு செய்ய வேண்டும். அறிவித்த திட்டங்களையெல்லாம் உடனடியாகச் செயல்படுத்த வேண்டும். ஆனால், மத்திய அரசாங்கமோ ரேட்டிங்கைப் பற்றித்தான் கவலைப்படுகிறதே ஒழிய, உதவி செய்கிற மாதிரி இல்லை. மத்திய அரசாங்கம் இப்போது எடுத்திருக்கும் நடவடிக்கைகள் உடனடி பலன் தராது” என பேராசிரியர் பானுமூர்த்தி தெரிவித்துள்ளார். 

‘கடன்களுக்கான மாதத்தவணைகளைச் செலுத்த மார்ச், ஏப்ரல், மே என மூன்று மாதங்கள் அவகாசம் அளித்திருந்தநிலையில், அடுத்த முன்று மாதங்களுக்கு இந்தச் சலுகை நீட்டிக்கப்பட்டுள்ளது. இதனால் ஜூன், ஜூலை, ஆகஸ்ட் மாதங்களுக்கும் வங்கிக் கடனுக்கான இ.எம்.ஐ தொகையை மக்கள் செலுத்தத் தேவையில்லை’ என ரிசர்வ் வங்கி ஆளுநர் அறிவித்துள்ளார்.

ஃபேஸ்புக் தொடர்ந்து பல நிறுவனங்களில் முதலீடு செய்து வருகிறது. அந்தவகையில் நேற்று GIF-களைப் பகிரும் அமெரிக்க நிறுவனமான giphy-யை 400 பில்லியன் டாலர் விலைக்கு (இந்திய மதிப்பில் சுமார் 3,035 கோடி ரூபாய்) வாங்கியுள்ளது. இதன்மூலம் தனது இன்ஸ்டாகிராம் சேவையில் இந்த Gif வசதியை இணைக்க உள்ளதாக ஃபேஸ்புக் நிறுவனம் தெரிவித்துள்ளது.

கொரோனா காரணமாக மார்ச் மாதத்தில் அனைத்துப் பங்குச் சந்தைகளும் வீழ்ச்சியை சந்தித்தன. அப்போது எலான் மஸ்க்கின் டெஸ்லாவின் பங்குகளும் வீழ்ச்சி அடைந்தன. ஆனால், தற்போது வீழ்ச்சியடைந்ததை விட இரண்டு மடங்கு கூடுதல் விலையை டெஸ்லா பங்குகள் பெற்றுள்ளன. மின்சாரம் மூலம் இயங்கும் கார்களைத் தயாரித்து வரும் டெஸ்லா நிறுவனமானது ஆரம்பம் முதலேயே மக்களிடையே நல்ல வரவேற்பைப் பெற்றது.

கொரோனா காரணமாக கொண்டுவரப்பட்ட  ஊரடங்குக் கட்டுப்பாடு முழுமையாக விலக்கிக்கொள்வதற்கு மேலும் சில மாதங்கள் ஆகக்கூடும் என்று எதிர்பார்க்கப்படுகிறது. கடந்த 40 நாள்களில் சில்லறை வர்த்தகத்தில் மட்டும் சுமார் ரூ.5.5 லட்சம் கோடி அளவுக்கு இழப்பு ஏற்பட்டுள்ளதாக அகில இந்திய வர்த்தகர்களின் கூட்டமைப்பு (CAIT) தெரிவித்துள்ளது.

அதிகமாக வட்டியுள்ள கடன்கள்தான் எப்போதும் முதலில் அடைக்கப்பட வேண்டும் என்பது அடிப்படை விதிமுறை. இதன்படி, பொதுத்துறை வங்கிகளில் 14-18% வரையும், தனியார் வங்கிகளில் 16-20% வரையும் உள்ள தனிநபர் கடன்களுக்கான மாதத் தவணைகளை முதலில் செலுத்திவிடுங்கள். 

அமெரிக்காவைச் சேர்ந்த சில்வர் லேக் பார்ட்னர்ஸ் என்ற நிறுவனம், ரிலையன்ஸ் ஜியோ நிறுவனத்தின் ரூ.5,655.75 கோடி மதிப்புள்ள 1.15% பங்குகளை வாங்கவுள்ளது. கடந்த மாதத்தில் ஃபேஸ்புக் நிறுவனம், ரிலையன்ஸ் நிறுவனத்தில் ரூ.43,574 கோடி அளவுக்கு முதலீடு செய்து 9.99% பங்குகளை வாங்கியது. அதையடுத்து, இன்னொரு பெரிய அளவிலான முதலீட்டு ஒப்பந்தமாக இது அமைந்துள்ளது. 

ரிசர்வ் வங்கி தொடுதல் இல்லாமல் பணம் செலுத்தப் பயன்படும் 'Tap and Go' தொழில்நுட்பத்தை அதிக அளவில் பயன்படுத்த ஒப்புதல் வழங்கியுள்ளது . இந்த 'Tap and Go' வசதியானது VISA, MasterCard, NPCI கார்ட் போன்ற கார்ட்களில் உள்ளது. வாடிக்கையாளர்கள் ₹ 2000க்கு குறைவாகப் பொருட்களை வாங்கியிருந்தால் கார்டை Tap செய்தால் போதும். ரகசிய எண் போன்ற எதையும் கேட்காது. 

கொரோனா அச்சுறுத்தலால் மூடப்பட்டிருந்த ஜெர்மனியில் உள்ள ஃபோக்ஸ்வாகன் நிறுவனத்துக்குச் சொந்தமான உலகின் மிகப்பெரிய கார் தொழிற்சாலை  மீண்டும் திறக்கப்பட இருக்கிறது. ஊழியர்கள் பாதுகாப்பைக் கருத்தில் கொண்டு, 100 விதிகளுடன் மீண்டும் உற்பத்தி தொடங்கப்பட்டுள்ளது. பாதுகாப்பு நிபந்தனைகள் காரணமாக வாரத்துக்கு 1,400 கார்கள் என்ற அளவில் தயாரிப்பு குறைக்கப்பட்டுள்ளது.

மியூச்சுவல் ஃபண்ட் நிறுவனங்களுக்கு ரூ.50 ஆயிரம் கோடி கடனுதவியை அறிவித்துள்ளது ரிசர்வ் வங்கி. மியூச்சுவல் ஃபண்ட் முதலீட்டாளர்கள் பாதிக்கப்படாமல் இருக்கும் வகையில் இந்த நடவடிக்கையை எடுத்துள்ள ரிசர்வ் வங்கி. Franklin Templeton நிறுவனம் 6 மியூச்சுல் ஃபண்ட் திட்டங்களை முடக்கியதால் ரிசர்வ் வங்கி உதவி செய்துள்ளது. 

கச்சா எண்ணெய் சர்வதேசச் சந்தையில், கடந்த வாரம் மிகப்பெரிய இறக்கம்கண்டது. உற்பத்தி செய்யப்படும் எண்ணெயைச் சேமிக்க இடமில்லை என்பதால்தான் விலை சரிந்தது.என்றாலும், கொரோனா வைரஸ் தாக்குதல் காரணமாக நூற்றுக்கும் மேற்பட்ட நாடுகளில் ஊரடங்கு நடைமுறைப்படுத்தப்பட்டிருப்பதால் கச்சா எண்ணெய்யின் தேவை குறைந்தது மற்றொரு பெரும் காரணம்.

ரிலையன்ஸ் ஜியோ நிறுவனத்தின் 9.9% பங்குகளை 5,700 கோடி அமெரிக்க டாலர் (இந்திய மதிப்பில் ரூ.43,574 கோடி) கொடுத்து வாங்கியிருக்கிறது ஃபேஸ்புக். டிஜிட்டல் உலகில் மாபெரும் சாம்ராஜ்ஜியத்தை கட்டமைத்திருக்கும் இந்த இரு நிறுவனங்களின் இணைப்பு, உலகின் கவனத்தை ஈர்த்திருக்கிறது. முழுமையாக அறிந்துக்கொள்ள கீழே உள்ள லிங்கை கிளிக் செய்யவும்.

முகேஷ் அம்பானிக்குச் சொந்தமான ரிலையன்ஸ் ஜியோ நிறுவனத்தின் 9.9 சதவிகித பங்குகளை  43,574 கோடி ரூபாய் கொடுத்து வாங்கியுள்ளது, ஃபேஸ்புக் நிறுவனம். இவ்விரு பெரிய நிறுவனங்களின் இந்த முதலீட்டு இணைப்பு, உலக நாடுகளின் கவனம் மொத்தத்தையும் தன்பக்கம் ஈர்த்துள்ளது.

 

தகவல் தொழில்நுட்பத் துறையில் இரண்டாவது பெரிய நிறுவனமான இன்ஃபோசிஸ் நான்காவது காலாண்டில் ரூ.4,335 கோடியை நிகர லாபமாக ஈட்டியுள்ளது. இது, முந்தைய 2018-19 நிதியாண்டின் இதே காலகட்டத்தில் ஈட்டிய லாபமான ரூ.4,078 கோடியுடன் ஒப்பிடுகையில் 6.3 சதவிகிதம் அதிகமாகும்.

தங்கத்தின் விலை மீண்டும் புதிய உச்சத்தைத் தொட்டிருக்கிறது. 22 காரட் ஆபரணத் தங்கம் ஒரு கிராம் ரூ,4500-ஆக உயர்ந்திருக்கிறது. கொரோனா சார்ந்த செய்திகள் உலகப் பொருளாதாரத்துக்கு பெரும் சவாலாக உருவெடுத்திருக்கும் நிலையில், இதன் தாக்கம் முழுமையாக நீங்கும் வரை தங்கத்தின் விலை தொடர் ஏற்றமாகவே இருக்க வாய்ப்பிருக்கிறது.

``கொரோனாவால் ஏற்றுமதி மிகக் கடுமையாக பாதிக்கப்பட்டுள்ளது. உலகளவில் பொருளாதார நிலையற்றத் தன்மை நிலவி வருகிறது. தற்போது ஏற்பட்டிருப்பது மிகப்பெரும் பொருளாதார சவால். இந்தியாவில் அரிசி, கோதுமை இருப்பு உள்ளதால் தட்டுப்பாடு ஏற்படாது. மார்ச் மாதம் வாகன உற்பத்தியும் வெகுவாக குறைந்துள்ளது. 2021-22ல் நாட்டின் பொருளாதார வளர்ச்சி 7.4 சதவிகிதமாக இருக்கும்" என்று ரிசர்வ் வங்கி ஆளுநர் சக்தி காந்த தாஸ் கூறினார். 

கொரோனா ஊரடங்கால் பிரபல ஆன்லைன் ஸ்ட்ரீமிங் தளமான நெட்பிளிக்ஸ் (Netflix) பங்குச்சந்தையில் 3.2 சதவிகிதம் ஏற்றத்தைக் கண்டுள்ளது. நெட்பிளிக்ஸின் ஒரு பங்கின் விலை 426.75 டாலராக இருக்கும் நிலையில், அதன் மொத்த சந்தை மூலதன மதிப்பு 187.3 பில்லியன் டாலராக உயர்ந்துள்ளது.

TamilFlashNews.com
Open App