Cinema


’நடிகர் கமல் ஹாசனுக்கு ஒரு பிரச்னை ஏற்பட்டால் அதற்காக நடிகர் சங்கம் உறுதுணையாக நிற்கும்’ என நடிகர் சங்கத் தலைவர் விஷால் கூறியுள்ளார். மேலும் அவர் கூறுகையில், ‘நடிகர் சங்கக் கட்டடப் பணிகள் நாளை தொடங்கி அடுத்த ஆண்டு நிறைவடையும். அதன் பின்னர் தான் எனது திருமணம் நடைபெறும்’ என்றார். 

விக்ரம் வேதா படத்தில் நடிகர் மாதவனுடன், பிரேம் குமார் நடித்திருப்பார். இந்தப் படத்தில் நடித்தற்காக தனக்கு அதிக வரவேற்பு கிடைத்தாக அவர் கூறுயுள்ளார். மேலும், 'இந்தப் படம் ஹிட்டாகும்னு தெரியும். பட், இப்படி ஒரு வரவேற்பு எனக்கு கிடைக்கும்னு தெரியவில்லை' என்று நெகிழ்ந்துள்ளார் ப்ரேம்.

நடிகர் ராமராஜனை வைத்து அதிகப் படங்களை எடுத்தவர் சிராஜ். இவர், 'என்ன பெத்த ராசா','தங்கத்தின் தங்கம்' 'என் ராஜாங்கம்', 'சுயம்வரம்' உள்ளிட்ட படங்களை இயக்கியிருக்கிறார். 65 வயதான சிராஜ், உடல்நலக்குறைவு காரணமாக சென்னை தனியார் மருத்துவமனையில் சிகிச்சை பெற்று வந்தார். நேற்றிரவு சிகிச்சை பலனின்றி காலமானார். 

புகைப்பட கலைஞர் எட் கிளார்க் என்பவர் மர்லின் மன்றோ புகழடைவதற்கு முன்னர், புகைப்படம் எடுத்து லைஃப் பத்திரிகைக்கு அனுப்பியுள்ளார். மர்லினின் புகைப்படத்தைப் பார்த்த லைஃப் பத்திரிகை, ''who the hell is Marilyn Monroe?' என்று கூறி திருப்பி அனுப்பி உள்ளனர். ஆனால், பின் நாளில் நடந்தது வரலாறு!

'யார், யாரை வேண்டுமானாலும் விமர்சனம் பண்ணலாம். ஆனால், விமர்சனம் பண்ணுவது ஒருமையிலும் நாகரிகமற்ற முறையிலும் இருப்பது ஒரு மோசமான முன் உதாரணமாக இருந்துவிடும்' என்று நடிகர் கமலை ஒருமையில் பேசும் அமைச்சர்கள் பற்றி கருத்து கூறியுள்ளார் இயக்குநர் சீனு ராமசாமி. 

உலகப் புகழ்பெற்ற ஜேம்ஸ் பாண்டு பட வரிசையின் அடுத்த திரைப்படம் நவம்பர் 8, 2019-ம் ஆண்டு வெளிவர உள்ளது. இது ஜேம்ஸ் பாண்டு வகை படங்களில் வரப்போகும் 25 வது திரைப்படமாகும். இப்போது பாண்டு கதாபாத்திரத்தில் நடித்துவரும் டேனியல் க்ரேய்க் இந்தப் படத்திலும் நடிப்பாரா என்று இதுவரை உறுதிபடத் தெரிவிக்கவில்லை. 

'என்ன பெத்த ராசா', 'ஊரெல்லாம் உன் பாட்டு', 'தங்கத்தின் தங்கம்', 'சுயம்வரம்', 'என் ராஜாங்கம்' போன்ற படங்களை இயக்கியவர் இயக்குநர் சிராஜ். அவர், மாரடைப்புக் காரணமாக, சென்னையில் நேற்று உயிரிழந்தார். அவருக்கு வயது 65. அவரது மறைவுக்கு திரையுலகினர் இரங்கல் தெரிவித்து வருகின்றனர். 

ஏ. ஆர் முருகதாஸ் இயக்கத்தில், மகேஷ் பாபு நடித்துள்ள 'ஸ்பைடர்' திரைப்படம் செப்டம்பர் 29 ஆயுத பூஜை தினத்தில் வெளியாக இருக்கிறது. இந்நிலையில் , இப்படத்தின் தமிழக உரிமையை லைக்கா நிறுவனம் பெற்றுள்ளது. முருகதாஸின் கத்தி படத்தை லைக்கா நிறுவனம் தயாரித்திருந்தது குறிப்பிடத்தக்கது. 

விக்னேஷ் சிவன் - சூர்யா காம்போவில் உருவாகி வரும் படம் 'தானா சேர்ந்த கூட்டம்.' அனிருத் படத்துக்கு இசையமைக்கிறார். இந்தப் படத்தின் போஸ்டர்கள் நேற்று முன்தினம் வெளியாகியிருந்தன. இந்நிலையில், இந்தத் திரைப்படத்தின் முதல் பாடல் வருகின்ற 27-ம் தேதி வெளியிடுவதாகப் படக்குழுவினர் தெரிவித்துள்ளனர்.

விஜய், அஜித், சூர்யா ஆகியோரின் மெர்சல், விவேகம், தானா சேர்ந்த கூட்டம் ஆகிய திரைப்படங்கள் திரைக்கு வர தயாராகி வருகின்றன. இந்தத் திரைப்படங்களின் ஆடியோ உரிமையை சோனி மியூசிக் சவுத் நிறுவனம் வாங்கியுள்ளது. அஜித், சூர்யா பட உரிமம் ரூ.2.5 கோடிக்கு வாங்கிய இந்நிறுவனம், விஜய் பட உரிமையை ரூ.3.5 கோடிக்கு வாங்கியுள்ளது.

'ஒரு நல்லநாள் பார்த்து சொல்றேன்' ஸ்க்ரிப்ட் எழுதி மூன்று வருடங்களுக்குப் பிறகு, இந்தப் படத்தை இயக்கும் வாய்ப்பு எனக்கு தற்போதுதான் கிடைத்தது. இதில் 'எமன்' என்னும் கதாபாத்திரத்தில் விஜய்சேதுபதி நடிக்கிறார். படத்தில் மொத்தம் எட்டு கெட்டப்பில் விஜய்சேதுபதியை எல்லோரும் எதிர்பார்க்கலாம்' என்கிறார் இயக்குநர் ஆறுமுக குமார்.

’பிக் பாஸ் நிகழ்ச்சியை ஆரம்பம் முதலே பார்த்து வருகிறேன். ஓவியாவை எனக்கு நன்றாகவே தெரியும். அவருடைய கேரக்டர் பற்றி மக்களுக்கு இப்போதுதான் தெரிகிறது.  நிகழ்ச்சியில் கணேஷ் வெங்கட்ராமைக் கவனியுங்கள். எவ்வளவு சண்டை நடந்தாலும், தியானம் செய்யும் மனநிலையில் இருப்பார்' எனக் கலகலக்கிறார் நடிகர் கருணாகரன். 

 

’ஷட்-அப் பண்ணுங்க’ பாடல் பற்றி பேசிய அருண்ராஜா காமராஜ்  'பிக் பாஸ் நிகழ்ச்சி என்னை அடிமையாக்கிவிடுமோ என்ற பயத்தால் நான்  பார்ப்பதில்லை. ஆனால், 'பலூன்' படத்தின் இயக்குநர் சினிஸ் 'பிக் பாஸ்' நிகழ்ச்சியின் தீவிர ரசிகர். அவர்தான் படத்துக்கான ப்ரோமோ பாடலில் 'நீங்க ஷட்-அப் பண்ணுங்க' என்ற வார்த்தையை சேர்க்க சொன்னார்’ என்றார்

யூனிசெப்-ன் இந்தியாவிற்கான நல்லெண்ணத் தூதராக உள்ள அபிதாப் பச்சனின் பதவிக்காலம் மேலும் இரண்டாண்டுகள் நீட்டிக்கப்பட்டுள்ளது.போலியோ விழிப்புஉணர்வின் வெற்றியினைத் தொடர்ந்து, குழந்தைகளின் தட்டம்மை மற்றும் ரூபெல்லா தடுப்பூசித் திட்டத்தின் விழிப்புஉணர்வுக்காக நீட்டிக்கப்பட்டுள்ளதாக ட்விட்டரில் பதிவிட்டுள்ளார்.

விக்னேஷ்சிவன் இயக்கத்தில் சூர்யா நடித்துவரும் படம் 'தானா சேர்ந்த கூட்டம்'. நடிகர் சூர்யாவின் பிறந்தநாளை முன்னிட்டு இந்தப் படத்தின் ஃபர்ஸ்ட் லுக் போஸ்டர் நள்ளிரவு 12 மணிக்கு வெளியிடப்பட்டிருந்தது. இந்நிலையில், இந்தப் படத்தின் செகண்ட் லுக் போஸ்டர் தற்போது வெளியிடப்பட்டுள்ளது. 

தமிழ், தெலுங்கு, இந்தி என்று மூன்று மொழிகளிலும் கலந்து கட்டி நடித்து வருபவர் நடிகை தமன்னா. இந்நிலையில் நடிகை தமன்னாவுக்கு கௌரவ டாக்டர் பட்டம் வழங்கப்பட்டுள்ளது. 'Confederation of International Accreditation commission' சார்பில் தமன்னாவுக்கு டாக்டர் பட்டம் வழங்கப்பட்டுள்ளது. 

2017 விகடன் மாணவ பத்திரிகையாளர்கள் கூட்டத்தில் மாணவர்களிடையே பேசிய ஏ.ஆர்.முருகதாஸ் தன் அடுத்த படமான ஸ்பைடரில் புகை, மது கொண்ட ஒரு காட்சிக்கூட இருக்கப்போவதில்லை என்று கூறியுள்ளார். மேலும் விஜயுடன் இணைந்து அடுத்த படம் எடுப்பதற்கான முயற்சிகள் மேற்கொண்டு வருவதாக கூறினார்.

உதயநிதி ஸ்டாலின், நிவேதா பெத்துராஜ் நடிப்பில் வெளியாகப் போகும் ’பொதுவாக எம்மனசு தங்கம்’ படத்தின் ட்ரெய்லர் தற்போது வெளியாகியுள்ளது. பார்த்திபன் முக்கியரோலிலும் காமெடி ரோலில் சூரியும் நடித்துள்ளனர். இமான் இந்தப் படத்துக்கு இசையமைத்திருக்கிறார். ஆகஸ்ட்டில் படத்தை ரிலீஸ் செய்ய படக்குழு திட்டமிட்டுள்ளது.

சூர்யா நடிப்பில் உருவாகி வரும் திரைப்படம் 'தானா சேர்ந்த கூட்டம்'. இந்தப் படத்தின் ஃபர்ஸ்ட் லுக் போஸ்டர் சூர்யாவின் பிறந்த நாளான இன்று நள்ளிரவு 12 மணிக்கு இணையதளத்தில் வெளியிடப்பட்டு உள்ளது. விக்னேஷ் சிவன் இயக்கும் இப்படத்தில் சூர்யாவுக்கு ஜோடியாக கீர்த்தி சுரேஷ் நடிக்கிறார். 

பிக் பாஸ் நிகழ்ச்சியில் ஓவியாவுக்கு எதிராக நடத்தப்படும் காட்சிகள் குறித்து, கொதித்து எழுகின்றனர் நெட்டிசன்கள். ' ஓவியா என்னுடைய தோழிதான். பிக் பாஸ் நிகழ்ச்சியில் பார்ப்பது ஓவியாவின் நிஜ கேரக்டர்தான்' அவருடைய கேரக்டர் இயல்பாகவே அப்படித்தான். யாரைப் பற்றியும் அவர் தவறாக பேச மாட்டார்' என்கிறார் ஐஸ்வர்யா ராஜேஷ். 

'சத்ரியன்' படத்துக்கு பிறகு விக்ரம் பிரபு நடித்திருக்கும் திரைப்படம் 'நெருப்புடா'. ஆக்‌ஷன்-த்ரில்லர் ஆனா இந்தப் படத்துக்கு ஷான் ரோல்டன் இசையமைத்திருக்கிறார். ஃபயர் மேனாக விக்ரம் பிரபு நடித்திருக்கும் இந்தப் படத்தின் டீசர் சிறிது நாள்களுக்கு முன்பு ரிலீஸான நிலையில், இன்று படத்தின் ட்ரெய்லர் ரிலீஸாகியுள்ளது. 

'ஒரு படைப்பாளிக்கு பாரதியும் ஷெல்லியும், ரவீந்திரநாத் தாகூரும்தான் இன்ஸ்பிரேஷனாக இருக்க வேண்டும் என்ற அவசியம் இல்லை. ஒரு சகமனுஷியின் இன்ஸ்பிரேஷனாகவும் இருக்கலாம். எனக்கு ஓவியாதான் இன்ஸ்பிரேஷனாகத் தெரிகிறார். அவர் மீது  ஒருவிதமான கரிசனமும் அன்பும் ஏற்படுகிறது' என்கிறார் சீனு ராமசாமி

சில நாள்களுக்கு முன்புதான் 'விஐபி 2' படத்தின் பாடல்கள் மற்றும் ட்ரெய்லரைப் படக்குழுவினர் பிரமாண்டமாக வெளியிட்டனர். இதுவரை ட்ரெய்லரைக் கண்டு களித்தவர்களின் எண்ணிக்கை மட்டும் ஒரு கோடியைத் தாண்டியுள்ளது. இந்தப் படத்தைப் பார்த்த சென்சார் போர்டு மனம் திறந்து படத்துக்கு 'யு' சான்றிதழ் கொடுத்துள்ளது. 

நடிகர் வினயிடம் 'நேத்ரா'வில் சன்னி லியோன் நடிப்பதாக ஒரு தகவல் வந்ததே’ என்று கேட்டதற்கு,'ஷங்கர் சாரிடம் உதவி இயக்குநராகப் பணிபுரிந்த வெங்கடேஷ்தான் இந்தப் படத்தின் இயக்குநர். இதுவும் ஒரு சஸ்பென்ஸ் கதைதான். ஆனால், சத்தியமா படத்தில் சன்னி லியோன் நடிக்கிறாங்களான்னு தெரியாது. நடிச்சா நல்லா இருக்கும்'' என்றார் வினய்.

வாள் சண்டைக் காட்சிகள் படமாக்கிக் கொண்டிருக்கும்போது கங்கனா ரனாவத்துக்கு நெற்றியில் வாளால் காயம் ஏற்பட்டது. உடனே ஹைதராபாத்தில் உள்ள மருத்துவமனையில் ‘ICU’ பிரிவில் சேர்க்கப்பட்டார்.  நெற்றி  பக்கத்தில் காயம் ஏற்பட்டிருப்பதால், மயிறிழையில் உயிர்  தப்பித்திருக்கிறார் என்றும் மருத்துவர்கள் தெரிவித்துள்ளனர்.