Cinema


'பாண்டியன் ஸ்டோர்ஸ்' தொடரில் முல்லையாக நடிக்கும் சித்ராவின் திருமண நிச்சயதார்த்தம் நேற்று சென்னையில் நடந்தது. எளிமையான முறையில் நடந்த இந்த நிச்சயதார்த்தத்தில் மாப்பிள்ளை மற்றும் பெண் வீட்டாரின் நெருங்கிய உறவினர்கள் மட்டுமே கலந்து கொண்டனர். சித்ரா மணமுடிக்கப் போகும் மாப்பிள்ளை பெயர் ஹேமந்த் ரவி. சொந்தமாகத் தொழில் செய்துவருகிறார். சித்ராவின் பெற்றோர் பார்த்து நிச்சயித்த திருமணம் இது. வாழ்த்துகள்

`கொரோனாவை விட கொடுமையான காலத்துலயே சென்னை என்னை காப்பாத்தியிருக்கு. சென்னை எப்போதும் என்னை கைவிடாது. எனக்கு எல்லாத்தையுமே கொடுத்தது சென்னைதான். சென்னை பெரிய மேஜிக். நான் நடந்து திரிஞ்ச தெருவுல எல்லாம் கார்ல பயணம் செய்ய வெச்சிருக்கு. கொரோனா பரவுதுன்றதுக்காக இந்த ஊரை விட்டுட்டு எங்கேயாவது போய் ஒளிஞ்சிக்கணுமா என்ன?! கடைசி வரைக்கும் நான் இங்கேயேதான் இருப்பேன்”  என்கிறார் இயக்குநர், நடிகர் சமுத்திரக்கனி.

பொன்மகள் வந்தாள் படத்தைத் தொடர்ந்து சூர்யாவின் 'சூரரைப் போற்று' திரைப்படமும் ஓடிடி தளத்தில் நேரடியாக வெளியாகிறது. இது  வரும் அக்டோபர் 30-ம் தேதி வெளியாகும் என அறிவிக்கப்பட்டுள்ளது.சோதனை மிகுந்த காலகட்டத்தில் நடிகராக இல்லாமல் தயாரிப்பாளராக முடிவெடுப்பதே சரியாக இருக்குமென நம்புகிறேன்" என சூர்யா விளக்கம் அளித்துள்ளார். 

தன்னை பற்றி வரும் மீம்ஸ் குறித்து பேசிய சமுத்திரக்கனி, '`ரொம்ப சந்தோஷமா பார்த்தேன். நாம நடிக்குறதுக்கும் இத்தனை கேரக்டர்ஸ் இருக்குன்னு தெரிஞ்சிக்கிட்டேன். என் பையன்தான் இதெல்லாம் எடுத்து எடுத்துக் காட்டினான். அவனுக்கு வருத்தம்தான். 'இதெல்லாம் பாசிட்டிவா எடுத்துக்கணும்டா. எவ்வளவு கெட்டப் போட்டு எனக்காக மீம்ஸ் உருவாக்கியிருக்காங்க. அந்த உழைப்பை மதிக்கணும். இதில் நல்ல கெட்டப் இருந்தா அதைப் படத்தில் பயன்படுத்திக்க வேண்டியதுதான்'னு சொன்னேன்.

கொரோனாவால் பாதிக்கப்பட்ட பாடகர் எஸ்.பி பாலசுப்பிரமணியம் தனியார் மருத்துவமனையில் சிகிச்சை பெற்று வருகிறார். தற்போது அவரது உடல்நிலை கவலைக்கிடமாக உள்ளதாக மருத்துவமனை அறிக்கை வெளியிட்டுள்ளது. அதில், எக்மோ கருவி மூலமாக  எஸ்.பி.பி-க்கு சிகிச்சை அளித்து வருவதாக மருத்துவமனை நிர்வாகம் குறிப்பிட்டுள்ளது. 

 

தமிழில் விஜய் சேதுபதியுடன் ‘துக்ளக் தர்பார்’, துல்கர் சல்மானுடன் ‘ஹே சினாமிகா’ ஆகிய படங்கள் அதிதி ராவ் நடிப்பில் உருவாகிவருகின்றன. அடுத்து, ஜி.வி.பிரகாஷ் குமாருக்கு ஜோடியாக லவ் சப்ஜெக்ட்டில் நடிக்கவிருக்கிறார். இந்தப் படத்தை அறிமுக இயக்குநர் பிரஷாந்த் இயக்குகிறார். இதற்கு முன்னர் வசந்தபாலன் இயக்கத்தில் உருவாகிவரும் ‘ஜெயில்’ படத்தில் ஜி.வி.பிரகாஷுடன் இணைந்து ‘காத்தோடு காத்தானேன்’ பாடலைப் பாடியிருக்கிறார் அதிதி ராவ். 

விதவிதமான கிளாமர் போட்டோக்களை சோஷியல் மீடியாக்களில் அள்ளித் தெளித்துவரும் ‘மாஸ்டர்’ நாயகி மாளவிகா மோகனனுக்கு பட வாய்ப்புகள் வரிசைகட்டுகின்றனவாம். `கார்த்திக் நரேன் இயக்கத்தில், தனுஷ் நடிக்கும் படத்திலும் அவர் ஹீரோயினாக நடிக்க அதிக வாய்ப்பிருக்கிறது’ என்கிறார்கள். லேட்டஸ்ட்டாக மாளவிகா வெளியிட்ட ஸ்விம்மிங் பூல் போட்டோவுக்கு இணையத்தில் ஏகபோக வரவேற்பு.

அமீர் கானுடன் கரீனா கபூர் நடித்துவரும் ‘லால் சிங் சத்தா’ திரைப்படம் இந்த ஆண்டு கிறிஸ்துமஸ் பண்டிகையையொட்டி வெளியாகவிருந்தது. ஆனால், கொரோனா காரணமாக, 2021-ம் ஆண்டு கிறிஸ்துமஸ் பண்டிகையையொட்டி வெளி வருகிறது 

பாலிவுட் நடிகர் சயீஃப் அலிகான் - கரீனா கபூர் தம்பதிக்கு 2016-ம் ஆண்டு ஆண் குழந்தை பிறந்தது. தற்போது மீண்டும் கருவுற்றிருக்கிறார் கரீனா. இந்தத் தகவலை இன்ஸ்டாகிராமில் அவர் பதிவிட, சினிமா பிரபலங்கள் பலரும் வாழ்த்து தெரிவித்துவருகின்றனர். 

 தமிழ், தெலுங்கு, மலையாளம் என மூன்று மொழிகளிலும் நல்ல மார்கெட் உள்ளவர் கீர்த்தி சுரேஷ். இவர் நடிப்பில் அமேஸான் தளத்தில் நேரடியாக வெளியான ‘பெண்குயின்’ திரைப்படத்துக்கு எதிர்பார்த்த வெற்றி கிடைக்கவில்லை. இருந்தபோதிலும், கீர்த்தி நடித்துள்ள ‘மிஸ் இந்தியா’, ‘குட் லக் சகி’ ஆகிய இரண்டு படங்களையும் ஓ.டி.டி தளத்தில் நேரடியாக வெளியிட, பேச்சுவார்த்தை நடத்தி வருகிறார்களாம்.

கொரோனாவால் பாதிக்கப்பட்டுள்ள பாடகர் எஸ்.பி. பாலசுப்பிரமணியம் உடல் நிலையில் முன்னேற்றம் ஏற்பட்டுள்ளதாக தெரிவிக்கப்பட்டுள்ளது. இந்த நிலையில் நடிகர்  ரஜினிகாந்த், எஸ்.பி. பாலசுப்பிரமணியம் விரைவில்  குணமடைய பிரார்த்தனை செய்வதாக வீடியோ வெளியிட்டுள்ளார். 50 ஆண்டுகளுக்கு மேல் பல மொழிகளில் பாடி மக்களை மகிழ்வித்தவர் எஸ்.பி.பி என அவருக்கு புகழாரமும் சூட்டி உள்ளார். 

கொரோனா பாதிப்பால் சென்னை மருத்துவமனையில் அனுமதிக்கப்பட்டுள்ள பாடகர் எஸ்.பி.பாலசுப்ரமணியம் உடல்நிலையில் பின்னடைவு ஏற்பட்டுள்ளதாக தனியார்  மருத்துவமனை தெரிவித்துள்ளது. அவர் தீவிர சிகிச்சைப்பிரிவுக்கு மாற்றப்பட்டுள்ளதாகவும், அவரது உடல்நிலையை மருத்துவர் குழுவினர் தொடர்ந்து கண்காணித்து வருவதாகவும் தெரிவிக்கப்பட்டுள்ளது. 

‘கமல் அண்ணாவுடைய கார் வந்து நின்னுச்சுனா, கார் கதவைத் திறக்க ஓடிருவேன். அவருக்கு செய்யக்கூடிய சேவையா அதை நினைக்கிறேன். இறங்குன உடனே, 'அஸ்ஸலாமு அலைக்கும் பாய்'னு சொல்லுவார். 'வ அலைக்கும் (முஸ்)ஸலாம்'னு பதில் சொல்லுவேன். உடனே, 'ஒரு பாய் கேரக்டர்னா எல்லாத்தையும் தெரிஞ்சிட்டு வந்திருப்பேன்'னு சொல்லுவார். அவர்கூட இருந்தாலே ரொம்ப ஜாலியா இருக்கும். இன்னும் பல படங்கள் அவர்கூட நடிக்கணும்னு ஆசையிருக்கு.' என எம்.எஸ் பாஸ்கர் பகிர்ந்துள்ளார்.

வெற்றிமாறனின் அடுத்தடுத்தப்படங்கள் என்ன என்கிற கேள்வியும், முதலில் எந்தப்படத்தை அவர் இயக்குகிறார் என்கிற குழப்பங்களும் கோலிவுட்டில் எழுந்திருக்கிறது. இப்போதைய சூழலில் சூரி படம் தாமதமாகும் எனத் தெரிகிறது. ஆனால், எல்ரெட் குமாரின் ஆர்.எஸ். இன்ஃபோடெய்ன்மென்ட் நிறுவனத்துக்கு ஒரு படம் எடுத்துக்கொடுத்துவிட்டுத்தான் சூர்யாவின் 'வாடிவாசல்' படத்துக்கு வெற்றிமாறன் போவார் என்கிறார்கள். இந்தப் படத்துக்கான கதை, நடிகர்கள் குறித்த விவாதங்கள் நடந்துவருகிறது.

‘ரோஜா’ சீரியலில் நடிக்க என்ன காரணம் என்ற கேள்விக்கு பதிலளித்த நடிகை யாஷிகா, `நான் நடிச்ச அஞ்சு படங்கள் இப்போ ரிலீஸுக்கு ரெடியா இருக்கு. இந்தப் படங்களெல்லாம் லாக்டெளனுக்கு முன்னாடியே முடிஞ்சிட்டதால, லாக்டெளன் டைம்ல வேலையே பார்க்காமல் இருந்தது ரொம்பவே ஸ்ட்ரெஸ்ஸா இருந்துச்சு. `ரோஜா’ சீரியலோட டைரக்டர் எனக்கு நண்பர். அதனால, அந்த சீரியலில் ஒரு கெஸ்ட் ரோலில் நடிச்சேன். மத்தபடி, எனக்கு தொடர்ந்து சீரியல்களில் நடிக்கிற எண்ணம் இல்லை’ என்றார். 

விஜய் தேவரகொண்டா தயாரிப்பில், ‘மீக்கு மாத்திரமே செப்தா’ தெலுங்குப் படத்தின் மூலம் தன் சினிமா கரியரைத் தொடங்கினார் வாணி போஜன். ‘ஓ மை கடவுளே’ படமும் நல்ல பெயரை வாங்கிக்கொடுக்க, கைவசம் அடுத்தடுத்த படங்கள் வரிசைகட்டுகின்றன. வைபவ்வுடன் இவர் நடித்த ‘லாக்கப்’ ஜீ5 தளத்தில் வெளியாகவிருக்கிறது. தவிர, அதர்வாவுடன் ஒரு படம், விக்ரம் பிரபுவுடன் ஒரு படம் என வரிசை நீள்கிறது. இந்த 2 படங்களும் தமிழ்-தெலுங்கு பைலிங்குவலாக இருக்கும் என்கிறார்கள்.

 `பிக் பாஸ்’ பிரபலமான யாஷிகா ஆனந்த் நடிப்பில் ‘ஜாம்பி’ படம் வெளியானது. மஹத்துடன் ‘இவன்தான் உத்தமன்’ படத்தில் அவருக்கு ஜோடியாக நடித்துள்ளார். இதைத் தொடர்ந்து, ஆரவ் நடித்துள்ள ‘ராஜபீமா’ படத்தில் ஒரு பாடலுக்கு மட்டும் நடனமாடியிருக்கிறார். தவிர, தம்பி ராமையாவின் மகன் உமாபதி ராமையா நடிக்கும் ‘சிறுத்தை சிவா’ என்ற படத்திலும் நாயகி யாஷிகாதான்.

இந்தியத் திரையுலகமே கொரோனா ஊரடங்கால் முடங்கிக்கிடக்க... ஊரடங்குக்குப் பிறகு முதன்முறையாக ‘பெல்பாட்டம்’ படத்தின் படப்பிடிப்புக்காக லண்டனுக்குச் சென்றிருக்கிறது அக்‌ஷய் குமார் அண்ட் டீம். அக்‌ஷய் குமாருடன் லாரா தத்தா, ஹூமா குரேஷி ஆகியோர் நடிக்கின்றனர்.

தெலுங்கில் முன்னனி நடிகரான மகேஷ் பாபு விடுத்த கிரீன் இந்தியா சவாலை ஏற்ற நடிகர் விஜய் தனது வீட்டில் மரக்கன்று ஒன்றை நட்டுள்ளார். இதனை புகைப்படும் எடுத்து தனது ட்விட்டர் பக்கத்திலும் வெளியிட்டுள்ளார். சமூக வலைதளங்களில் இந்த படத்தை அவரது ரசிகர்கள் பலரும் பகிர்ந்து கொண்டாடி வருகின்றனர். 

மணிரத்னம் - ராம் கோபால் வர்மா கூட்டணியில் உருவான படம்தான் `திருடா திருடா'. ஏ.ஆர்.ரஹ்மானை தன்னுடைய `ரங்கீலா' படத்தின் மூலம் பாலிவுட்டுக்கு அறிமுகப்படுத்தியதும் இவர்தான். கதை, திரைக்கதை, இயக்கம் என அனைத்திலும் தனக்கென்று தனி இடத்தை இந்தியத் திரையுலகில் பிடித்திருந்த ராம் கோபால் வர்மாவுக்கு சமீப காலமாக என்ன ஆயிற்று என்று தெரியவில்லை. சமீபமாக தெலுங்கு சினிமாவில் அவர் பல அட்ராசிட்டிகளை செய்து வருகிறார்.

ட்விட்டரில் தன்னிடம் கேள்வி கேட்பவர்களிடம் பதில் சொல்லி உரையாடுவதை வழக்கமாக வைத்திருக்கிறார் நடிகை மாளவிகா மோகனன். அப்படி, ‘நீங்கள் ஒரு முறையாவது இவர் இயக்கத்தில் நடிக்க வேண்டும் என்று நினைக்கும் இயக்குநர் யார்?’ என்ற கேள்விக்கு வெற்றிமாறன் பெயரைச் சொல்லி யிருக்கிறார் மாளவிகா மோகனன். தவிர, ரசிகர் ஒருவர் முத்தம் கேட்ட தற்கும், மாளவிகாவிடமிருந்து கிஸ்ஸிங் எமோஜியுடன் முத்தம் வந்திருக்கிறது!

மலையாளத்தில் வெளியாகி வரவேற்பைப் பெற்ற ‘ஹெலன்’ படத்தின் தமிழ் ரீமேக்கில் அருண் பாண்டியனின் மகள் கீர்த்தி பாண்டியன் நடிக்கிறார். பல வருடங்கள் கழித்து, அருண் பாண்டியன் இந்தப் படத்தில் நடிக்கிறார். அவர்தான் இந்தப் படத்தின் தயாரிப்பாளரும்கூட. கோகுல் இயக்கும் இந்தப் படத்துக்கு ‘அன்பிற்கினியாள்’ எனப் பெயரிட்டுள்ளனர். இதன் இந்தி வெர்ஷனை போனி கபூர் தயாரிக்க, ஜான்வி கபூர் நடிக்கவிருக்கிறார்.

பாரதிராஜா இயக்கும் புதுப் படம் ஒன்றில் நடிக்கவிருக்கிறார் ராதிகா. ‘கிழக்கே போகும் ரயில்’ தொடங்கி ‘தாஜ்மஹால்’ வரை பல பாரதி ராஜாவின் படங்களில் நடித்தவர் ராதிகா. இப்போது பாரதிராஜா இயக்கும் இந்தப் படத்துக்கு ‘ஆத்தா’ எனப் பெயரிட்டுள்ளனர். இதன் திரைக்கதையில் பணியாற்றச் சொல்லி வெற்றிமாறனிடம் கூறியிருக்கிறாராம் பாரதிராஜா. இசை இளையராஜா. வைரமுத்து விடமும் பாரதிராஜா பேசி வருகிறாராம். இது சரியாக அமைந்தால், பாரதிராஜா-இளையராஜா- வைரமுத்து என்ற எவர்கிரீன் கூட்டணி பல வருடங்கள் கழித்து இணையும் என்கிறது கோலிவுட் வட்டாரம்.

ஹன்சிகா, பப்ளி ப்யூட்டியாக இருந்தவர். பிரபுதேவாவுடன் ‘குலேபகாவலி’ படத்தில் அவர் வந்த போது, ‘ஹன்சிகாவா இது?’ என்று ஆச்சர்யப்படும் அளவுக்கு மெலிந் திருந்தார். தற்போது இன்னும் உடலைக் குறைத்து பயங்கர ஸ்லிம்மாக மாறிவிட்டார். அவருடைய 50-வது படமான ‘மஹா’ படப்பிடிப்பு நிறைவடையும் நிலையில் உள்ளது. இதில் சிம்பு முக்கிய கதாபாத்திரத்தில் நடிக்கிறார். இதைத் தொடர்ந்து, இயக்குநர் மித்ரன் ஜவஹர் இயக்கத்தில் தனுஷ் நடிக்கும் படத்திலும் ஹன்சிகாவை ஒப்பந்தம் செய்துள்ளனர்.

மலையாளத்தில் ‘அனுராக கரிக்கின் வெள்ளம்’ படத்தின் மூலம் அறிமுகமான நடிகை ரஜிஷா விஜயன். அங்கு சில படங்களில் நடித்திருந்தவரை ‘கர்ணன்’ படத்தின் மூலம் தமிழுக்கு அழைத்து வந்துள்ளார், இயக்குநர் மாரி செல்வராஜ். தனுஷுடன் ‘கர்ணன்’ படத்தை முடித்து விட்டு, விஜய் சேதுபதிக்கு ஜோடியாக நடிக்கவிருக் கிறாராம். அந்தப் படம் ஸ்ரீபதி ரங்கசாமி இயக்கும் இலங்கை கிரிக்கெட் வீரர் முத்தையா முரளிதரன் பயோபிக் என்பது குறிப்பிடத் தக்கது.

TamilFlashNews.com
Open App