International


ஆஸ்திரேலியாவின் நியூ சௌத் வேல்ஸ், குவின்ஸ்லேண்டில், 100 இடங்களுக்கு மேல் காட்டுத் தீ பரவியுள்ளது. 3 பேர் உயிரிழந்தனர். 150 வீடுகளுக்கும் மேல் சேதம் அடைந்துள்ளன. 1000-க்கும் மேலான மக்கள் இடம் பெயர்ந்துள்ளனர். இரவு குளிர், அதிக வெப்பநிலை, குறைந்த காற்றின் ஈரப்பதமும் தீ உருவாவதற்கு வழிவகுக்கும் என்று எச்சரிக்கப்பட்டுள்ளது.

``தமிழ்நாட்டுல வளமும் வாய்ப்பும் குவிந்துள்ளது. நீங்க எல்லோரும் அங்க முதலீடு செய்ய முன்வரணும். உங்களுக்குத் தேவையான அத்தனை உதவிகளையும் செய்ய நான் தயாரா இருக்கிறேன். தமிழக அரசும் தயாரா இருக்கு. தமிழக மக்களின் சார்பாக வழங்கப்பட்டுள்ள விருதைப் பெற்றுக் கொள்வதில் மகிழ்ச்சியடைகிறேன்’ என சிகாகோவில் ஓ.பி.எஸ் பேசியுள்ளார். 

விதைகள் தூவுவது முதல் அறுவடை செய்வது வரை விவசாயப் பணிகளுக்குச் சுமார் 20 வகையான ரோபோக்களை உருவாக்க, ஜப்பான் அரசு மானியம் வழங்கிவருகிறது. கடந்த 10 ஆண்டுகளில், ஜப்பான் வயல்களில் வேலை செய்பவர்களின் எண்ணிக்கை 2.2 மில்லியனிலிருந்து 1.7 மில்லியனாகக் குறைந்திருப்பதைக் கருத்தில் கொண்டு ரோபோக்களை பணியில் இறக்க முடிவு செய்யப்பட்டுள்ளது.

சீன அரசின் புதிய விதிமுறைகளின்படி, 18 வயதுக்கும் கீழ் உள்ளவர்கள் இனி வாரநாள்களில் 90 நிமிடங்களுக்கு மேல் ஆன்லைன் கேம்களை விளையாடத் தடை விதிக்கப்பட்டுள்ளது, மேலும், இவர்கள் இரவு 10 மணி முதல் காலை 8 மணி வரை ஆன்லைன் கேம் விளையாடுவதற்கும் தடை விதிக்கப்பட்டுள்ளது. 

சிலி நாட்டின் தலைநகர் சாண்டியாகோவில், மெட்ரோ ரயில் கட்டணங்கள் உயர்த்தப்பட்டதை எதிர்த்து மாணவர்கள் தொடங்கிய போராட்டம், நாட்டின் பல பகுதிகளில் வன்முறையாக வெடித்தது. அப்போது போராட்டக்காரர்கள் வீசிய பாட்டில் ஒன்று, பெண் காவலர்கள்மீது விழுந்து தீபற்றிய வீடியோ கடந்த 2 நாள்களாக சமூகவலைதளத்தில் வைரலாகி வருகிறது.

வட இராக்கில் உள்ள பழம் பெருமை வாய்ந்த மொசூல் நகரம். சிரியாவின் இட்லிப் மாகாணத்தில் வைத்துக் கொல்லப்பட்ட அல் பக்தாதி கடைசியாக தோற்கடிக்கப்பட்டது இந்த மொசூலில்தான். அதற்குப் பிறகே, தன் இருப்பிடத்தை பக்தாதி மாற்றிக்கொண்டே இருக்க நேரிட்டது. அந்த நகரை பற்றி அறிந்துக்கொள்ள கீழே உள்ள லிங்கை கிளிக் செய்யவும்.

பாகிஸ்தான் பிரதமர் இம்ரான்கான் பதவி விலக வேண்டும் என்று நேற்று இஸ்லாமாபாத்தில் பல ஆயிரக்கணக்கானவர்கள் இணைந்து போராட்டம் நடத்தியுள்ளனர். மவுலானா ஃபஸ்லுர் ரஹ்மான் இதற்கு தலைமை தாங்கியுள்ளார். இதனால் இம்ரான்கான் பதவிக்கு ஆபத்து இருப்பதாக கூறப்படுகிறது. 

சிரியாவில், பாக்தாதி இருக்கும் இடம் தெரிந்ததும் ‘கதையை முடித்துவிடுங்கள்’ என ட்ரம்ப் தெரிவித்துள்ளார். பாக்தாதி வீடு மீது தாக்குதல் நடத்தப்பட்ட சம்பவம், ட்ரம்ப்புக்கும் லைவ் செய்யப்பட்டது. பின்லேடன் வேட்டையை ஒபாமா பார்த்ததுபோல், பாக்தாதியை ட்ரம்ப் ரசித்தார். இப்போது அந்த வீடியோ பகிரங்கமாகவே வெளியிடப்பட்டிருக்கிறது.

'இந்தியாவில் உள்ள பத்திரிகையாளர்கள், மனித உரிமை ஆர்வலர்கள் போன்ற பலர் ஸ்பைவேர் மூலம் கண்காணிக்கப்பட்டுள்ளனர். பாதுகாப்பு நலன் கருதி அவர்களின் பெயர்கள், தொலைபேசி எண்களை எங்களால் வெளியிட முடியாது. ஆனால், ஸ்பைவேர் மூலம் கண்காணிக்கப்பட்ட பயனர்களின் எண்ணிக்கை அதிகம் ' என வாட்ஸ் அப் நிறுவனம் தெரிவித்துள்ளது. 

`தொழில் தொடங்குவதற்கு ஏதுவான நாடுகளில் இந்தியா மூன்றாவது இடத்தில் இருப்பதால், இதை சர்வதேச முதலீட்டாளர்கள் பயன்படுத்திக்கொள்ள வேண்டும்" என சவுதி அரேபியாவில் நடக்கும் ‘எதிர்கால முதலீட்டுக்கான முயற்சி’ என்ற உயர்மட்டப் பொருளாதார ஆலோசனைக் கூட்டத்தில் பேசிய நரேந்திர மோடி அழைப்பு விடுத்திருக்கிறார்.

ஏப்ரல் மாதத்தின் முடிவில், பாகிஸ்தானின் லர்கானாவைச் சேர்ந்த  700 குழந்தைகள் ஹெச்.ஐ.வி தொற்றால் பாதிக்கப்பட்டனர். குழந்தைகள் நலமருத்துவர் முசாஃபர், ஒரே ஊசியை மீண்டும் மீண்டும் பயன்படுத்தியதே இதற்குக் காரணம் என்பது விசாரணையில் தெரியவந்தது. கைது செய்யப்பட்ட அவர் தற்போது விடுதலையாகி மீண்டும் பணியில் அமர்த்தப்பட்டுள்ளார். 

உடல் நிலை மோசமானதால் மருத்துவமனையில் அனுமதிக்கப்பட்டிருந்த பாகிஸ்தான் முன்னாள் பிரதமர் நவாஸ் ஷெரிஃபுக்கு மருத்துவமனையிலேயே மாரடைப்பு ஏற்பட்டுள்ளது. இதனால் அவரின் உடல்நிலை மிகவும் மோசமாக உள்ளதாக மருத்துவர்கள் கூறியுள்ளனர்.

சீனாவின் ஹூபே மாகாணத்தில் உள்ள வூஹனில் உலக ராணுவ விளையாட்டுப் போட்டிகளில் சீனா முறைகேடு செய்துள்ளது. சீன ராணுவத்தின் மகத்துவத்தை வெளியுலகுக்கு பறைசாற்ற இப்போட்டிகள் நான்கு வருடங்களுக்கு ஒருமுறை நடத்தப்படுகிறது. நடைபெற்ற முறைகேட்டை எந்தவொரு சீன ஊடகமும் வெளியிட மறுத்துள்ளது.

நவாஷின் உடலில் விஷம் கலந்திருப்பதாக அவரின் மகன் உசேன் ஷெரீஃப் குற்றம் சாட்டியுள்ளார். ‘என் தந்தை மருத்துவமனைக்கு அழைத்துச் செல்லப்பட்டபோது, அவரது உடலில் உள்ள ரத்த அணுக்களின் எண்ணிக்கை மிகவும் குறைவாக இருந்துள்ளது. இதனால், அவருக்கு விஷம் கொடுக்கப்பட்டிருக்கலாம்.’ என ட்விட்டரில் குறிப்பிட்டுள்ளார். 

இங்கிலாந்தின் எசெக்ஸ் மாகாணத்தில் உள்ள கிரேஷ் நகரில் உள்ள ஒரு தொழில் பூங்காவின் அருகே இருந்த கன்டெய்னர் லாரியிலிருந்து 39 சடலங்கள் கண்டெடுக்கப்பட்டுள்ளன. லாரியின் டிரைவர் 25 வயது இளைஞர். அயர்லாந்து நாட்டைச் சேர்ந்த அவரை போலீஸ் கஸ்டடியில் எடுத்து விசாரித்து வருகின்றனர்.

ஃபேபியோ மட்டீஸன் என்ற இங்கிலாந்து பெண், ஒரு யூடியூபர். ஜங்க் ஃபுட்களை சாப்பிட்டபடி வீடியோவை பார்ப்பவர்கள் முன் பேசுவார். இதை, 'முக்பேங் கிரேஸ் என்பார்கள். ஃபேபியோ சாப்பிடுவதில் மிகவும் ஆர்வம் உடையவர்.  ‘நான் சாப்பிடுவதை ஆயிரக்கணக்கானோர் பார்க்கும்போது, எனக்கு உற்சாகமாக இருக்கிறது'' என ஃபேபியோ தெரிவித்துள்ளார். 

சிரியாவில் உள்ள அமெரிக்க படைகள் நேற்று சிரியாவிலிருந்து புறப்பட்டு இராக் நாட்டுக்குச் சென்றுள்ளனர். அமெரிக்கப் படைகள் புறப்படுவதற்கு முன்னதாக சிரியாவின் அல் - ஹசாகா பகுதியிலிருந்த தங்கள் விமான தளங்கள் மீது தாங்களே குண்டு வீசி அனைத்தையும் அழித்து விட்டுச் சென்றுள்ளதாக உள்நாட்டு ஊடகங்கள் செய்தி வெளியிட்டுள்ளன.

செப்டம்பர் மாதம் 23 -ம் தேதி இந்திய பயணிகள் விமானம் ஒன்று பாகிஸ்தான் வான்வழியில் பறந்தபோது அதனை போர் விமானம் என சுற்றிவளைத்த பரபர சம்பவம் நடந்தது தற்போது வெளியாகியுள்ளது. எனினும் பாகிஸ்தான் விமானப்படை பொறுமையாக செயல்பட்டதாக இந்தியா நன்றி தெரிவித்துள்ளது. முழுமையான தகவல் கீழே உள்ள் லிங்கில்...

இங்கிலாந்து இளவரசர் வில்லியமும் மனைவி கேத் மிடில்டன்னும் பாகிஸ்தானில் சுற்றுப்பயணம் மேற்கொண்டு வருகின்றனர். கேத் மிடில்டன் பாகிஸ்தானில் இறங்கும்போது அந்நாட்டு பாரம்பர்ய உடை அணிந்திருந்தார். ஒவ்வொரு நாளும் அதே போன்ற உடைகளை அணிவதால் பாகிஸ்தானியர்கள் கேட் மீது அன்பைப் பொழிந்து வருகின்றனர். 

சிகாகோவில் யு.எஸ்.பி.ஏ குத்துச்சண்டை போட்டி கடந்த சனிக்கிழமை நடந்தது. இதில் பங்கேற்ற கோல்டன் கிளவுஸ் சாம்பியன் பேட்ரிக் டே, பாதியிலேயே மயங்கி விழுந்தார். அவரை பரிசோதித்த மருத்துவர்கள் பேட்ரிக் கோமாவுக்கு சென்றதாக கூறினர். 4 நாள்களுக்கு பிறகு அவர் சிகிச்சை பலனின்றி உயிரிழந்தார். இதனால் அமெரிக்காவும் அவரது ரசிகர்களும் சோகத்தில் உள்ளனர். 

கிறிஸ்டினா கோச், ஜெஸ்ஸிகா மேயர் ஆகிய இரு விண்வெளி வீராங்கனைகள் கொண்ட குழு நேற்று தனியாக ஸ்பேஸ் வாக் செய்துள்ளனர்.இரு வீராங்கனைகளும் சர்வதேச விண்வெளி நிலையத்திலிருந்து அகண்ட விண்வெளியில் அடியெடுத்து வைத்தனர். ஒரு ஆண் துணையில்லாமல் பெண்கள் மட்டும் தனியாக இதை செய்வது இதுவே முதல்முறை. 

உலகளவில் அதிகம் கடத்தப்படும் சட்ட விரோதப் பொருள்களில் மூன்றாம் இடத்தில் இருப்பவை யானைத் தந்தங்கள். கடத்தல்காரர்களைப் பொறுத்தவரை, யானைத் தந்தம் என்கிற பெயரே ஒரு போதைப் பொருள்தான். இதற்காக ஆண்டுக்கு 25,000 முதல் 50,000 யானைகள் கொல்லப்படுகின்றன. இதைப் பற்றிய முழுமையான தகவலை அறிந்துகொள்ள கீழே உள்ள லிங்கை கிளிக் செய்யவும். 

‘பிரிட்டன் வசம் முழுக் கட்டுப்பாடும் வரும் வகையில் ஒப்பந்தம் எட்டப்பட்டுள்ளது. வரும் சனிக்கிழமை, பிரிட்டன் நாடாளுமன்றத்தில் நடக்கும் கூட்டத்தில் பிரெக்சிட் முடிக்கப்பட வேண்டும். சுதந்திரமான வர்த்தகம் மற்றும் நட்பின் அடிப்படையில் ஐரோப்பிய ஒன்றியத்துடன் ஒரு புதிய உறவை ஏற்படுத்துகிறது' என பிரிட்டன் பிரதமர் பதிவிட்டுள்ளார். 

`சிரியாவில் உள்ள அமெரிக்க படைகள் தாயகம் திரும்பும் நேரம் இது. சிரியாவில் துருக்கி ஊடுருவியிருப்பது என் எல்லைக்கு உட்பட்டதல்ல, அதேபோல் குர்திஷ்கள் ஒன்றும் ஏஞ்சல்கள் இல்லை. துருக்கியில் குர்திஷ் தன்னாட்சிக்காகப் போராடி வரும் குர்திஷ்தான் தொழிலாளர் கட்சி, பயங்கரவாத ஐ.எஸ் அமைப்பைவிட மிகவும் மோசமானது’ என ட்ரம்ப் கூறியுள்ளார். 

கனடாவின் அதிபராக ஜஸ்டின் ட்ரூடோ 2-வது முறையாகத் தேர்வாக அமெரிக்க முன்னாள் அதிபர் பராக் ஒபாமா ஆதரவு தெரிவித்திருக்கிறார். `அதிபராக ஜஸ்டின் ட்ரூடோவுடன் பணியாற்றியதற்காகப் பெருமைப்படுகிறேன்.அண்டைநாட்டு மக்கள் அவர் இரண்டாவது முறையாக அதிபராவதற்கு ஆதரவளிப்பார்கள் என்று நம்புகிறேன்' என ட்விட்டரில் பதிவிட்டுள்ளார்

.