International


ஹாலிவுட் நடிகர், இயக்குநர் எனப் பன்முகத்தன்மையுடைய மோர்கன் ஃப்ரீமேன், தன் 124 ஏக்கர் பண்ணையைத் தேனீக்கள் சரணாலயமாக மாற்றியிருக்கிறார். `அமெரிக்காவில் 2015-16 ஆண்டு இடைவெளியில், தேனீக்களின் எண்ணிக்கை 44% குறைந்துவிட்டதாக ஆய்வுகள் குறிப்பிட்டுள்ளன. எனவே, என் பண்ணையைத் தேனீக்களின் கூடாக மாற்றினேன்’ என்கிறார்  மோர்கன்.

 ஸ்பை- கேமரா விவகாரம் தென்கொரியாவில் தலைதூக்கியுள்ளது. தென்கொரியாவில் உள்ள விடுதிகளில் தங்கிய 1,600 பேரை ரகசியமாகப் படம்பிடித்துள்ளது தற்போது தெரியவந்துள்ளது. ஒரு இணையதளத்தில் இதுதொடர்பான வீடியோக்கள் வெளியாகியுள்ளது. இந்த விவகாரத்தில் இதுவரை இரண்டு நபர்கள் கைது செய்யப்பட்டுள்ளனர்.

``இன்னொரு முறை இந்தியா மீது தீவிரவாத தாக்குதல்கள் நடத்தப்பட்டால் அது பாகிஸ்தானுக்கு மிகவும் சிக்கலானதாக அமையும். ஒரு பொறுப்புள்ள சர்வதேச நாடக தீவிரவாத குழுக்கள் மீது நடவடிக்கை எடுக்காவிட்டால் பொருளாதார ரீதியாக பாகிஸ்தான் இன்னும் தனிமைப்படுத்தப்படும்" என அமெரிக்கா கடுமையாக எச்சரிக்கை விடுத்துள்ளது.

இந்தியர்கள் கடந்த ஒரு வருட காலமாக மகிழ்ச்சியைத் தொலைத்து விட்டார்கள் என்று ஐ.நா அமைப்பின் மகிழ்ச்சி அறிக்கை தெரிவித்துள்ளது. கடந்த ஆண்டு 133- வது இடத்தில் இருந்த இந்தியா 140- வது இடத்துக்குப் பின்தங்கியுள்ளது. தெற்காசியாவில் பாகிஸ்தானியர்கள்தான் மகிழ்ச்சியானவர்களாக குறிப்பிட்டு 67- வது இடம் பிடித்துள்ளது.

சீனா, தீவிரவாதி மசூத் அசாரிக்கு ஆதரவாக ஐ.நாவில் முடிவெடுத்ததால்,  சீனப் பொருள்களைப் புறக்கணிக்குமாறு இந்தியாவில் சமீப காலமாக குரல்கள் எழுப்பப்பட்டு வந்தன. இந்நிலையில், `உங்களால் முடிந்தால் எங்கள் பொருள்களைப் புறக்கணித்துக் காட்டுங்கள்’ என இந்தியாவுக்கு சீனா சவால் விடுத்துள்ளது.

சீனாவில், ஜின்ஜியாங் மாகாணத்தில் 13,000 இஸ்லாமியர்கள், தீவிரவாதிகள் எனச் சித்திரிக்கப்பட்டு கைது செய்து சிறையில் அடைக்கப்பட்டுள்ளனர். இந்த மாகாணத்தில், லட்சக்கணக்கான உய்கர் இன இஸ்லாமிய மக்கள் வசிக்கின்றனர். அனைவரும் சீனர்கள் போன்றே உடை அணிய வேண்டும், தாடி ,தொப்பி வைத்திருக்கக் கூடாது என சீன அரசு உத்தரவிட்டுள்ளது.

'அடுத்து 25 ஆண்டுகளுக்குள், இங்கிலாந்து மிகப்பெரிய தண்ணீர்ப் பற்றாக்குறையைச் சந்திக்கும். உயர்ந்துகொண்டிருக்கும் இங்கிலாந்தின் மக்கள்தொகைக்கு ஏற்ப தண்ணீர்த் தேவையைப் பூர்த்திசெய்ய முடியாது. காலநிலை மாற்றத்தின் விளைவாக பற்றாக்குறை அதிகரித்துவருகிறது' என அந்நாட்டின் சுற்றுச்சூழல் நிறுவன தலைமை நிர்வாகி எச்சரித்துள்ளார்.

வங்கிக்கடன் மோசடி வழக்கில் தப்பிச் சென்ற நீரவ் மோடிக்கு லண்டன் நீதிமன்றம் பிடிவாரன்ட் பிறப்பித்துள்ளது. நீரவ் மோடியை நாடு கடத்த இங்கிலாந்து அரசிடம் இந்தியா கோரிக்கை வைத்திருந்த நிலையில், இந்த உத்தரவு பிறப்பிக்கப்பட்டுள்ளது. இதனால் அவர்  விரைவில் நாடு கடத்தப்படலாம் எனக் கூறப்படுகிறது. 

நெதர்லாந்து நாட்டின் உட்ரட் நகரில் டிராம் வண்டியில் பயணம் செய்த நபர் ஒருவர் நடத்திய துப்பாக்கிச்சூட்டில் 3 பேர் உயிரிழந்துள்ளனர், 9 பேர் படுகாயமடைந்துள்ளனர். தீவிரவாத நடவடிக்கையாக இருக்கலாம் என்ற ரீதியில் விசாரணை நடந்து வருகிறது. நியூஸிலாந்தில் நடந்த துப்பாக்கிச் சூட்டில் 50 பேர் பலியானது குறிப்பிடத்தக்கது.

நியூசிலாந்து நாட்டில் சென்ற வாரம் நடைபெற்ற துப்பாக்கிச்சூட்டில் 40க்கும் அதிகமானோர் உயிரிழந்தனர். இந்த வீடியோவை உடனடியாக சமூக வலைதளங்கள் தங்களது பக்கத்திலிருந்து நீக்க நடவடிக்கை எடுக்க வேண்டுமெனக் கோரிக்கை எழுந்தது. இப்போதுவரை ஃபேஸ்புக்கில் 15 லட்சம் வீடியோக்கள் அழிக்கப்பட்டிருப்பதாக ஃபேஸ்புக் நிர்வாகம் தெரிவித்திருக்கிறது. 

ஸ்வீடனைச் சேர்ந்த 16 வயதேயான கிரேட்டா தன்பர்க் என்ற சிறுமி காலநிலை மாற்றத்துக்கு எதிராக உலகத் தலைவர்கள் விரைவில் நடவடிக்கை எடுக்க வேண்டும் என போராடி வருகிறார். பள்ளியை பாதியில் நிறுத்திவிட்டு இயற்கைக்காக போராட்டம் நடத்திவரும் இவர் அமைதிக்கான நோபல் பரிசுக்கு பரிந்துரைக்கப்பட்டுள்ளார்.

‘துப்பாக்கிச்சூடு நடத்துவதற்கு 9 நிமிடங்களுக்கு முன்பாக தாக்குதல் நடத்திய நபர் 30 பேருக்கு மெயில் செய்துள்ளார். நான் அதைப் பார்த்த இரண்டாவது நிமிடத்தில் பாதுகாப்பு படையினருக்குத் தகவல் தெரிவித்தேன் அது தொடர்பாக நடவடிக்கை எடுப்பதற்கு முன்னால் அவன் மசூதிக்குள் நுழைந்துவிட்டான்’ என அந்நாட்டு பிரதமர் தெரிவித்துள்ளார். 

கூகுள் நிறுவனம், சீனாவுடன் இணைந்து செயல்பட்டுவருவதாக அமெரிக்காவின் ராணுவத் தலைமையகமான பென்டகன் தரப்பில் குற்றச்சாட்டு வைக்கப்பட்டுள்ளது. அமெரிக்க ராணுவ ஜெனரல் ஜோசப் டன்ஃபோர்ட் (Joseph Dunford) என்பவர் 'தி ஹில்' நாளிதழில் வெளியாகியுள்ள அறிக்கை ஒன்றில் இதை தெரிவித்துள்ளார்.

நியூஸிலாந்தின் மசூதிகளில் தாக்குதல் நடத்திய பிரென்டன் கடந்த அக்டோபரில், பாகிஸ்தான் மற்றும் வடகொரியாவில் உள்ள சம்ஜியான் போர் நினைவுச்சின்னத்தை சென்று பார்த்துள்ளார். அங்கு நடந்த அனுபவங்கள், பிரான்டனை மூர்க்கத்தனமாக்கியிருக்கும் என்று நியூஸிலாந்து ஹெரால்டு செய்தி வெளியிட்டுள்ளது.

நியூஸிலாந்தில் நடந்த தாக்குதலுக்கு இஸ்லாமியர்கள் காரணம் என்பது போல் ஆஸ்திரேலிய செனேட் உறுப்பினரான ஃப்ரேசர் அன்னிங் கருத்து தெரிவித்திருந்தார். இந்தநிலையில் நேற்று ஒரு பத்திரிகையாளர் சந்திப்பில் பேசிக்கொண்டிருக்கும்போது ஒரு 17 வயது இளைஞர் இவர் தலையில் முட்டை உடைத்துள்ளார். இந்த வீடியோ வைரலாகி வருகிறது.

ஐஸ் பக்கெட், கிகி டான்ஸ், மோமோ, நில்லு நில்லு போன்ற சேலஞ்ச்களுக்கு மாறாக சமூகத்துக்கு நல்லது விளைவிக்கக்கூடிய வகையில் புதிய சேலஞ்ச் டிரெண்ட் ஆகி வருகிறது. #Trashtag என்னும் இந்த சேலஞ்ச் பல்வேறு நாடுகளின் நகரங்களிலும் வைரலாகி வருகிறது. நகரங்களில் வீசப்படும் குப்பைகளை சுத்தம் செய்வதே இந்த சேலஞ்ச்.

நியூசிலாந்தில் நடந்த துப்பாக்கிச் சூட்டில் அதிர்ஷ்டவசமாக உயிர் தப்பிய வங்கதேச கிரிக்கெட் வீரர் தமிம் இக்பால், `தொழில்முறை கொலையாளிகளிடமிருந்து அதிர்ஷ்டவசமாக உயிர் தப்பினோம். அனைவரும் எங்களுக்காக பிரார்த்தியுங்கள். இது ஒரு அதிபயங்கர அனுபவம்' என்று ட்வீட் செய்துள்ளார். 

மசூத் அஸாரை சர்வதேச தீவிரவாதியாக அறிவிக்கும் இந்தியாவின் முயற்சி, சீனாவின் எதிர்ப்பால் நான்காவது முறையாக வீணானது. சீனாவின் இந்த செயலுக்கு எதிர்ப்பு தெரிவித்து சமூக வலைத்தளங்களில் #BoycottChineseProducts என்ற ஹேஷ்டேக் மூலம் சீனப்பொருள்களை வாங்கக்கூடாது, சீனப்பொருள்களைப் பயன்படுத்தக்கூடாதென்று ட்ரெண்டாகி வருகிறது.

பிரேசில், சுஸானோ என்ற பகுதியில் உள்ள பள்ளியில் நேற்று அடையாளம் தெரியாத இரு மர்ம நபர்கள் நுழைந்து கண்மூடித்தனமாக துப்பாக்கிச் சூடு தாக்குதல் நடத்தினர். இதில் இரண்டு ஊழியர்கள், ஐந்து மாணவர்கள் என 7 பேர் உயிரிழந்துள்ளனர். மேலும் 10 -க்கும் மேற்பட்ட மாணவர்கள் படுகாயங்களுடன் மருத்துவமனையில் அனுமதிக்கப்பட்டுள்ளனர்.

எத்தியோப்பியாவின் ஆடிஸ் அபாபா நகரில் இருந்து கென்யா தலைநகர் நைரோபி சென்ற போயிங் -737 ரக விமானம் விழுந்து நொறுங்கியது. விமான விபத்துக்குள்ளானது குறித்து  எத்தியோப்பியா ஏர்லைன்ஸ் அதிகாரப்பூர்வமாக தெரிவித்துள்ளது. ஏனினும் அதில் பயணம் செய்த 149 பணிகளில் நிலை குறித்து எந்த தகவலும் இல்லை

சர்வதேச மகளிர் தினத்தை முன்னிட்டு விண்வெளி  வரலாற்றில்  முதல்  முறையாகப்  பெண்கள்  மட்டுமே  பங்குபெறும்  விண்வெளி  நடைக்குத்   திட்டமிடப்பட்டுள்ளதாக  நாசா அறிவித்துள்ளது.   இதற்காக  2   விண்வெளி  வீராங்கனைகள் தேர்வு செய்யப்பட்டுள்ளனர். இருவரும் மார்ச் 29-ம்  தேதி  7  மணி  நேர extravehicular  பணிகளை மேற்கொள்ள உள்ளனர்.  

இந்தியாவில் வங்கி மோசடியில் ஈடுபட்ட நீரவ் மோடி லண்டனில் வலம் வந்துகொண்டு இருக்கிறார். பிரபல ஆங்கில ஊடகமான தி டெலிகிராஃப், லண்டன் வீதிகளில் நடந்து சென்று கொண்டிருந்த நீரவ் மோடியிடம் பல்வேறு கேள்விகள் கேட்டார். ஆனால் பெரும்பாலான கேள்விகளும் அவர் நோ கம்மெண்ட்ஸ் என பதிலளிக்க மறுத்து விட்டார்.

சவுதி அரேபியா - இந்தியா இடையேயான விமானப் போக்குவரத்துக்கான உரிமையை இந்தியா 40% உயர்த்தியுள்ளது. இதன்மூலம், இரு நாடுகளுக்கிடைப்பட்ட போக்குவரத்தில் வாரத்திற்கு 28,000 விமானப்பயணிகள் பயனடையக்கூடும். இந்தியாவின் உள்கட்டமைப்புத்துறையில் 100 பில்லியன் டாலரை முதலீடு செய்யப்போவதாக சவுதி அரேபியா அறிவித்துள்ளது.

ஆஸ்திரேலியாவில் பல் மருத்துவராக பணியாற்றி வந்தார் ப்ரீத்தி ரெட்டி. இந்திய வம்சாவளியான இவர் கடந்த 3 -ம் தேதி காணாமல் போனதாக புகார் அளிக்கப்பட்ட நிலையில் அவரின் உடல் காரில் சூட்கேஸில் நேற்று கண்டெடுக்கப்பட்டது. முன்னதாக அவரது முன்னாள் காதலனும் திங்கள் விபத்து ஒன்றில் பலியாகியுள்ளதால் போலீஸார் தீவிர விசாரணை மேற்கொண்டுள்ளனர்.

பயங்கரவாதி மசூத் அசாரின் மகன் மற்றும் தம்பி உள்ளிட்ட 44 தீவிரவாதிகளை பாகிஸ்தான் அரசு கைது செய்து அதிரடி காட்டியுள்ளது. மேலும் 70 பயங்கரவாத இயக்கங்களுக்கும் தடை விதித்துள்ளது. பாகிஸ்தானின் தேசிய நலனுக்காக இந்த நடவடிக்கை எடுக்கப்படுகிறது என பாகிஸ்தான் உள்துறை அமைச்சர் சுலைமான் கான் பேசியுள்ளார்.