International


அமெரிக்காவில் கருப்பினத்தை சேர்ந்த ஜார்ஜ் ஃலோய்ட் என்ற இளைஞர் போலீஸார் பிடியில் இருக்கும்போது உயிரிழந்த விவகாரம் தொடர்பாக அந்நாட்டின் பெரும் நகரங்களில் தீவிர போராட்டங்கள் வெடித்துள்ளன. இந்நிலையில் அமெரிக்காவில் 17 நகரங்களில் நடந்த போராட்டங்களில் சுமார் 1,383 பேர் காவலர்களால் கைது செய்யப்பட்டுள்ளனர்.

 

ஸ்பேஸ் எக்ஸ் ஃபால்கான் 9 ராக்கெட் இரண்டு அமெரிக்கர்களுடன் ஃபுளோரிடாவில் உள்ள கென்னடி விண்வெளி மையத்திலிருந்து சனிக்கிழமையன்று விண்வெளிக்குப் புறப்பட்டது. இதன் மூலம் ஒன்பது ஆண்டுகளுக்குப் பிறகு, முதல் முறையாக நாசா விண்வெளி வீரர்கள் அமெரிக்காவிலிருந்து விண்வெளிக்கு சென்றுள்ளனர்.

வடகொரியாவின் செய்தி நிறுவனம் ஒன்று, ``ஹாங்காங் பிரச்னை என்பது சீனாவின் உள்நாட்டு விவகாரங்களில் ஒன்று. எனவே, மற்ற நாடுகள் இந்தப் பிரச்னையில் தலையிடக் கூடாது. ஹாங்காங்கின் சமூக, பாதுகாப்பு மற்றும் பொருளாதார வளர்ச்சிக்குத் தீங்கு விளைவிக்கும் வகையில் பிற நாடுகள் இந்த விவகாரங்களில் தலையிடுவதை நாங்கள் எதிர்க்கிறோம்” என்று செய்தி வெளியிட்டுள்ளது.

‘ஹாங்காங்குக்கு வழங்கப்பட்டு வந்த சிறப்பு சலுகைகளை அகற்றும் செயல்முறையைத் தொடங்குமாறு என் நிர்வாகத்தினருக்கு அறிவுறுத்தியுள்ளேன். இது எங்களுக்கு இடையே இருந்த முழு ஒப்பந்தத்தையும் பாதிக்கும். சீன ராணுவத்துடன் தொடர்பில் இருக்கும்  அமெரிக்காவில் படிக்கும் மாணவர்களுக்குத் தடைவிதிக்க ஆலோசனை நடைபெற்று வருகிறது” என ட்ரம்ப் தெரிவித்துள்ளார்.

கொரோனா தொடர்பான விவகாரத்தில் WHO மற்றும் சீனாவை அமெரிக்க அதிபர் ட்ரம்ப் கடுமையாக விமர்சித்து வந்த நிலையில் WHO உடனான தொடர்பை துண்டித்துக் கொள்வதாக ட்ரம்ப் அறிவித்துள்ளார். 

உலகளவில் கொரோனா வைரஸால் பாதிப்படைந்தவர்களின் எண்ணிக்கை 60,26,375 ஆக அதிகரித்துள்ளது. இந்த வைரஸ் பாதிப்பால் உயிரிழந்தவர்களின் எண்ணிக்கை 3,66,418 ஆக அதிகரித்துள்ளது. மேலும், குணமடைந்து வீடு திரும்பியவர்களின் எண்ணிக்கை 26,56,144 ஆக உள்ளது. அதிகபட்சமாக அமெரிக்கா, ரஷ்யா, பிரேசில் உள்ளிட்ட நாடுகள் பாதிப்படைந்துள்ளன. 

ட்ரம்ப், சீன எல்லைப் பிரச்னை தொடர்பாக பிரதமர் மோடியுடன் பேசியதாகக் குறிப்பிட்டார். அவர் கூறுகையில், `சீனாவுடனான எல்லைப் பிரச்னை தொடர்பாக மோடி அதிருப்தியில் இருக்கிறார். இருநாடுகள் இடையே பெரிய பிரச்னையாக அது உருவெடுத்திருக்கிறது’ என்று தெரிவித்தார். இந்நிலையில், சீனாவுடனான பிரச்னை தொடர்பாக ட்ரம்ப், பிரதமர் மோடியுடன் பேசியதாகக் கூறியதை இந்திய வெளியுறவுத் துறை மறுத்துள்ளது.

வட கொரியாவில் கொரோனா பாதிப்பு தொடர்பாக தேசிய அவசரக்கால நிலை உள்ளபோது நாட்டைவிட்டு வெளியேற முயன்ற கணவன் மற்றும் மனைவி சுட்டுக்கொல்லப்பட்டதாகத் தகவல்கள் தெரிவிக்கின்றன. வட கொரிய எல்லையில் உள்ள ரியாங்காங் மாகாணத்தைச் சேர்ந்தவர்கள்தான் சுட்டுக்கொள்ளப்பட்டுள்ளனர். மேலும் தகவல் அறிய கீழே உள்ள லிங்கை கிளிக் செய்யவும்.

`நாங்கள் மிகவும் மோசமான மைல்கல்லை எட்டியுள்ளோம். அமெரிக்காவில் கொரோனா வைரஸ் பாதிப்பால் இறந்தவர்களின் எண்ணிக்கை ஒரு லட்சத்தைக் கடந்துள்ளது. `உலகம் முழுவதும் பரவியுள்ள இந்தக் கொரோனா வைரஸ், சீனாவின் மிகவும் மோசமான பரிசு. இது நல்லதல்ல” என்று அமெரிக்க அதிபர் ட்ரம்ப் ட்விட்டரில் கூறியுள்ளார்.

உலக அளவில் கொரோனாவால் பாதிக்கப்பட்டோர் எண்ணிக்கை 59,04,284 ஆக அதிகரித்துள்ளது. அதேபோல், இந்த வைரஸால் உயிரிழந்தோர் எண்ணிக்கையும் 3,61,996 ஆக உயர்ந்துள்ளது. அதேநேரம், 25,79,505 பேர் பாதிப்பில் இருந்து குணமடைந்திருக்கிறார்கள். அதிகபட்சமாக அமெரிக்காவில் 7.68 லட்சம் பேருக்கு கொரோனாத் தொற்று உறுதி செய்யப்பட்டிருக்கிறது. 

அறிகுறிகள் இல்லாத கொரோனா வைரஸ் தொற்று அதிக பாதிப்பை ஏற்படுத்தலாம் என ஆஸ்திரேலியாவின் மேக்குவாரி பல்கலைக்கழக ஆராய்ச்சியாளர்கள் கூறுகின்றனர்.  தற்போது பாதிக்கப்பட்டோரில் பெரும்பான்மையானவர்களுக்கு அறிகுறிகளே காணப்படுவதில்லை என்று மருத்துவர்கள் கூறி வரும் நிலையில் இந்த ஆய்வின் முடிவுகள் பலரையும் அதிர்ச்சியடைய செய்துள்ளது. 

அமெரிக்கக் குடியரசின் முதல் பெண்மணிகள் தங்கள் பதவிக்காலத்துக்குப் பிறகு சுயசரிதை எழுதுவது வழக்கமான வெள்ளை மாளிகை நடைமுறைதான். இதிலிருந்து முன்னாள் முதல் பெண்மணி மிஷல் ஒபாமா எழுதிய `பிகமிங்’ மாறுபடுவதுதான் முக்கியத்துவம் வாய்ந்தது. 2018-ல் வெளியாகி பத்து மில்லியன் பிரதிகள் விற்றுத் தீர்ந்த புத்தகம்.

அப்துல்கலாம் தங்கள் நாட்டிற்கு வந்ததை நினைவுகூரும் வகையில் மே 26- தேதியை தேசிய அறிவியல் நாளாக சுவிட்சர்லாந்து அறிவித்துள்ளது. 

`கோவிட் 19 பெருந்தொற்றால் தேசியப் பாதுகாப்புக்கே ஆபத்து ஏற்பட்டுள்ளதால் போருக்குத் தயாராகுங்கள்’ என சீன ராணுவத்துக்கு அதிபர் ஜி ஜின்பிங் உத்தரவிட்டிருக்கிறார். மேலும், இதுபோன்ற அசாதாரண சூழலில் போர்ப் பயிற்சி மேற்கொள்வதற்கு புதிய உத்திகளைக் கையாள வேண்டும் எனவும் அவர் ராணுவத்துக்கு அறிவுறுத்தியிருக்கிறார். 

உலகம் முழுவதும் கொரோனாவால் பாதிக்கப்பட்டோர் எண்ணிக்கை 56,78,146 ஆக அதிகரித்துள்ளது. அதேபோல், கொரோனா பாதிப்பால் உயிரிழந்தோர் எண்ணிக்கையும் 3,51,667 ஆக உயர்ந்திருக்கிறது. மருத்துவ சிகிச்சைகள் உதவியுடன் பாதிப்பில் இருந்து மீண்டவர்கள் எண்ணிக்கை  24,28,132 ஆக இருக்கிறது. 

உலகளவில் கொரோனா பாதிப்பில் அமெரிக்கா உச்சத்தில் இருக்கிறது. அந்நாட்டில் கொரோனா காரணமாக 17,12,483 பேர் பாதிக்கப்பட்டுள்ள நிலையில், பலி எண்ணிக்கை ஒரு லட்சத்தை தாண்டியுள்ளது. அமெரிக்காவில் மட்டும் 1,00,002 பேர் பலியாகியுள்ளனர். 4,67,962 பேர் குணமடைந்துள்ளனர்.

இன்று லடாக் அருகே இருக்கும் பாங்கோங் ஏரி அருகே உள்ள எல்லைப் பகுதியில் சீன ராணுவத்தினர் இந்திய ராணுவ வீரர்கள் மீது முறையற்ற தாக்குதலில் ஈடுபட்டனர். அவர்கள் கைகளில் துப்பாக்கிகள் உள்ளிட்ட அனைத்து ராணுவ உபகரணங்கள் இருந்தும் இந்தியா ராணுவத்தின் மீது, கற்கள், கம்பு, முள்வேலி கம்பிகள் முதலியவற்றை எறிந்து தாக்குதல் நடத்தியாதாக ஏ.என்.ஐ ஊடகம் தெரிவித்திருக்கிறது. 

மலேரியா மருந்தான ஹைட்ராக்ஸிகுளோரோகுயின் மருந்தைக் கொரோனா சிகிச்சைக்குப் பயன்படுத்துவதைப் பாதுகாப்பு அச்சம் காரணமாகத் தற்காலிகமாக நிறுத்திவைக்கப்படுவதாக உலக சுகாதார நிறுவனம் தெரிவித்துள்ளது. இந்த மருந்து கொரோனா நோயாளிகளின் உயிருக்கு ஆபத்தாக இருக்கும் என லான்செட்டில் வெளியான ஆய்வறிக்கைக்கு பிறகு தடை விதிக்கப்பட்டுள்ளது.

"கொரோனா தொற்றுக்கு முன் நாம் வாழ்ந்த இயல்பு வாழ்க்கைக்கு ஒருபோதும் இனி திரும்பிச்செல்ல முடியாது என நினைக்கிறேன்.கூகுளின் வளர்ச்சித் திட்டங்களை நிறைவேற்ற ஊழியர்களை அவ்வப்போது நேரில் சந்திக்க வேண்டியது அவசியம்.பாதைகள் மாறினாலும் எங்கள் வளர்ச்சி திட்டங்கள் தொடரும் என்பதில் நம்பிக்கை இருக்கிறது ' என்று சுந்தர் பிச்சை கூறியுள்ளார்.

கூகுள் CEO சுந்தர் பிச்சை, ``கொரோனா தொற்றுக்கு முன் நாம் வாழ்ந்த இயல்பு வாழ்க்கைக்கு ஒருபோதும் இனி திரும்பிச்செல்ல முடியாது என நினைக்கிறேன். இந்த கொரோனா நோய்த்தொற்றால் வந்துள்ள பாதிப்பு நம்மில் எவரும் கற்பனை செய்ததைவிட பெரியதாக இருக்கும் என்பதை நாங்கள் உணர்ந்தவுடன், ஆரம்பத்திலேயே எங்கள் ஊழியர்களை வீட்டிலிருந்து வேலை செய்ய நிர்பந்தித்தோம்” என்று கூறியுள்ளார்.

இந்தியாவில் தங்கியுள்ள சீனர்களை அழைத்து வர சீன அரசாங்கம் முடிவு செய்துள்ளதாக டெல்லியில் உள்ள சீன தூதரகம் தகவல் வெளியிட்டுள்ளது. நாட்டில் வைரஸ் அதிக அளவில் பரவி வருவதும் இந்திய மற்றும் சீன எல்லையில் ஏற்பட்டுள்ள பதற்றமும் இதற்கு காரணங்களாகக் கூறப்படுகிறது.

அமெரிகாவில் கொரோனா பரவல் மிகவும் தீவிரமடைந்துள்ளது. அங்கு கொரோனாவால் உயிரிழந்தவர்களின் எண்ணிக்கை ஒரு லட்சத்தை எட்டவுள்ளது. இந்நிலையில் இந்த 2020-ம் ஆண்டு முழுமைக்குமான தனது சம்பளமான 4,00,000 - 4,50,000 டாலர் மதிப்பிலான பணத்தை அரசுக்கு அளிப்பதாக அதிபர் ட்ரம்ப் ட்விட்டரில் குறிப்பிட்டுள்ளார்.

பில்லியன் அமெரிக்க டாலா் (சுமாா் ரூ.8,357.44 கோடி) கடனாக அளிக்கும்படி இந்தியாவிடம் இலங்கை அதிபா் கோத்தபய ராஜபக்சே கோரியுள்ளாா். கொரோனா நோய்த்தொற்று பிரச்னையால் எழுந்துள்ள பொருளாதார மந்த நிலை காரணமாக, அந்நாட்டில் அந்நியச் செலாவணி கையிருப்பு குறைந்துவிட்டது. இதையடுத்து, இந்தியாவிடம் இலங்கை உதவி கோரியுள்ளது.

'அமெரிக்காவின் சில அரசியல் சக்திகள்தான் சீன - அமெரிக்கா உறவுகளை புதிய பனிப்போரின் விளிம்புக்குத் தள்ளுவதாக எங்கள் கவனத்துக்கு வந்துள்ளது. கொரோனாவை வைரஸால் ஏற்பட்ட பேரழிவையும் தாண்டி அமெரிக்கா முழுவதும் கொடுமையான அரசியல் வைரஸும் பரவிவருகிறது' என சீன வெளியுறவுத்துறை அமைச்சர் அமெரிக்காவை விமர்சித்துள்ளார்.

'கொரோனாவை வைரஸால் ஏற்பட்ட பேரழிவை தவிர அமெரிக்கா முழுவதும்  கொடுமையான அரசியல் வைரஸும் பரவிவருகிறது. இந்த அரசியல் வைரஸ் சீனாவைத் தாக்கவும் புண்படுத்தவும் அனைத்து வாய்ப்புகளையும் பயன்படுத்துகிறது. சில அமெரிக்க அரசியல்வாதிகள் சீனாவுக்கு எதிராக பல சதித்திட்டங்களையும் தீட்டிவருகின்றனர்'  என குற்றம்சாட்டியுள்ளர் சீன வெளியுறவு அமைச்சர் வாங் யி.

TamilFlashNews.com
Open App