International


தென்கொரிய முன்னாள் அதிபர் கிம் டே ஜங்கின் உதவியாளர் சாங் சங் மின் `வடகொரிய அதிபர் கோமாவில் இருக்கிறார்' என்று கூறியுள்ளது பரபரப்பை ஏற்படுத்தியுள்ளது. இது குறித்து அவர், `வடகொரிய அதிபர் கிம் ஜாங் உன் கோமாவில் இருப்பதாகத் தகவல் கிடைத்துள்ளது. ஆனால், அவர் இன்னும் உயிரோடுதான் இருக்கிறார். தற்போதைய நிலவரப்படி, வடகொரியாவின் அனைத்து அரசுப் பொறுப்புகளும் அவரின் சகோதரியான கிம் யோ ஜாங்கிடம் ஒப்படைக்கப்பட்டுள்ளது” என்றார். 

இந்தியா உள்ளிட்ட உலக நாடுகளால் சர்வதேச பயங்கரவாதியாக அறிவிக்கப்பட்ட மும்பையைச் சேர்ந்த நிழல் உலக தாதா தாவூத் இப்ராஹிம், பாகிஸ்தானில் தலைமறைவு வாழ்க்கை நடத்திவருகிறார். பலமுறை பாகிஸ்தானிடம் இந்தியா இது குறித்துத் தகவல் அளித்தும், பாகிஸ்தான் தாவூத் இப்ராஹிம் தங்கள் நாட்டில் இல்லை என வாதம் செய்துவந்தது. இந்த நிலையில் தற்போது முதன்முறையாக கராச்சியில் தாவூத் இருக்கும் முகவரி வரை வெளியிட்டிருக்கிறது பாகிஸ்தான்.

கமலா ஹாரிஸ், ``நிறவெறிக்கு எந்தவிதத் தடுப்பூசியும் இல்லை. ஜார்ஜ் ஃப்ளாய்டுக்காகவும், பிரியென்னா டெய்லருக்காகவும் (நிறவெறிக்குப் பலியான அமெரிக்கர்கள்) மற்றும் நமது எதிர்கால சந்ததியினருக்காகவும், நாம் உழைக்க வேண்டும். சட்டத்தின் முன் அனைவரும் சமம் என்ற உறுதியை நிறைவேற்ற நாம் உழைக்க வேண்டியிருக்கிறது. அனைவருக்கும் விடுதலை கிடைத்தால் மட்டுமே, நாம் ஒவ்வொருவரும் விடுதலை பெற்றதாகக் கருத முடியும்’’ என்று அதிபர் ட்ரம்பை மறைமுகமாக விமர்சித்தார்.

‘ஜோ பிடென் அதிபராகிவிட்டால் அவர் உடனடியாக அமெரிக்காவின் ஒவ்வொரு காவல் துறையையும் அகற்றுவதற்கான சட்டத்தை இயற்றுவார். அநேகமாகக் கமலா ஹாரிஸ் அதைவிட ஒரு படி மேலே மோசமானவர். இவர் இந்தியப் பாரம்பரியத்தை உடையவர் ஆனால் அதைவிட அதிக இந்தியர்கள் என்னிடம் உள்ளனர். அவரைவிட எனக்கு அதிக இந்தியர்களின் ஆதரவு உள்ளது' என ட்ரம்ப் பேசியுள்ளார்.

பிரேசிலின் தேசிய விண்வெளி ஆராய்ச்சி நிறுவனம் கடந்த ஜூலை மாதம் அமேசான் மழைக்காடுகளில் 6,803 தீ விபத்துகள் ஏற்பட்டுள்ளதாகப் பதிவு செய்துள்ளது. இது கடந்த 2019-ம் ஆண்டில் இதே மாதத்துடன் ஒப்பிடும்போது மிகவும் அதிகம் எனவும் தெரிவித்துள்ளது. இந்த நிலையில் அதிபர் பொல்சனாரோ, ``வெப்பமண்டல மழைக்காடுகளில் தீ பிடிக்காது. எனவே, அமேசான் எரிந்து கொண்டிருக்கிறது என்ற கதை பொய்யானது” என்று தெரிவித்துள்ளார்.

'லெபனான், பெய்ரூட்டில் வெடிப்பு நடந்தபோது மருத்துவமனையில் இருந்த கிறிஸ்டல் சவாயா என்பவருக்கு ஆண் குழந்தை ஒன்று பிறந்தது. இதுதொடர்பான புகைப்படங்கள்தான் தற்போது வெளியாகி சமூக வலைதளங்களில் பரவலாகப் பகிரப்பட்டு வருகிறது. கிறிஸ்டலின் கணவர் ரத்தக் கறைப் படிந்த ஆடையை அணிந்து முகத்தில் ரத்தக் காயங்களுடன் தன் குழந்தையை அணைத்து பாதுகாப்பாக வைத்துள்ளார். 

லெபனான் வெடிவிபத்து மற்றும் மக்கள் போராட்டத்தைத் தொடர்ந்து அந்நாட்டின் தகவல் தொழில்நுட்பத் துறை மற்றும் சுற்றுச்சூழல் துறை அமைச்சர்கள் தங்கள் பதவியை ராஜினாமா செய்தனர். மேலும், நீதித்துறை அமைச்சர் மேரி-கிளவுடி நாஜமும் தனது பதவியை ராஜினாமா செய்வதாக அறிவித்தார்.பின் செய்தியாளர்களைச் சந்தித்த லெபனான் சுகாதாரத் துறை அமைச்சர் ஹமாத் ஹசன், அரசு மொத்தமாக பதவி விலகிக் கொள்வதாகவும் அமைச்சர்கள் அனைவரும் ராஜினாமா செய்துள்ளதாகவும் அறிவித்தார்.

 சீன செயலிகளான டிக்டாக், வீ சாட் (WeChat) போன்ற செயலிகளுக்குத் தடை விதிக்கும் உத்தரவில் நேற்று ட்ரம்ப் கையெழுத்திட்டுள்ளார். இந்த செயலிகள் அமெரிக்காவின் பாதுகாப்பு மற்றும் பொருளாதார வளர்ச்சிக்கு பெரும் அச்சுறுத்தலாக இருப்பதாகத் தெரிவித்துள்ள அவர், இந்த தடை உத்தரவு அடுத்த 45 நாள்களிலிருந்து நடைமுறைக்கு வரும் எனக் கூறியுள்ளார்.

'இலங்கை நாடாளுமன்றத் தேர்தலில் மகிந்தா ராஜபக்சே தலைமையிலான இலங்கை பொதுஜன பெரமுன அபார வெற்றியைப் பெற்றுள்ளது. மொட்டு சின்னத்தில் போட்டியிட்ட, ஶ்ரீலங்கா பொதுஜன பெரமுன 145 இடங்களைப் பெற்றுள்ளது. இந்தநிலையில் நாட்டின் பிரதமராக மகிந்த ராஜபக்சே, வரும் 9-ம் தேதி பதவியேற்க உள்ளார் என பிரதமரின் ஊடகப்பிரிவு தெரிவித்துள்ளது.

இலங்கை நாடாளுமன்ற தேர்தல் நடைபெற்ற 160 தொகுதிகளில், ராஜபக்சேவின் பொதுஜன பெரமுன கட்சி 145 இடங்களில் வெற்றிபெற்றது. சஜித் பிரேமதாசவின் ஐக்கிய மக்கள் சக்தி 54 இடங்களிலும், சம்பந்தனின் தமிழரசு கட்சி 10 இடங்களிலும் வெற்றி. ரணில் விக்கிரமசிங்கவின் ஐக்கிய தேசிய கட்சி ஒரு இடத்தில் மட்டும் வெற்றியைப் பதிவு செய்தது.

அயோத்தியில்  ராமர் கோயில் கட்டுவதற்கான அடிக்கல் நாட்டு விழா நேற்று நடைபெற்றது. பிரம்மாண்டமாக நடைபெற்ற இந்த விழாவில் பிரதமர் மோடி உள்ளிட்ட தலைவர்கள் கலந்துகொண்டனர். இதைச் சிறப்பிக்கும் வகையில் நியூயார்க் டைம்ஸ் சதுக்கத்தில் ராமரின் உருவப்படம், உருவாகவுள்ள கோயிலின் மாதிரிப்படத்தை வெளியிட்டனர். அங்கு வாழும் இந்தியர்கள் இதன் முன்பு கூடி `ஜெய் ஸ்ரீ ராம்’ கோஷங்களையும் எழுப்பிக் கொண்டாடியுள்ளனர்.

கடந்த இரண்டு வாரங்களின் தரவுகளின் அடிப்படையில் கொரோனா வைரஸ் பாதிப்பால் சராசரியாக ஒவ்வொரு நாளும் அதாவது ஒவ்வொரு 24 மணி நேரத்துக்கும் சுமார் 5,900 பேர் உயிரிழந்து வருவதாக தகவல்கள் தெரிவிக்கின்றன. கணக்கின்படி, ஒவ்வொரு மணி நேரத்துக்கும் 247 பேர் அதாவது 15 வினாடிக்கு ஒரு நபர் உயிரிழப்பதாக வெளியாகியுள்ள தகவல் அதிர்ச்சியை ஏற்படுத்தும் விதமாக உள்ளது.

லெபனான் கோர விபத்தில் சிக்கி இதுவரை 78 பேர் உயிரிழந்துள்ளதாகவும் 4,000-க்கும் அதிகமானவர்கள் காயமடைந்துள்ளதாகவும் அந்நாட்டு சுகாதாரத்துறை அமைச்சகம் தெரிவித்துள்ளது. “துறைமுகத்தில் உள்ள சேமிப்பு கிடங்கில் எந்தவித பாதுகாப்பு நடைமுறைகளையும் பின்பற்றாமல் மக்களுக்கு ஆபத்து தரக்கூடிய வகையில் 6 ஆண்டுகளாகச் சேமித்து வைக்கப்பட்ட 2,750 அமோனியம் நைட்ரேட் வெடித்ததால் இந்த விபத்து நடைபெற்றுள்ளது. இதைச் சற்றும் ஏற்றுக்கொள்ளவே முடியாது’ என அந்நாட்டு அதிபர் குறிப்பிட்டுள்ளார்.

பிரேசிலில் செர்ரா எனும் பகுதியில் ஹூண்டாய் ஷோ ரூம் ஒன்று அமைந்துள்ளது. இந்த ஷோ ரூமுக்கு வெளியே டக்சன் பிரைம் என்ற நாய் ஒன்று வசித்து வந்துள்ளது. ஷோ ரூம் ஊழியர்களுடன் மிகவும் நெருக்கமாகப் பழகி நட்பையும் உருவாக்கியுள்ளது. இந்த நட்பை கௌரவிக்கும் விதமாக ஊழியர்கள் கௌரவ ஊழியர் பொறுப்பை டக்சன் பிரைமுக்கு வழங்கியுள்ளனர். அடையாள அட்டையும் வழங்கப்பட்டுள்ளது.

போட்ஸ்வானா யானைகளின் உயிரிழப்புகளுக்கான உண்மையான காரணத்தை கண்டுபிடிக்க அவற்றின் மாதிரிகள் ஆய்வுக்காக தென் ஆப்ரிக்கா, கனடா, அமெரிக்கா போன்ற பல நாடுகளுக்கு அனுப்பப்பட்டிருந்தன. இந்நிலையில் தற்போது பெரும்பாலான நாடுகளிலிருந்து சோதனை முடிவுகள் வந்துவிட்டதாகவும் யானைகள் அனைத்தும் இயற்கையான நச்சு மூலமே உயிரிழந்துள்ளதாக போட்ஸ்வானா அரசு தெரிவித்துள்ளது.

'வயதானவர்களுக்குக் கடுமையான நோய் வருவதற்கான அதிக ஆபத்து இருந்தாலும் அதே அளவிலான ஆபத்து இளைஞர்களுக்கும் உள்ளது. இந்த ஆபத்து குறித்து இளைஞர்களை நம்பவைப்பது நாங்கள் எதிர்கொள்ளும் சவால்களில் ஒன்றாக உள்ளது. இளைஞர்கள் வெல்ல முடியாதவர்கள் இல்லை. அவர்களுக்கும் தொற்று ஏற்படலாம் அதனால் உயிரிழக்கலாம்.மேலும் இதை விட மோசமாக இளைஞர்கள்தாம் வைரஸ் பரவலை அதிகரிக்கவைக்கின்றனர்' என WHO தலைவர் தெரிவித்துள்ளார்.

பில் கேட்ஸ், கோவிட்-19 வைரஸுக்கு நோய் எதிர்ப்பு பெற, ஒன்றுக்கு மேற்பட்ட முறை தடுப்பூசி செலுத்தப்பட வேண்டியிருக்கலாம் என்று கூறியுள்ளார். ‘இப்போது ஆராய்ச்சியிலிருக்கும் எந்தத் தடுப்பூசியும், சிங்கிள் டோஸில் நோய்த் தடுப்பாற்றல் தருவதுபோலத் தோன்றவில்லை, பூஸ்டர்கள் தேவைப்படலாம்’ என்று கூறியுள்ள பில் கேட்ஸ், 300 மில்லியன் டாலரை கொரோனா நோய்த்தடுப்பு நடவடிக்கைகளுக்கு வழங்கியுள்ளார்.

செவ்வாய்க்கிரகத்தில் அடுத்த விண்கலத்தை வரும் வியாழன் அன்று ஏவத் திட்டமிட்டுள்ளது நாசா. `Perseverance' (தமிழில் `விடாமுயற்சி' என அர்த்தம்) என்று அழைக்கப்படும் இந்த செவ்வாய்க்கிரக விண்கல ஊர்தி (Rover) ஏற்கெனவே செவ்வாய்க்கு அனுப்பப்பட்ட ஊர்திகளைவிட அதிக தொழில்நுட்பத் திறன் வாய்ந்தது.  2026-ம் ஆண்டில் மீண்டும் இந்த மாதிரிகளைப் பூமிக்குக் கொண்டு வரும் மிஷனைத் தொடங்கப்படும் என்றும் 2031-க்குள் மாதிரிகள் பூமிக்கு வந்துவிடும் என்றும் நாசா நம்புகிறது.

சைக்ளோஸ்போரா கெய்டனென்சிஸ் என்ற சிறிய ஒட்டுண்ணியால் ஏற்படும் குடல் தொற்றான சைக்ளோஸ்போரா என்ற நோயால் அமெரிக்காவின் 11 மாகாணங்களைச் சேர்ந்த மக்கள் பாதிக்கப்பட்டுள்ளனர். பொதுவாக இது மாசுபட்ட பழங்கள், காய்கறிகளைச் சாப்பிடுவதன் மூலம் மனித உடலுக்குள் செல்கிறது, கடுமையான வயிற்றுப்போக்கு இதன் அறிகுறியாக உள்ளது. ஃபிரஸ் எக்ஸ்பிரஸ் என்ற சில்லறை நிறுவனத்தால் விற்கப்பட்ட சாலட் சாப்பிட்டதன் மூலம் சுமார் 600-க்கும் அதிகமானவர்கள் பாதிக்கப்பட்டுள்ளனர்.

சீனாவில் உள்ள மருத்துவமனையில் பிறந்து 46 மணிநேரம் மட்டுமே ஆன குழந்தை ஒன்று கடந்த ஜூலை 5-ம் தேதி மர்ம நபர் ஒருவரால் கடத்தப்பட்டுள்ளது. இதுதொடர்பாக உடனடியாக காவல்துறை அதிகாரிகளுக்குப் புகார் அளிக்கப்பட்டுள்ளது. அதிகாரிகள் தீவிரமாக இறங்கி தேடுதல் வேட்டை நடத்திய பிறகு சுமார் 800 மைல்களுக்கு அப்பால் குழந்தை இருப்பது கண்டுபிடிக்கப்பட்டுள்ளது. குழந்தை தற்போது பெற்றோரிடம் ஒப்படைக்கப்பட்டுள்ளது.

பிரேசில் அதிபருக்கு சில வாரங்களுக்குப் பிறகு, செய்த பரிசோதனையில் நெகட்டிவ் என முடிவு வந்திருப்பதாக கடந்த சனிக்கிழமை தெரிவித்தார். இதுதொடர்பாக அவர் தனது ட்விட்டர் பக்கத்தில், ``சார்ஸ் கோவிட் 2 தொடர்பான பரிசோதனை முடிவில் நெகட்டிவ். அனைவருக்கும் காலை வணக்கம்” என்று பதிவிட்டுள்ளார்.இந்த ட்வீட்டுடன் ஹைட்ராக்ஸி குளோரோகுயின் மருந்து பாக்கெட் ஒன்றை கையில் வைத்து சிரித்தபடி புகைப்படம் ஒன்றையும் பதிவிட்டுள்ளார்.

வியட்நாமில் கொரோனா கட்டுப்படுத்தப்பட்டு 100 நாள்கள் கடந்துவிட்ட நிலையில் தற்போது புதிதாக ஒருவருக்கு வைரஸ் பாதிப்பு இருப்பது கண்டறியப்பட்டுள்ளது.`வியட்நாமின் தனாங் நகரில் 57 வயதான ஒருவருக்குப் புதிதாக கொரோனா பாசிட்டிவ் கண்டறியப்பட்டுள்ளது. அவருக்கு சுவாச பிரச்னை காரணமாகச் சிகிச்சை அளிக்கப்பட்டுத் தொடர் மருத்துவ கண்காணிப்பில் வைக்கப்பட்டுள்ளார்‘ என அந்நாட்டு சுகாதார துறை தெரிவித்துள்ளது.

வியட்நாமில் உள்ள டா நாங் எனும் பகுதியில் சுமார் 100 நாள்களுக்குப் பிறகு கொரோனா வைரஸ் தொற்று ஒருவருக்கு கண்டறியப்பட்டுள்ளது. அவரின் உடல்நிலை மிகவும் மோசமாக உள்ளதாகவும் அவருக்கு சிகிச்சையளிக்க சிறப்பு மருத்துவர்கள் வரவழைக்கப்பட்டுள்ளதாகவும் தகவல்கள் தெரிவிக்கின்றன. வியட்நாமில் இதுவரை 417 பேர் பாதிக்கப்பட்டுள்ளனர். 

இந்தியா தற்போது உலக சுகாதார அமைப்பின் கோரிக்கையை ஏற்று வடகொரியாவுக்கு சுமார் ஒரு மில்லியன் அமெரிக்க டாலர் மதிப்பிலான மருந்துகளை வழங்கியுள்ளது. `கொரியாவில் காசநோய் எதிர்ப்பு மருந்துகளுக்கு நிலவும் தட்டுப்பாடு குறிந்து அறிந்ததும் இந்தியா மனிதாபிமான அடிப்படையில் சுமார் 1 மில்லியன் அமெரிக்க டாலர் மதிப்பிலான மருந்துகளை வழங்க முடிவு செய்தது” என மத்திய வெளியுறவுத்துறை அமைச்சகம் தனது செய்திக்குறிப்பில் தெரிவித்துள்ளது.

ஊரடங்கு காரணமாக 3 வயதுக் குழந்தையான மெலானியா பெட்ருஷான்ஸ்கா இஸ்ரேலில் உள்ள தன் பெற்றோரைப் பார்க்க முடியாமல் தவித்து வந்துள்ளார். பெட்ருஷான்ஸ்கா கடந்த ஜனவரி மாதம் தன் பாட்டியுடன் உக்ரைனுக்குச் சென்றுள்ளார். தற்போது அங்கு தளர்வுகள் அறிவிக்கப்பட்டுள்ள நிலையில் குழந்தை பெற்றோருடன் இணைந்துள்ளது, தன் குழந்தையை கண்ணீர் மல்க வரவேற்கும் தாயின் புகைப்படம் தான் இப்போ செம வைரல்!

TamilFlashNews.com
Open App