Politics


தமிழக அரசு சார்பில் நியாயவிலைக் கடைகளில் வழங்கிய மாஸ்க் தரமில்லாமல் இருப்பதால், மக்களிடம் கடும் அதிருப்தி எழுந்திருக்கிறது. இதைச் சமாளிக்க முடியாமல் அதிகாரிகள் திணறிவருவதாகத் தகவல்கள் வெளியாகியுள்ளன.

கொரோனாவுக்கு எதிராக ஆக்ஸ்போர்டு பல்கலைக்கழகம் கண்டுபிடித்த தடுப்பூசி ஆய்வு இந்தியாவில் நடைபெற்று வரும் நிலையில் அந்த ஆய்வை  தமிழகத்தில் நடத்த முதல்வர் எடப்பாடி பழனிசாமி  உத்தரவிட்டுள்ளார். சென்னை ராஜீவ்காந்தி அரசு மருத்துவமனை, போரூர் ராமச்சந்திரா ஆகிய மருத்துவமனைகளில் இந்த  கொரோனா தடுப்பூசி சோதனை நடைபெற உள்ளது எனவும் முதல்வர் அறிவித்துள்ளார். சென்னையில் சுமார் 300 பேருக்கு இந்த தடுப்பு மருந்து செலுத்தப்படவுள்ளது. 

கேரள மாநில தலைமைச் செயலகம் திருவனந்தபுரத்தில் அமைந்துள்ளது. தலைமைச் செயலகத்தின் நார்த் பிளாக்கிலுள்ள சீஃப் புரோட்டோகால் அதிகாரியின் அலுவலகத்தில் நேற்று மாலையில் திடீரென தீ விபத்து ஏற்பட்டது. தீயணைப்புத் துறையினர் விரைந்து சென்று தீயை அணைத்தனர். இருப்பினும், தங்கக் கடத்தல் வழக்கு தொடர்புடைய ஃபைல்கள்  எரிந்து நாசமானதாக எதிர்க்கட்சிகள் கடுமையாக குற்றம்சாட்டி உள்ளனர். 

கர்நாடக மாநிலத்தில் கொரோனா ஊரடங்கு காரணமாக விதிக்கப்பட்டிருந்த பல்வேறு கட்டுப்பாடுகள் தளர்த்தப்படுவதாக அம்மாநிலக் கூடுதல் தலைமைச் செயலாளரும், சுகாதாரத்துறைச் செயலாளருமான ஜாவேத் அக்தர் அறிவித்திருக்கிறார்.எல்லைப் பகுதிகளில் மருத்துவப் பரிசோதனை; மாவட்ட அளவில் சோதனைகள்; கைரேகையைப் பதிவு செய்வது; 14 நாள்கள் கட்டாய தனிமைப்படுத்துதல்; பரிசோதனை செய்வது... என அனைத்தும் தற்போது மாநில அரசால் விலக்கிக்கொள்ளப்பட்டிருக்கின்றன.

குட்காவை சட்டமன்றத்திற்கு கொண்டு சென்றதால் தி.மு.க தலைவர் ஸ்டாலின் உள்ளிட்டோர் மீது உரிமை மீறல் நோட்டீஸ் வழங்கப்பட்டது. உரிமை மீறல் நோட்டீஸுக்கு எதிராக திமுக தரப்பில் சென்னை உயர் நீதிமன்றத்தில் வழக்கு தொடரப்பட்டது. இந்த வழக்கு விசாரணையின் முடிவில், குட்காவை சட்டப்பேரவைக்கு கொண்டு வந்ததாக தி.மு.க.வினருக்கு வழங்கப்பட்ட உரிமை மீறல் நோட்டீஸை ரத்து செய்துள்ளது சென்னை உயர்நீதிமன்றம். 

முன்னாள் ஐ.பி.எஸ் அதிகாரியான அண்ணாமலை இன்று காலை 11 மணிக்கு பா.ஜ.க-யில் இணைகிறார். டெல்லி பா.ஜ.க தேசிய தலைவர் ஜே.பி.நட்டா முன்னிலையில் கட்சியில் இணைகிறார் என்ற தகவல் வெளியாகி உள்ளது. அரசியல் ஆர்வம் காரணமாக தனது பதவியை ராஜினாமா செய்த அண்ணாமலை சில மாதங்களுக்கு முன்னர் தற்சார்பு விவசாயத்தில் கவனம் செலுத்தினார். தொடர்ந்து ரஜினிக்கு ஆதரவான கருத்துகளை வெளியிட்டு வந்த அண்ணாமலை தற்போது, பா.ஜ.க வில் இணையவுள்ளது குறிப்பிடத்தக்கது.

மருத்துவ படிப்பில் 50 சதவீத ஒபிசி இடஒதுக்கீட்டை நடப்பாண்டிலேயே அமல்படுத்த கோரி அ.தி.மு.க தரப்பில் தாக்கல் செய்யப்பட்ட மேல்முறையீட்டு மனு மீதான விசாரணையில், மத்திய அரசு, இந்திய மருத்துவ கவுன்சில் பதிலளிக்க உச்சநீதிமன்றம் உத்தரவு பிறப்பித்துள்ளது.

காலாவதியாகும் வாகனப் பதிவுச் சான்றிதழ், ஓட்டுநர் உரிமம், வாகன பெர்மிட் (அனைத்து வகையானது) உள்ளிட்ட ஆவணங்கள் டிசம்பர் 31ம் தேதி வரை செல்லுபடியாகும் என மத்திய அரசு தெரிவித்துள்ளது.இதுதொடர்பாக மத்திய அமைச்சகம் வெளியிட்டுள்ள செய்திக் குறிப்பில், `கொரோனா பரவலால் ஏற்பட்டுள்ள அசாதாரண சூழலைக் கருத்தில் கொண்டு பிப்ரவரி 1, 2020 முதல் காலாவதியான ஆவணங்கள் டிசம்பர் 31, 2020 வரை செல்லுபடியாகும்' என்று தெரிவிக்கப்பட்டுள்ளது.

காங்கிரஸ் கட்சியின் செயற்குழுக் கூட்டம் இன்று காலை காணொலி வாயிலாக நடைபெறவுள்ளது. இந்தக் கூட்டத்தில், கட்சித் தலைவர் தேர்வு குறித்து சில முக்கிய முடிவுகள் எடுக்கப்படலாம் என்ற தகவல் வெளியாகியுள்ளது. இன்றைய கூட்டத்துக்கு பின்னர் காங்கிரஸ் தலைவர் குறித்த முக்கிய அறிவிப்புகள் வெளியாகும் என எதிர்பார்க்கப்படுகிறது.

நாளை காணொலி வாயிலாக காங்கிரஸ் கட்சியின் செயற்குழு கூட்டம் நடைபெற உள்ளது. இதனிடையே இடைக்கால தலைவர் பதவியிலிருந்து சோனியா காந்தி விலகியதாக தகவல் வெளியாகியுள்ளது. இது குறித்த அதிகாரப்பூர்வ தகவல் எதுவும் வெளியாகவில்லை.

`இந்தி தெரியவில்லையென்றால், கூட்டத்தைவிட்டு வெளியேறுங்கள்' என்று இயற்கை மற்றும் யோகா மருத்துவர்களுக்கான விர்ச்சுவல் பயிற்சி வகுப்பில், மருத்துவர்களை அதிகாரிகள் அவமதித்ததாகச் சர்ச்சை எழுந்தது. இந்த நிலையில், கரூர் நாடாளுமன்ற உறுப்பினர் ஜோதிமணி, இது குறித்து மத்திய `ஆயுஷ்' அமைச்சர், ஸ்ரீபட் நாயக்குக்கு கடிதம் எழுதி, தனது எதிர்ப்பைப் பதிவுசெய்திருக்கிறார்.

கனிமொழி எம்.பி, மத்திய ஆயுஷ் அமைச்சகச் செயலர் வைத்யா ராஜேஷ் கொட்டேச்சா, பேச்சு மத்திய அரசின் இந்தி திணிப்புக் கொள்கையைப் பிரதிபலிப்பதாக இருக்கிறது. இது கண்டிக்கத்தக்கது. இன்னும் எத்தனை நாள் இந்தி தெரியாது என்றால் அவமதிக்கப்படுவதை, பொறுத்துக்கொள்ளப் போகிறோம்? என்று கேள்வி எழுப்பியிருக்கிறார். 

இந்திய கம்யூனிஸ்ட் கட்சியின் மூத்த தலைவர் நல்லகண்ணு, நேற்று இரவு உடல்நிலை பாதிக்கப்பட்டதைத் தொடர்ந்து சென்னை, ராஜீவ் காந்தி அரசு மருத்துவமனையில் அனுமதிக்கப்பட்டு, சிகிச்சை பெற்றுவருகிறார்.  மருத்துவர்கள், `நேற்றிரவு மூச்சுத்திணறல் பிரச்னைக்காக அனுமதிக்கப்பட்டவருக்கு உடனடியாக ஆக்சிஜன் மாஸ்க் பொருத்தப்பட்டது. அதன் பிறகு, அவரின் உடல்நிலை சீராக இருக்கிறது. அவருக்கு கொரோனா தொற்று இல்லை’ என்றனர். 

`முதலமைச்சர் கலந்துகொண்ட ஆய்வுக்கூட்டத்துக்கு மக்களால் தேர்ந்தெடுக்கப்பட்ட பிரதிநிதிகளாக இருக்கிற எங்களையும் அழைப்பார்கள் என்று எதிர்பார்த்தோம். எங்களுக்கு அழைப்பு இல்லை, சரி, அதிகாரிகள் மட்டத்தில் நடக்கிற ஆய்வாக இருக்குமோ என்னமோ... அதனால்தான் எம்.பி, எம்.எல்.ஏ-க்களைக் கூப்பிட மாட்டார்கள் என்று நினைத்தோம். ஆனால் அ.தி.மு.க-வைச் சேர்ந்த பிரதிநிதிகளை அழைத்து கூட்டத்தில் இருக்கையும் ஒதுக்கியிருக்கிறார்கள்’  என்கிறார் தி.மு.க பொருளாளர் துரைமுருகன். 

`திருச்சி தி.மு.க-வில் எந்தவித உட்கட்சி பூசலும் இல்லை. உட்கட்சி பூசல் என சிலர் சொல்லுவது அவர்களின் அனுமானம் தான். நான் எந்த ஒரு செயலை செய்தாலும் முதலில் கே.என்.நேரு அண்ணனைக் கேட்டுவிட்டுத் தான் செய்வேன். நான் சுயமாக எந்தவித முடிவும் எடுப்பதில்லை.மூத்தவர்களை மதிக்க வேண்டும் என்பதில் உறுதியாக இருக்கிறேன். மாநில பதவியிலிருந்த காலத்திலிருந்து நேரு அண்ணனுடைய தலைமைதான் நாங்கள் வேலை பார்த்துக்கிட்டு வரோம்” என்கிறார் அன்பில் மகேஷ்.

மகாவீரர் தினம் மற்றும் விநாயகர் சதுர்த்திக்கு இறைச்சிக்கடைகளை அடைக்க அரசு முடிவெடித்திருப்பதாக, தமிழக அரசு வழக்கறிஞர் விஜய் நாராயணன் சென்னை உயர்நீதிமன்றத்தில் தெரிவித்திருப்பது தற்போது சர்ச்சையைக் கிளப்பியிருக்கிறது. இது குறித்து கருத்துஅமைச்சர் ஜெயக்குமார், `விநாயகர் சதுர்த்திக்கு கடை அடைக்கும் வழக்கம் தமிழகத்தில் இல்லை. அட்வகேட் ஜெனரல் ஏன் அப்படிச் சொன்னார் எனத் தெரியவில்லை. அரசின் சார்பாக அப்படி ஒரு முடிவு இன்னும் எடுக்கப்படவில்லை' என்றார்.

கேரள அரசு சார்பில் "சபா டி.வி" என்ற தொலைக்காட்சி தொடங்கப்பட்டுள்ளது. இந்த தொலைக்காட்சிக்கு பேட்டி அளித்த கேரள முதல்வர், தான் அதிகம் சிரிக்காதவன் என்ற விமர்சனம் தொடர்பாக பேசினார். `சிலர் எப்போதும் சிரித்துக்கொண்டே இருப்பார்கள். ஆனால் நான் அவசியத்துக்கு மட்டும் சிரிக்கும் ஆளாக்கும். எப்போதும் சிரிக்கும் வழக்கம் எனக்கு இல்லை. இதற்கு நான் வளர்ந்துவந்த முறையும் காரணமாக இருக்கலாம்" என்றார்.

ஆறு மாதங்களுக்குப் பிறகு மீண்டும் ஹாட் டாபிக் ஆகியிருக்கிறார் நித்தி. இப்போது அவர் கையிலெடுத்திருப்பவை, ‘அயோத்திக்குப் போட்டியாக கைலாசாவில் ராமருக்குத் தங்கக்கோயில், தனி ரிசர்வ் வங்கி, தனி கரன்ஸி’ என மூன்று வித்தைகள்! 

`தமிழக முதல்வர், துணை முதல்வரிடம் பேசி திருச்சியை இரண்டாவது தலைநகராக அறிவிக்க முயற்சி எடுப்போம்’ என அமைச்சர் வெல்லமண்டி நடராஜன் தெரிவித்திருக்கிறார். ஏற்கனவே அமைச்சர்கள் ஆர்.பி உதயகுமார், செல்லூர் ராஜூ ஆகியோர்கள் மதுரையை இரண்டாவது தலைநகரம் ஆக்க வேண்டும் என்ற கோரிக்கையை முன்வைத்திருக்கும் நிலையில் மற்றொரு அமைச்சர் திருச்சியை இரண்டாவது தலைநகராக அறிவிக்க வேண்டும் என கோரியுள்ளது கவனத்தை ஈர்த்துள்ளது. 

மத்தியப்பிரதேச அரசுப் பணியில், அந்த மாநிலத்தைச் சேர்ந்த மக்கள் மட்டுமே சேர முடியும் என்று முதலமைச்சர் சிவராஜ்சிங் சௌகான் அறிவித்திருக்கிறார். இதுதொடர்பாக விரைவில் சட்டம் ஒன்றை இயற்ற இருப்பதாகவும் அவர் கூறியிருக்கிறார். அரசுப் பணிகளில் உள்ளூர் மக்களுக்கு முக்கியத்துவம் அளிக்கப்படும் என்று அவர் ஏற்கெனவே கூறியிருந்தார்.

கோவை மாவட்டத்தில்  கணபதி பேருந்து நிலையத்தில் தேசியக்கொடியை ஏற்றி பா.ஜ.க-வினர் சுதந்திர தினத்தைக் கொண்டாடினர். இதில், பா,ஜ.க கணபதி மண்டலத் தலைவர் வெங்கடேஷ் கலந்துகொண்டார். அப்போது, பா.ஜ.க கட்சிக் கொடியை ஏற்றும் கொடிக் கம்பத்தில் தேசியக்கொடியை ஏற்றியுள்ளனர். இது தொடர்பாக போலீஸில் புகாரளிக்கப்பட்டுள்ளது. வெங்கடேஷ் உள்ளிட்டோர்மீது தேசியக்கொடி அவமதிப்புச் சட்டத்தின்கீழ் சரவணம்பட்டி போலீஸார் வழக்கு பதிவு செய்துள்ளனர்.

தஞ்சாவூரில் கொரோனா லாக்டெளன் விதிமுறைகள் கடைபிடிக்கப்பட்டுவரும் நிலையில், அ.தி.மு.க துணை ஒருங்கிணைப்பாளர் வைத்திலிங்கம், அதனை மீறி, இரவு 7 மணிக்கு மேல்  மாற்று கட்சியினர் கழகத்தில் இணையும் விழா என்ற பெயரில் கட்சி நிகச்சிகளை நடத்தி வருவதாக சர்ச்சை எழுந்துள்ளது.

 

உடுமலை சங்கர் கொலை வழக்கில் கவுசல்யாவின் தந்தை சின்னசாமி விடுவிக்கப்பட்டார். இதனை எதிர்த்து உச்சநீதிமன்றத்தில் தமிழக அரசு மேல்முறையீடு செய்திருக்கிறது.  மேலும் குற்றம்சாட்டப்பட்ட 5 பேரின் தூக்கு தண்டனையை ஆயுள் தண்டனையாக சென்னை உயர்நீதிமன்றம் குறைத்ததற்கும் தமிழக அரசு எதிர்ப்பு தெரிவித்துள்ளது. இதனால் உடுமலை சங்கர் கொலை வழக்கு தொடர்பான விசாரணைகள் விரைவில் உச்ச நீதிமன்றத்தி தொடங்கும் என எதிர்பார்க்கப்படுகிறது. 

மத்திய மனிதவள மேம்பாட்டுத்துறை அமைச்சகத்தின் பெயரை மாற்ற குடியரசுத் தலைவர் ராம்நாத் கோவிந்த் ஒப்புதல் வழங்கி உள்ளார்.  புதிய கல்விக்கொள்கை அறிவிக்கப்பட்ட போது மத்திய மனிதவள மேம்பாட்டுத்துறை அமைச்சக பெயரை கல்வி அமைச்சகம் என  மாற்றும் முடிவை மத்திய அரசு அறிவித்திருந்தது குறிப்பிடதக்கது. 

எங்கள் அமைச்சர் ராஜேந்திர பாலாஜியுடன் சேர்த்து 6 அமைச்சர்கள், அடுத்த முதல்வர் வேட்பாளர் யார் என்பது பற்றி பகிரங்கமாகப் பேசியிருக்கிறார்கள்.`என் மீது நடவடிக்கை எடுத்தால், அந்த 6 பேரையும் நீக்கவேண்டும். அதுதான் நியாயம்' என்று புதுக்குண்டை தூக்கிப்போட்டார். மறுமுனையில் எந்த பதிலும் இல்லை. ராஜேந்திர பாலாஜி மீது மட்டும் நடவடிக்கை எடுத்தால் பல உண்மைகள் வெளிவரும் என்பதால் அதை தவிர்த்து அறிக்கை விட்டுள்ளனர்.

TamilFlashNews.com
Open App