Spiritual


சஷ்டி முருகப் பெருமானுக்கு உரிய திதி. ஆறுமுகனை திதிகளில் ஆறாவது திதி அன்று ஆறெழுத்து மந்திரத்தைச் சொல்லி வழிபடுவது மிகவும் பயன் தருவதாகும்.சஷ்டி திதி அன்று முருகப் பெருமான் அவர்களின் துயர் அழியுமாறு அசுரனை அழித்தார். அதேபோன்று தீராத கஷ்டங்கள் இருப்பவர்கள் முருகக் கடவுளை விரதமிருந்து வழிபடத் துன்பங்கள் தீரும் என்பது நம்பிக்கை.

வெற்றியை சந்தித்தவன் இதயம் பூவை போல மென்மையானது. தோல்வியை சந்தித்தவன் இதயம் இரும்பை விட வலிமையானது!

நம்பிக்கையைக் கைவிட்டு விடாதீர்கள். அற்புதங்கள் எப்போது வேண்டுமானாலும் நிகழலாம்.

'நாளை (23.5.20) ரோகிணி நட்சத்திர நாள். இந்நாளில் அருகக் கடவுளை வணங்கி அருள்பெறுவோம். எந்த நாளில் சூரிய உதயத்துக்குப் பின் ரோகிணி நட்சத்திரம் வருகிறதோ அன்றே ரோகிணி விரத நாளாக சமணர்கள் கடைப்பிடிக்கிறார்கள். சமண சமயம் கடுமையான விரத முறைகளைக் கொண்டது, அனைத்து விரதங்களையும் கடைப்பிடிக்க முடியாதவர்கள் குறைந்தபட்சம் ரோகிணி விரதமாவது கடைப்பிடிக்க வேண்டும். 

தினமும் கோயிலுக்குச் செல்வதை நான் தொடர்ந்து கடைப்பிடித்துக்கொண்டு வருகிறேன். தினம், அந்தந்த நாளுக்குரிய தெய்வத்தைச் சென்று வழிபாடு செய்வது என்னுடைய வழக்கம். ஒவ்வொரு நாளும் ஒவ்வொரு கோயிலுக்குச் சென்று இறைவனை வணங்குவேன்' என தன் ஆன்மிக ஆர்வம் தொடர்பாக நடிகர் சின்னி ஜெயந்த் பேசியுள்ளார்.

செய்ய முடியும் என்று நம்பு. ஒன்றைச் செய்ய முடியும் என்று நீ முழுதாய் நம்பும்போது, உன் மனம் அதைச் செய்து முடிக்கும் வழிகளைக் கண்டறியும். ஒரு காரியத்தில் வைக்கும் நம்பிக்கை அந்தக் காரியத்தை முடிக்கும் வழியையும் காட்டுகிறது.

''திருப்பரங்குன்றம், சுப்பிரமணியசுவாமி கோயிலில், வரும் 26 முதல் ஜூன் 5-ம் தேதி வரை நடைபெறுவதாக இருந்த வைகாசி விசாக உற்சவத் திருவிழா, ஊரடங்கால் ரத்து செய்யப்பட்டுள்ளது. அந்நாள்களில் பக்தர்கள் கோயிலுக்கு வருவதை தவிர்க்குமாறு கேட்டுக் கொள்கிறோம்" என கோயில் துணை ஆணையர் ராமசாமி தெரிவித்துள்ளார்.

பிரதோஷத்தையொட்டி இந்து ஆலய பாதுகாப்பு இயக்கத்தினர் மதுரை மீனாட்சி அம்மன் கோவில் அருகில் உள்ள நந்தி சிலை முன்பு கையில் தீபம் ஏந்தி வழிபட்டனர்.

ஊரடங்கால் திருமலை திருப்பதி ஏழுமலையான் கோயிலில் சுவாமி தரிசனம் நிறுத்தப்பட்டுள்ளது. இந்நிலையில், பக்தர்கள் தங்கள் வீடுகளில் இருந்தவாறே இ-உண்டியல் மூலம் காணிக்கையை செலுத்தி வருகின்றனர். கடந்த ஏப்ரல் மாதம் மட்டும் ரூ.1.97 கோடியை காணிக்கையாக செலுத்தி உள்ளனர். இது கடந்த ஆண்டு ஏப்ரலில் பக்தர்கள் செலுத்திய காணிக்கையை விட ரூ.18 லட்சம் கூடுதலாகும்.

தமிழகத்தில் வரும் ஜூன் 1-ம் தேதி முதல் கோயில்கள் திறக்கப்பட்டு பக்தர்கள் வழிபட அனுமதி வழங்க தமிழக அரசு முடிவு செய்துள்ளதாக கூறப்படுகிறது. தமிழகத்தில் உள்ள 40 ஆயிரம் கோயில்களில் பக்தர்களை அனுமதிக்க ஆலோசனை செய்யப்பட்டு வருகிறது. பக்தர்கள் அனைவரும் முக கவசம் அணிந்து வர வேண்டும் எனவும் நிபந்தனை விதிக்கப்பட இருக்கிறது.

சுவாமிமலையில் சுவாமிநாதன் குருவா அருள் புரிகிறான். தகப்பனுக்கே உபதேசம் பண்ணின தலம். பொதுவா குருவோட சுபாவம் என்னன்னு தெரியுமோ... தன்னைச் சரணடைகிற ஜீவாத்மாக்களோட தகுதி என்னன்னு பார்க்காம சகலமுமா இருக்கிற தன்னுடைய தகுதியினால அவங்களுக்கு கிருபை செய்றது. நீங்களும் அவனைச் சரணடைந்து நமஸ்காரம் பண்ணிட்டுப் போங்க. சகலமும் வெற்றியாகும்.

நிம்மதி வேண்டுமென்று தேடுகிறோமே தவிர ஆசைகளைக் கைவிட யாரும் நினைப்பதில்லை, ஆசைகளைத் துறந்து பாருங்கள் நிம்மதி என்றும் உங்கள் வசப்படும்..!

எப்போதும் அச்சத்தில் இருப்பதை விட ஆபத்தை ஒருமுறை சந்திப்பதே மேல். இந்த உலகில் தலைவிதி என்று எதுவும் கிடையாது எல்லாம் நீயாக தேடி கொண்டதுதான்..!

நாகை மாவட்டம், பாலையூர் அருகே அமைந்திருக்கிறது குளம்பிய நாதர் என்று அழைக்கப்படும் ஸ்ரீ கோகணேஸ்வர் ஆலயம். இந்தத் தலத்தில், அம்பிகை வடிவுடை நாயகி எனும் பெயரில் பக்தர்களுக்கு அருள்பாலிக்கிறார். ஒவ்வொரு மாதமும் வ்யதீபாத தினத்தன்று இத்தலத்து மூலவரை வழிபாடு செய்தால், சகல பித்ரு தோஷங்களும் நீங்கப்பெற்று, அனைத்து நலன்களும் ஏற்படும்.

காலங்களும் மாற்றங்களும் மாறிக் கொண்டே தான் இருக்கும் ஆதலால் எந்த ஒரு வெற்றியும் தோல்வியும் நிலையானது இல்லை. ஓடிக்கொண்டே இரு உழைத்துக்கொண்டே இரு அதுவே நிலையானது...!

கும்பகோணம் - காரைக்கால் சாலையில் திருநாகேஸ்வரம் அருகே 4 – கி.மீ தொலைவில் உள்ளது தண்டந்தோட்டம், கிராமம். இந்த கிராமத்தில் சிறப்பு மிக்க  ஸ்ரீ முத்துவேலாயுதசுவாமி திருக்கோயில் அமைந்துள்ளது. ஸ்ரீ முத்துவேலாயுத சுவாமியை வழிபட்டால் வாழ்வில் உள்ள தடைகள் யாவும் நீங்கும் என்கிறார்கள் பக்தர்கள்.

அழகை பற்றி கனவு காணுங்கள் அது உங்கள் கடமையை பாழாக்கிவிடும். கடமையை பற்றி கனவு காணுங்கள் அது உங்கள் வாழ்க்கையை அழகாக்கும் - அப்துல் கலாம்

ஆதீனத்திற்குச் சொந்தமான திருவாவடுதுறை அருள்மிகு கோமுக்தீஸ்வரர் திருக்கோயிலில் இன்று நடைபெற்ற வைகாசி மாதப்பிறப்பு ருத்ராபிஷேக விழாவில் ஸ்ரீ ல ஸ்ரீ குருமஹாசந்நிதானம் சுவாமி தரிசனம் செய்தார்.

தமிழகத்தில் பிரசித்திபெற்ற அம்மன் கோயில் திருவிழாக்களில், வேலூர் மாவட்டம் குடியாத்தத்தில் உள்ள கெங்கையம்மன் சிரசு பெருவிழாவும் ஒன்று. ஆண்டுதோறும் வைகாசி முதல் நாள் இந்த விழா நடைபெறும். காப்புக் கட்டுதலுடன் தொடங்கி லட்சக்கணக்கான பக்தர்கள் வெள்ளத்தில் சிரசு மிதந்து வரும். ஊரடங்கு அமலில் உள்ள நிலையில் பொதுமக்கள் யாருமின்றி 6 நபர்கள் மட்டுமே கலந்துகொள்ளும் வகையில் சிரசுத் திருவிழாவை நடத்திக்கொள்ள அனுமதி வழங்கி மாவட்ட ஆட்சியர் உத்தரவிட்டுள்ளார்.

இன்று (14.05.20) ஸ்ரீ பைரவருக்குரிய தேய்பிறை அஷ்டமி. எனவே இந்நாளில் இராகு கால வேளையில் (மதியம் 1.30 - 3.00) பைரவரை வணங்கிட எல்லாவித பயமெல்லாம் விலகிடும் என்பதும், செவ்வரளி மலர்கள் சார்த்தி வழிபடுவது, மிகுந்த பலன்களைத் தரும் என்பதும் நம்பிக்கை.

திருக்கயிலாய பரம்பரைத் திருவாவடுதுறை ஆதீனத்தில் இன்று ஆன்மார்த்த மூர்த்திகளாகிய ஸ்ரீ ஞானமா நடராசப் பெருமான் சித்திரை திருவோணம் மகா அபிஷேகம் சிறப்பாக நடைபெற்றது.

நீ யாராக இருந்தாலும் பரவாயில்லை, நீ எண்ணுவது விண்மீனாக இருந்தாலும் உன் உழைப்பால் நீ எண்ணியது உன்னை வந்து சேரும். நீ நீயாக இரு..!  - டாக்டர் அப்துல் கலாம்

 

கொரோனா வைரஸால் நாடு முழுவதும் ஊரடங்கு உத்தரவு பிறப்பிக்கப்பட்டுள்ளது. இந்த நிலையில், நீலகிரியில் கொரோனா வைரஸ் இல்லாத மாவட்டமாக அறிவிக்கப்பட இருந்தது. இந்த நிலையில், 4 பேருக்கு கொரோனா தொற்று ஏற்பட்டது. அவர்களுக்கு சிகிச்சை அளிக்கப்பட்டு வருகிறது. இந்த நிலையில் மாவட்டத்தில் கொரோனா தொற்று குறைந்ததால் தேவாலயங்களை திறக்கக்கோரி பெந்தகோஸ்தே அனைத்து திருச்சபைகள் சார்பில் ஊட்டியில் உள்ள நீலகிரி மாவட்ட ஆட்சியர் இன்னசெட் திவ்யாவிடம் மனு அளிக்க வந்திருந்தனர்.

அனைத்து கோயில்களிலும் வெளித்துறை பணியாளர்கள் 33 சதவிகிதம் பணி புரிய தமிழக அரசு அனுமதி அளித்துள்ளது. பக்தர்கள் வழிபாட்டுக்கு அனுமதி இல்லை என்றும் உள்துறை பணியாளர்கள் தேவைப்கேற்ப பணிபுரிய நடவடிக்கை எடுக்க வேண்டும் என்றும் அரசு கூறியுள்ளது.

மதுரையில் சித்திரைத் திருவிழா ரத்து செய்ய்யப்பட்டுள்ள நிலையில் கள்ளழகர் வைகை ஆற்றில் எழுந்தரும் நாளான இன்று பக்தர்கள் சிலர் வைகை ஆற்றுப் பகுதிக்கு குடும்பத்துடன் வந்தனர். அங்கு சில பூஜைகளை செய்தவர்கள், நேர்த்திகடனை முடிக்க முடி இறக்கினார்கள். காவல்துறை கெடுபிடிகளையும் மீறி மக்கள் வைகை ஆற்றுக்கு வந்து பரபரப்பை ஏற்படுத்தியுள்ளார்கள்

TamilFlashNews.com
Open App