Spiritual


விநாயகர் சதுர்த்தி விழா முதுமலையில் கொண்டாடப்பட்டது. விநாயகர் சதுர்த்தியை முன்னிட்டு முதுமலை தெப்பக்காடு வளர்ப்பு யானைகள் முகாமில் சிறப்பு பூஜைகள் நடைபெற்றன. கோயிலைச் சுற்றி வலம் வந்தும், கால்களை உயர்த்தியும் யானைகள் விநாயகரை வணங்கின. யானைகளுக்கு சிறப்பு உணவுகளும் வழங்கப்பட்டது.

புரட்டாசி மாதம் என்றாலே அது பெருமாளுக்குரிய மாதம் என்று கருதுவார்கள். திருப்பதியில் இந்த ஆண்டு 19 செப்டம்பர் 2020 முதல் 27 செப்டம்பர் 2020 வரை பிரம்மோற்சவம் ஏற்கெனவே திட்டமிடப்பட்டுள்ளது. ஏற்கெனவே திட்டமிட்டபடி திருப்பதி பிரம்மோற்சவம் நடைபெறுமா என்றும் பக்தர்கள் அனுமதிக்கப்படுவது குறித்தும் விரைவில் தேவஸ்தானம் சார்பில் அறிவிக்கப்படும் என்று எதிர்பார்க்கப்படுகிறது.

இன்று கிருத்திகை நட்சத்திரம். பொதுவாக கிருத்திகை நட்சத்திரம் என்பதே முருகன் வழிபாட்டுக்கு உகந்த நட்சத்திரம் என்பார்கள். அதிலும் தெய்வ வழிபாடுகள் செய்ய உகந்த ஆடி மாதத்தில் வரும் கிருத்திகை மிகவும் சிறப்புக்குரியது. கிருத்திகை நட்சத்திரம் என்பது சூரியபகவானுக்குரிய நட்சத்திரம். சூரியனே ஆரோக்கியத்துக்கு அதிபதி. எனவே கிருத்திகை நட்சத்திர நாளில் முருக வழிபாடு செய்வதன் மூலம் நீடித்த ஆயுளையும் ஆரோக்கியத்தையும் பெறலாம்.

இந்த உலகில் தொடர் தோல்விகளால் திண்டாடுபவர்கள் அநேகர் உண்டு. பகைவர்களால் பல காலமாக முடக்கப்பட்டுக் கொஞ்சமேனும் வெளிச்சம் கிடைக்காதா என்று ஏங்குகிறவர்கள் உண்டு. அப்படிப்பட்டவர்களாகத்தான் கண்ணன் பிறக்கும் நாள்வரை வசுதேவனும் தேவகியும் இருந்தார்கள். அதேபோன்று நம்முள்ளும் கண்ணன் பிறந்துவிட்டால் நம்முடைய பிரச்னைகள் எல்லாம் மாறிப்போய்விடும். மனதில் துணிவும் தன்னம்பிக்கையும் பிறக்கும். 

உங்களின் தோல்வி எங்கே ஒளிந்துள்ளது தெரியுமா? பிரச்னைகள் வரும்போது அல்ல; பிரச்னைகளை கண்டு நீங்கள் பயந்து விலகும்போதுதான் - பாரதியார்

நாம் செய்யும் காரியம் அனைத்துமே சுலபமாக அமைவது இல்லை. ஆனால் இடைவிடா முயற்சியோடு நாம் அதை செய்யும்போது அது சாத்தியமாகிறது. 

ஒரு வருட பலனுக்கு நெல்லை நடுங்கள், முப்பது வருட பலனுக்கு மரங்களை நடுங்கள். நூற்றாண்டு பலனுக்கு கல்வியை கொடுங்கள். வாழ்வு சிறக்கும்.

என்னிடம் சிறப்பான தனித்திறமை என்று எதுவுமே இல்லை என்னிடம் இருப்பது ஆர்வம் மட்டுமே - ஆல்பர்ட் ஐன்ஸ்டின்

நேற்று நடந்ததை உங்களால் மாற்ற முடியாது. நாளை நடக்கவிருப்பதை உங்களால் தடுக்க முடியாது. இன்றைய பொழுதில் இக்கணத்தில் வாழுங்கள், அதுதான் எல்லா துன்பங்களுக்கும் ஒரே தீர்வு!  - புத்தர்

 

விழுப்புரத்துக்குத் தெற்கே 22 கி.மீ. தொலைவில் பரிக்கல் அமைந்துள்ளது. அங்கு அருள்மிகு லட்சுமி நரசிம்மர் பக்தர்களுக்கு அருள்பாலிக்கிறார். நாடி வருவோரின் பிணிகளைப் போக்கும் திருத்தலங்களில் பரிக்கலும் ஒன்று. அபூர்வ சக்தி வாய்ந்த பலன்களைத் தரும் கண்கண்ட மகத்தான திருத்தலம். பரிக்கல் நரசிம்மர், மிகப் பெரும் கடன் தொல்லைகளிலிருந்து மீளவும், உடலிலுள்ள நோய்கள் நீங்கி நலம் பெறவும், எதிரிகளால் ஏற்படும் அபாயங்களிலிருந்து மீளவும் அருள்புரிபவர்.

உங்களால் பறக்க முடியாவிட்டால் ஓடுங்கள், ஓட முடியாவிட்டால் நடந்து செல்லுங்கள். நடக்கவும் முடியாவிட்டால் தவழுங்கள். இலக்குகளை நோக்கி நீங்கள் சென்றுக்கொண்டிருக்கிறீர்கள் என்பதே முக்கியமானது - ஹிட்லர்

வரலாற்றில் வெற்றி பெற்றவனும் இடம் பெறமுடியும் தோல்வியடைந்தவனும் இடம் பெற முடியும் ஆனால் வேடிக்கைப்பார்பவனால் ஒருபோதும் இடம்பெறமுடியாது!

சந்தோஷம் இருக்கும் இடத்தில் வாழ நினைப்பதை விட, நீ இருக்கும் இடத்தில் சந்தோஷத்தை உண்டாக்கு. உன் வாழ்க்கை நிறைவாக இருக்கும்.

இந்த ஆண்டுக்கான அமர்நாத் யாத்திரை வரும் ஜுலை 21 -ம் தேதி தொடங்குகிறது. ஆகஸ்ட் 3 வரை நீடிக்கும் இந்த யாத்திரை தொடர்பான பாதுகாப்பு நடவடிக்கைகள் பலப்படுத்தப்பட்டுள்ளன. ஜம்மு மற்றும் காஷ்மீரின் எல்லைகளுக்குள் யாத்திரைக்காக வருபவர்கள் அனைவருக்கும் கோவிட் பரிசோதனை செய்யப்பட்டு முடிவுகள் வரும்வரை தனிமைப்படுத்தப்பட்டு பின்னரே அவர்கள் தரிசனம் செய்ய அனுமதிக்கப்படுவார்கள் என்று தெரிவிக்கப்பட்டுள்ளது. 

ஒன்றை செய்ய முடியும் என்று நீ முழுதாய் நம்பும்போது உன் மனம் அதை செய்து முடிக்கும் வழிகளை கண்டறியும். ஒரு காரியத்தில் நீ வைக்கும் நம்பிக்கை அந்தக் காரியத்தை முடிக்கும் வழியை காட்டுகிறது.

இந்து அறநிலையத்துறை சார்பாக திருக்கோயில் தொலைக்காட்சி தொடங்கப்படும் என்ற செய்தி இரண்டு நாள்களுக்கு முன்பாக வெளியானது. ஆனால் முதலமைச்சர் 110 விதியின் கீழ்  சட்டப்பேரவையில் அறிவித்த அறிவிப்பையொட்டி கோயில்களுக்கு அனுப்பப்பட்ட கடித நகல் தான் சமூக ஊடகங்களில் வைரலானது. இதுகுறித்து இந்து அறநிலையத்துறை மக்கள் தொடர்பு அதிகாரியிடம் கேட்டபோது, `அதற்கான அரசாணை இன்னும் வெளியிடவில்லை’ என்றார்.

நாம் எண்ணங்களால் கட்டமைக்கப்படுகிறோம். எதுவாக நினைக்கிறோமோ, அதுவாகவே மாறுகிறோம். நம் எண்ணம் தூய்மையடையும்போதுதான், மகிழ்ச்சியும் நிழலைப்போல நம்மை விலகாமல் தொடர்ந்து கொண்டிருக்கும்..!

தமிழகத்தில் ஊரடங்கு காரணமாக கோயில்களில் பக்தர்களுக்கு அனுமதி இல்லாத நிலையில்,  திருக்கோவில்களில் நடைபெறும் பிரசித்திபெற்ற நிகழ்ச்சிகளை ஒளிபரப்ப, `திருக்கோயில்' என்ற பெயரில் புதிய தொலைக்காட்சி ஒன்றை தொடங்கியுள்ளதாக தமிழக அரசு அறிவித்துள்ளது.

சந்திர கிரகணம் மற்றும் சூரிய கிரகணம் குறித்து அறிந்துகொள்ளும் ஆர்வம் அனைவருக்கும் உண்டு. இந்த ஆண்டு  வரும் ஞாயிற்றுக்கிழமை சந்திர கிரகணம் நடைபெற உள்ளது. 5-ம்தேதி நடைபெற இருக்கும் இந்த சந்திர கிரகணத்தை வட அமெரிக்கா, தென் அமெரிக்கா, மற்றும் ஆப்பிரிக்க நாடுகளில் காணலாம் என்கிறனர் வானியல் அறிஞர்கள்.  இந்தியாவில் இதைக் காணமுடியாது.

சிதம்பரம் வெங்கடேச தீட்டிதர், `ஆனித் திருமஞ்சனம் என்பது ஆனி மாதத்தில் வரும் உத்திர நட்சத்திரத்தன்று நடைபெறும் அபிஷேகம். நடராஜருக்கான ஆறு அபிஷேகங்களில் ஒன்று. எனவே, உத்திர நட்சத்திரம் வரும் நாளில் இதைச் செய்வது வழக்கம்.சிதம்பரத்தில் ஒவ்வோர் ஆண்டும் அதிகாலை வேளையில் இந்த அபிஷேகம் நடக்கும். அதன்படி, நாளை மறுநாள் 28.6.20 அன்று அதிகாலை 2 மணிக்கு தொடங்கும் இந்த அபிஷேகம், காலை 7 மணி வரை நீடிக்கும்” என்றார். 

மாணிக்க வாசகப்பெருமான் தில்லை அம்பலத்தில் ஆனி மாத மக நட்சத்திர நாளில் இறைவனோடு கலந்தார். இந்த நாளில் அவரது குருபூஜை சிவாலயங்களில் சிறப்பாகக் கொண்டாடப்படும். இன்று மக நட்சத்திரம் மதியம் 1.04 மணிக்குத் தொடங்கி நாளை பகல் 11.56 வரை இருக்கிறது. பல சிவாலயங்களில் இன்று மாணிக்க வாசகப்பெருமானின் குருபூஜை நடைபெறும்.  

சூரிய கிரகணத்தை ஒட்டி திருப்பதி கோயிலில் இன்று பக்தர்களுக்கு அனுமதி ரத்து செய்யப்பட்டது. இந்த ஆண்டின் முதல் சூரிய கிரகணம் இன்று காலை 9:15 மணி முதல் மாலை 3:04 மணி வரை நீடிக்கிறது. இதையொட்டி, திருமலை திருப்பதி ஏழுமலையான் கோயிலில் நேற்றிரவு 8.30 மணிக்கு ஏகாந்த சேவையுடன் கோயில் கதவுகள் மூடப்பட்டது.

உலகப்புகழ் பெற்ற பூரி ஜெகந்நாதர் ரதயாத்திரைக்குத் தடை விதித்து உச்சநீதிமன்றம் உத்தரவிட்டிருக்கிறது. தேரோட்டத்தை தள்ளி வைக்குமாறு ஒடிசா விகாஸ் பரிசத் என்ற பொது நல அமைப்பு தாக்கல் செய்திருந்த வழக்குகில், வரும் 23ஆம் தேதி நடைபெறவிருந்த வருடாந்திர ரத யாத்திரைக்குத் தடை விதித்து உத்தரவு பிறப்பிக்கப்பட்டது. 

சிவபெருமானின் அறுபத்து நான்கு வடிவங்களில் ஒன்றான தட்சிணாமூர்த்தி திருவடிவத்தைக் கட்டாயம் வணங்க வேண்டிய நாள் வியாழக்கிழமை. அதோடு பிரதோஷம் சேர்ந்துவருவது மிகவும் சிறப்பு வாய்ந்தது. இன்று கார்த்திகை நட்சத்திரமும் சேர்ந்துவருவது மேலும் ஒரு விசேஷம். 

தேய்பிறையில் வரும் அஷ்டமி திதி பைரவர் வழிபாட்டுக்கு உரியது. இந்த நாளில் நாம் செய்யும் பைரவர் வழிபாடு நம் வாழ்வில் உள்ள துன்பங்களை அனைத்தையும் நீக்கும் என்பதால் இந்த தினம் பிரதோஷத்துக்கு இணையான ஒன்றாகச் சொல்லப்படுகிறது. சனிக்கிழமை வரும் பிரதோஷம் சனி மகா பிரதோஷம் என்று சொல்லப்படுவதைப்போல சனிக்கிழமைகளில் வரும் தேய்பிறை அஷ்டமி திதி சனி மகா அஷ்டமி என்று அழைக்கப்படுவதன் மூலம் இந்த நாளின் சிறப்பை அறிந்துகொள்ளலாம்.

TamilFlashNews.com
Open App