Spiritual


நாகை மாவட்டம் வேளாங்கண்ணியிலுள்ள பிரசித்திபெற்ற புனித ஆரோக்கிய மாதா பேராலயத்தில் ஆண்டுதோறும் ஏப்ரல் 12 - ம் தேதி நடைபெறும் ஈஸ்டர் பண்டிகை, கொரோனா தொற்று காரணமாக இந்த ஆண்டு நடைபெறாது என்று அறிவிக்கப்பட்டுள்ளது.  

தென் மாவட்டங்களில் மதுரை மீனாட்சியம்மன் கோயிலுக்கு அடுத்தபடியாக, கோவில்பட்டி செண்பகவல்லி அம்மன் கோயிலில் ஆண்டுதோறும் நடக்கும் பங்குனித் திருவிழா, தேரோட்டம், தெப்ப உற்சவம் ஆகியவை பிரசித்திபெற்றவை. இந்தநிலையில், ஊரடங்கு உத்தரவால் இந்த ஆண்டு ரத்து செய்யப்பட்டுள்ளதாக திருக்கோயில் நிர்வாகம் தெரிவித்துள்ளது.

உலகில்  இருந்து கொரோனா பாதிப்பு நீங்க வேண்டும் என்று பல ஆலயங்களில் சிறப்பு வழிபாடுகள் நடத்தப்படுகின்றன. திருமலை திருப்பதி, வைத்தீஸ்வரன் கோயில், பழனி முருகன் கோயில், மயிலாப்பூர் கபாலீஸ்வரர் கோயில் போன்ற பல கோயில்களில் சிறப்பு யாகங்கள் பூஜைகள் நடத்தப்பட்டன.

நாம் எண்ணங்களால் கட்டமைக்கப்பட்டுள்ளோம் எதுவாக ஆக வேண்டும் என  நினைக்கிறோமோ அதுவாகவே மாறுகிறோம். நம் எண்ணம் தூய்மையடையும்போதுதான் மகிழ்ச்சியும் நிழலைப்போல நம்மை விலகாமல் தொடர்ந்துகொண்டிருக்கும்...!

 

கொரோனா வைரஸ் தாக்கத்தில் இருந்து பொதுமக்கள் விடுபட வேண்டி, பழநி முருகன் கோயிலில் ஸ்கந்த ஹோமம் நடத்தப்பட்டது. 108 மூலிகைப் பொருள்கள் கொண்டு ஹோம குண்டம் வளர்த்து உச்சிகால பூஜையின்போது முருகனுக்கு அபிஷேகம் செய்யப்பட்டது.

 பழநி தண்டாயுதபாணி கோயிலில் வரும்‌ 31-ம் தேதி தொடங்கவிருந்த பங்குனி உத்திரத் திருவிழா ரத்து செய்யப்பட்டுள்ளது. மேலும் அனைத்து நிகழ்ச்சிகளும் ரத்து செய்யப்படுவதாகவும் ஆகம விதிகளுக்கு உட்பட்ட அனைத்து பூஜைகளும் வழக்கம்போல நடைபெறும் என்றும் பக்தர்களுக்கு அனுமதியில்லை என்றும் பழநி கோயில் நிர்வாகம் அறிவித்துள்ளது.

மதுரை மாவட்டம், திருப்பரங்குன்றம், அருள்மிகு சுப்பிரமணிய சுவாமி கோயிலில் வழக்கமாக இம்மாதம் 15 நாள்கள் நடைபெறும் பங்குனித் திருவிழா, திருக்கல்யாண நிகழ்ச்சிகள் ஊரடங்கு உத்தரவால் ரத்து செய்யப்பட்டுள்ளதாக கோயிலின் துணை ஆணையர் ராமசாமி தெரிவித்துள்ளார்.

யாருக்கும் அடிமையாய் இருக்காதீர்கள், உங்களுக்கு தேவை என்று நீங்கள் உணரும் எல்லை வரை மட்டும் கடைப்பிடியுங்கள், ஆனாலும் எப்போதும் உங்களை வழி நடத்துவதில் நீங்களே எஜமானனாய் இருங்கள். - ஓஷோ

தனித்து நின்றாலும் துணிந்து நில். பலருக்கு தாழ்ந்து போகும் போதுதான் இந்த உலகம் உன்னை காலில் போட்டு மிதிக்கத் தொடங்கி விடுகிறது...!

 

ஏற்றமும் இறக்கமும் நிறைந்த வாழ்வில் சில தருணங்களில் மனித சக்தியால் தீர்க்கமுடியாத துயரங்கள் சூழும்போது, இறையருளை வேண்டிப் பிரார்த்திப்பது ஒன்றே துயரம் தீர்வதற்கான வழி. திக்கற்றவருக்குத் தெய்வம்தானே துணை. தெய்வ வழிபாடு மனத்தில் நம்பிக்கையை அதிகரிக்கும். தன்னம்பிக்கை தேகத்தில் வலு சேர்க்கும்.

மாற்றம் வேண்டும் எனில் முதலில் அதை நம்மிடம் இருந்து ஆரம்பிக்க வேண்டும். நம்மிடம் மாற்றம் ஏற்படாமல் அதைப் பிறரிடமிருந்து எதிர்பார்ப்பது முறையாகாது..!

ராம நவமி விழாவைக் காணவரும் பக்தர்களுக்குக் கொரோனா தொற்று ஏற்பட வாய்ப்புகள் இருப்பதால், தற்போது இந்த ராம நவமி விழாவை ரத்து செய்ய இருப்பதாக விஸ்வ இந்து பரிஷத்தின் மூத்த தலைவர் மஹந்த் கல்யாண் தாஸ் லக்னோவில் தெரிவித்துள்ளார்

நாகையை அடுத்த நாகூரில் உள்ள உலக புகழ்ப் பெற்ற தா்காக்களுள் ஒன்றான நாகூா் பாதுஷா சாகிபு ஆண்டவா் தா்காவில் பக்தா்களின் வருகைக்கு வெள்ளிக்கிழமை முதல் தடைவிதித்து, தா்கா நிா்வாகம் அறிவிப்பு வெளியிட்டுள்ளது.பாதுஷா சாகிபு ஆண்டவா் தா்கா 463 ஆண்டுகளில் முதல் முறையாக வெள்ளிக்கிழமை மாலை மூடப்பட்டது

கொரானோ வைரஸ் தாக்கத்தின் காரணமாக வரும் 28-ம் தேதி தொடங்க இருந்த ராமநாதபுரம் வழிவிடு முருகன் கோயில் பங்குனி உத்திர திருவிழா இந்த ஆண்டு ரத்து செய்யப்படுவதாக நிர்வாகம் அறிவித்துள்ளது.

சபரிமலை ஐயப்பசாமி கோயில் அமைந்துள்ள பத்தினம்திட்டா மாவட்டத்தில் 9 பேருக்கு கொரானா பாதிப்பு உள்ளதால், வரும் 29-ம் தேதி தொடங்கும் பங்குனி திருவிழாவில் ஆச்சாரமுறை சடங்கு மட்டும் நடைபெறும். திருவிழா நாள்களிலும் ஏப்ரல் 7-ம் தேதி பம்பையில் நடக்கும் ஆராட்டு விழாவிலும் பக்தர்களுக்கு அனுமதி இல்லை என தேவசம்போர்டு அறிவித்துள்ளது.

கொரோனா வைரஸ் தடுப்பு எச்சரிக்கையால் தமிழக அரசின் உத்தரவு காரணமாக மார்ச் 31 வரை ராமேஸ்வரம் அருள்மிகு இராமநாதசுவாமி கோயில் அடைக்கப்படுகிறது. இதனால் பக்தர்களின்றி கோயில் வெறிச்சோடிக் காணப்படுகிறது.

கொரோனா வைரஸ் முன்னெச்சரிக்கை நடவடிக்கையாக மயிலாப்பூர் கபாலீஸ்வரர் கோயில், திருவல்லிக்கேணி பார்த்தசாரதி கோயில் மூடப்பட்டும் என அறிவிக்கப்பட்டுள்ளது. இந்த நிலையில் கோயிலுக்கு வரும் பக்தர்கள் கோயில் வாசலில் நின்று சாமி கும்பிட்டு செல்கின்றனர். மயிலாப்பூர் கபாலீஸ்வரர் கோயிலின் வெளியே பக்தர் ஒருவர் சாமி கும்பிட்டு சென்றார்.

 

கொரோனா வைரஸ் எதிரொலியால் உலகப்புகழ் பெற்ற திருச்செந்தூர், அருள்மிகு சுப்பிரமணிய சுவாமி திருக்கோயிலில் 20.03.20 (நேற்று) முதல்  31-03-2020 வரை பக்தர்கள் யாரும் தரிசனத்திற்கு வரவேண்டாம் என திருக்கோயில் இணை ஆணையர் அம்ரித் அறிவித்துள்ளார். கோயிலில் வழக்கமாக நடைபெறும் பூஜைகள் மட்டும் நடைபெறும் என்று தெரிவித்துள்ளார்.

கொரோனா வைரஸ் தாக்கத்தினை தடுக்க இன்று முதல் 31-ம் தேதி வரை ராமேஸ்வரம் ராமநாதசுவாமி கோயிலில் நடை சாத்தப்படுகிறது. இதனால் பக்தர்கள் அனுமதி தடை செய்யப்பட்டுள்ளது. மேற்கண்ட நாள்களில் 6 கால பூஜைகள் மட்டும் நடைபெறும் என அறிவிக்கப்பட்டுள்ளது,

கொரோனா வைரஸ் எதிரொலியாக திருப்பதி ஏழுமலையான் கோயிலுக்கு பக்தர்கள் வர தற்காலிக தடை விதிக்கப்பட்டுள்ளது. கோயிலுக்குள் தற்போதுள்ள பக்தர்கள் மட்டுமே தரிசனம் செய்ய அனுமதிக்கப்பட்டுள்ளனர். திருமலைக்கு செல்லும் பக்தர்கள் அலிபிரி சோதனை சாவடியில் தடுத்து நிறுத்தி திருப்பி அனுப்பப்படுகின்றனர்.

கொரோனா வைரஸ் தடுப்பு மற்றும் முன்னெச்சரிக்கை நடவடிக்கையாக பக்தர்கள் அதிகம் கூடும் திருக்கோயிலான ஸ்ரீவில்லிபுத்தூர் ஆண்டாள் கோயில் பகுதி முழுவதும் கிருமி நாசினி அடிக்கும் பணி இரண்டு நாள்களாக நடைபெற்று வருகிறது.

திருமலை திருப்பதி தேவஸ்தானத்தின் சார்பில், கொரோனா வைரஸ் தாக்குதலை எதிர்கொள்ளும்விதமாக முக்கியமான பல முன்னேற்பாடுகள் செய்யப்பட்டு வருகின்றன.  இதன் ஒரு பகுதியாக ஆர்ஜித சேவைகளுக்கு முன்பதிவு செய்யப்பட்ட டிக்கெட்டுகள் அனைத்தையும் ரத்து செய்து புதிய அறிவிப்பு ஒன்றை வெளியிட்டுள்ளது.

முடிவுகளைத் தயங்காமல் எடுக்கும் திறன் நம்மிடம் இருந்தால் முன்னேற்றத்திற்கான வாயில் கதவுகள் எப்போதும் திறந்தே இருக்கும்...!

பழனி தண்டாயுதபாணி சுவாமி மலைக் கோயிலுக்கு இருமல், சளி, ஜலதோஷம், மூச்சுத் திணறல் உள்ள பக்தர்கள் வருவதையும், திருவிழா காலங்களில் கலந்து கொள்வதையும் தவிர்க்க வேண்டும். மருத்துவ உதவி தேவைப்படும் பக்தர்கள் மலைக்கோயில் அமைக்கப்பட்டுள்ள முதலுதவி சிகிச்சை மையங்களில் உள்ள மருத்துவர்களை அணுகி ஆலோசனை பெற வேண்டும் என பழனி கோயில் நிர்வாகம் தெரிவித்துள்ளது

மதுரை மீனாட்சி சுந்தரேசுவரர் கோயிலின் உபகோயிலான தெப்பக்குளம் மரகதவல்லி அம்பிகை உடனுறை முக்தீஸ்வரர் கோயிலில் சூரிய ஒளிக்கதிர்கள் பிரவேசம் புதன்கிழமை தொடங்கியது. கோயில் கருவறைக்கு  எதிரே உள்ள துவாரங்கள் வழியாக காலை 6.35-க்கு சூரிய ஒளிக்கதிர்கள் பிரவேசம் தொடங்கியது. இதையொட்டி கோயிலில் சிறப்பு அபிஷேகம், தீபாராதனை ஆகியவை நடைபெற்றது. ஏராளமான பக்தர்கள் வழிபட்டனர்