Sports


கொரோனா வைரஸ் தொற்றில் இருந்து தங்களை பாதுகாத்துக் கொள்ள அரசியல் தலைவர்கள், நடிகை, நடிகர்கள், கிரிக்கெட் நட்சத்திரங்கள் வீட்டிலேயே முடங்கியுள்ளனர். இதற்கு நம்ம கிரிக்கெட் அணி கேப்டன் கோலியும் விதிவிலக்கல்ல. அவருக்கு அதிகமாக முடி வளர்ந்ததால் அவரது மனைவி அனுஷ்கா சர்மா, கேர் கட் செய்துள்ளார். இந்த வீடியோவை அனுஷ்கா சமூக வலைதளத்தில் வெளியிட்டுள்ளார். தற்போது இது வைரலாகியுள்ளது.

நாடு முழுவதும் 21 நாள் ஊரடங்கு பிறப்பிக்கப்பட்டிருப்பதால், வேலை இல்லாமல் தவித்து வரும் பின்தங்கிய மக்களுக்காக ரூ.50 லட்சம் மதிப்பிலான அரிசியை நன்கொடையாக வழங்குவதாக பிசிசிஐ தலைவர் சவுரவ் கங்குலி அறிவிப்பு! 

`உலகம் முழுவதும் உள்ள என்னுடைய ரசிகர்களுக்கு ஒரு வேண்டுகோள் விடுக்கிறேன்.இந்த வேளையில் மனிதர்களாக மக்களைப் பற்றி சிந்தியுங்கள். இந்துவாகவோ, இஸ்லாமியராகவோ சிந்திக்காதீர்கள். பொருள்களை யாரும் பதுக்காதீர்கள்'  பாகிஸ்தான் முன்னாள் வேகப்பந்துவீச்சாளர் சோயப் அக்தர் கூறியுள்ளார்.

ஸ்பெயின் நாட்டின் கால்பந்தாட்ட கிளப் அணியான அட்லெடிகோ போர்ட்டா ஆல்டாவில் இளம் வயது அணிக்கான பயிற்சியாளராக பணி புரிந்துவந்தவர் பிரான்சிஸ்கோ கார்சியா. இவர் கொரோனா வைரஸ் தாக்கத்தால் உயிரிழந்துள்ளார்.  அந்த அணி வெளியிட்டுள்ள அறிக்கையில், “ ​​நீங்கள் இல்லாமல் நாங்கள் என்ன செய்வது, பிரான்சிஸ் நாங்கள் உங்களை மறக்க மாட்டோம், நிம்மதியாக ஓய்வெடுங்கள். என்றென்றும் உங்கள் நினைவில்" என்று உருக்கமாக கூறப்பட்டுள்ளது.

ஐஎஸ்எல் கால்பந்து இறுதிப்போட்டியில் சென்னை அணியை 3-1 என்ற கோல் கணக்கில் வீழ்த்தி கொல்கத்தா அணி சாம்பியன் பட்டம் வென்றுளள்து. கொல்கத்தா அணி சாம்பியன் பட்டம் வெல்வது இது மூன்றாவது முறை. இன்றைய மேட்சில் கொல்கத்தா அணியின் சேவியர் ஹெர்னாண்ட்ஸ் 2 கோல் அடித்து அணியை வெற்றி பாதைக்கு அழைத்துச் சென்றார்.

இந்தியா- தென்னாப்பிரிக்கா கிரிக்கெட் அணிகளுக்கு இடையேயான ஒருநாள் கிரிக்கெட் போட்டிகள் ரத்து செய்யப்படுவதாக பிசிசிஐ அறிவித்துள்ளது. கொரோனா தாக்குதலால் போட்டிகள் ரத்து செய்யப்படுவதாக அறிவிக்கப்பட்டுள்ளது. ஏற்கெனவே முதல் போட்டி மழையால் ரத்து செய்யப்பட்டது குறிப்பிடத்தக்கது.

கொரோனா வைரஸ் அச்சுறுத்தல் காரணமாக ஏப்ரல் 15ம் தேதி வரை ஐபிஎல் கிரிக்கெட் போட்டிகள் ஒத்திவைக்கப்படுவதாக பிசிசிஐ அறிவித்துள்ளது. வரும் 29ம் தேதி ஐபிஎல் போட்டிகள் தொடங்க இருந்த நிலையில் ஒத்திவைக்கப்படுவதாக அறிவிக்கப்பட்டுள்ளது. நாளை நடக்கும் ஐபிஎல் நிர்வாகக்குழு ஆலோசனை கூட்டத்தில் அதிகாரபூர்வ அறிவிப்பு வெளியாக வாய்ப்பிருக்கிறது.

முதல் ஒருநாள் போட்டி ரத்து செய்யப்பட்டுள்ள நிலையில், இந்தியா- தென் ஆப்பிரிக்க கிரிக்கெட் அணி  மோதும் 2வது போட்டி வரும் 15ல் லக்னோவிலும். 18ல் கொல்கத்தாவிலும் நடைபெறுகிறது. கொரோனை வைரஸ் அச்சுறுத்தலால் பார்வையாளர்கள் இல்லாமல் நடத்தலாம் என்று மத்திய அரசு கேட்டுக்கொண்டது. அதன்படி பார்வையாளர்களின்றி மீதமுள்ள போட்டிகள் நடத்தப்படும் என்று பிசிசிஐ அறிவித்துள்ளது.

இந்தியா - தென்னாப்பிரிக்கா அணிகளுக்கு இடையேயான முதலாவது ஒருநாள் கிரிக்கெட் போட்டி மழையின் காரணமாக கைவிடப்பட்டுள்ளது. இந்நிலையில் கொரோனா பாதிப்பு காரணமாக எஞ்சியுள்ள இரண்டு ஒருநாள் போட்டிகளும் காலி மைதானத்தில் நடத்த வேண்டிய சூழல் ஏற்பட்டுள்ளது. மத்திய விளையாட்டு அமைச்சகத்தின் அறிவுறுத்தலின்பேரில் பிசிசிஐ முடிவெடுத்துள்ளதாக தகவல் வெளியாகியுள்ளது. 

பெண்கள் டி-20 உலகக்கோப்பை இறுதிப்போட்டியை நேரில் பார்த்த நபர் ஒருவர் கொரோனா வைரஸ் தாக்கம் இருப்பது தெரியவந்துள்ளது.  மெல்போர்ன் கிரிக்கெட் க்ளப் இந்த தகவலை வெளியிட்டுள்ளது. அந்த நபர் N வரிசையில் 42-வது சீட்டில் அமர்ந்து போட்டியைப் பார்த்துள்ளார். அந்த வரிசையில் அமர்ந்து போட்டியைப் பார்த்த மற்ற பார்வையாளர்கள் தங்களது தனிப்பட்ட சுகாதாரத்தில் அதிக அக்கறை எடுத்துக்கொள்ள வேண்டும் எனக் கேட்டுக்கொள்ளப்பட்டுள்ளது

இமாசல பிரதேச மாநிலம் தர்மசாலாவில் தொடர்ந்து பெய்து வரும் மழையால் இந்தியா- தென்னாப்பிரிக்கா இடையே நடைபெற உள்ள ஒருநாள் கிரிக்கெட் போட்டி ரத்து செய்யப்பட்டுள்ளதாக பிசிசிஐ அறிவித்துள்ளது. இன்று நடைபெற இருந்த போட்டி மழை குறுக்கிட்டதால் ரத்து செய்யப்பட்டுள்ளது.

பார்வையாளர்கள் இன்றி போட்டியை நடத்துவது குறித்து ஐபிஎல் நிர்வாகக்குழுதான் முடிவெடுக்க வேண்டும் என்று மத்திய வெளியுறவுத்துறை அமைச்சகம் கூறியுள்ளது. ஐபிஎல் போட்டிகளைக் காண வரும் ரசிகர்கள் மூலம் கொரோனா பரவும் என அச்சம் ஏற்பட்டுள்ள நிலையில் வெளியுறவுத்துறை அமைச்சகம் இவ்வாறு அறிவுறுத்தியுள்ளது.

இந்திய அணியிலிருந்து அறிவிப்பு இல்லாமல் கழற்றிவிடப்பட்டது மிகுந்த காயத்தை ஏற்படுத்தியதாக ஹர்பஜன் சிங் கூறியுள்ளார். அவர் பேசும்போது, ``2012-ல் வெளியில் உட்கார வைக்கப்படும்போது கடினமாக இருந்தது. 400 விக்கெட்டுகள் என் பெயரில் இருக்கிறது. ஆனால் அது திடீரென ஒன்றுமேயில்லாமல் பெரிய பூஜ்ஜியமாகி விட்டன" என்றார். 

இந்தியா - தென்னாப்பிரிக்கா போட்டி குறித்து பேசியுள்ள புவனேஷ்வர் குமார். “பந்துகளின் மீது உமிழ்நீரைப் பயன்படுத்துவது குறித்து யோசித்து வருகிறோம். உமிழ்நீரைப் பயன்படுத்தாமல் பந்தை எப்படிப் பளபளப்பாக்குவது. வெற்றி பெறுவது. இதுகுறித்து மருத்துவர்களிடம் ஆலோசிக்கவுள்ளோம்” எனக் கூறியுள்ளார்.

 

சவுகார்பேட்டை ஆனா சேப்பாக்கம் என்ற ஹேஷ்டேக்குடன் சென்னை சூப்பர் கிங்ஸ் அணி தன் ட்விட்டர் பக்கத்தில் வீடியோ ஒன்றை பதிவிட்டுள்ளது.  சென்னை சூப்பர் கிங்ஸ் வீரர்கள் சேப்பாக்கம் மைதானத்தில் கலர் பொடிகளை தூவி ஹோலி பண்டிகையை வண்ணமயமாக கொண்டாடிய வீடியோதான் அது. வீரர்கள் செய்யும் சேட்டைகளும் அந்த வீடியோவில் இடம்பெற்றுள்ளது.

இந்திய பந்துவீச்சாளர்கள் போட்டியின்போது பாலீஷாக்க பந்தின் மீது அதிக எச்சில் தடவ வேண்டாம் என்று இந்திய அணியின் பந்துவீச்சாளர் புவனேஷ்வர்குமார் வேண்டுகோள் விடுத்துள்ளார். கொரோனா வைரஸ் பரவாமல் தடுக்க இப்படி அவர் கோரிக்கை விடுத்துள்ளார். இந்தியாவில் தற்போது 60 பேர் கொரோனா வைரஸால் பாதிக்கப்பட்டுள்ளனர்.

கொரோனா வைரஸ் பீதி காரணமாக இத்தாலி, ஸ்பெயினில் கால்பந்து போட்டிகளை நேரில் காண ரசிகர்கள் அனுமதிக்கப்படவில்லை. நேற்று நடந்த ஆட்டத்தில், வாலென்சியா-அட்லாண்டா அணிகள் மோதின. ரசிகர்களால் நிரம்பி வழியும் மெஸ்டல்லா மைதானம் களை இழந்தது. வன்முறையில் இறந்துபோன தங்கள் கிளப் ரசிகர் ஒருவருக்காக வாலென்சியா அணி கேலரியில் சிலை வைத்துள்ளது. அந்த ஒரே ஒருவர்தான் நேற்றைய ஆட்டத்தின் பார்வையாளர்.

கொரோனா வைரஸின் எதிரொலியால் இந்தியா - தென்னாப்பிரிக்க இடையேயான மூன்று போட்டிகள் கொண்ட ஒரு நாள் தொடரில் இருநாட்டு வீரர்களும் கைகுலுக்கிக்கொள்வது தவிர்க்கப்படும் எனத் தெரிகிறது. அதற்கு பதில் தங்கள் மணிக்கட்டை மடக்கி `Fist Bump' செய்து தங்கள் வாழ்த்தை தெரிவித்துக்கொள்வார்கள் என்று சொல்லப்படுகிறது.

ஒலிம்பிக் தகுதிச் சுற்று வாயிலாக இந்திய குத்துச்சண்டை வீரர்களான பூஜா ராணி, விகாஸ் கிருஷ்ணன், லவ்லினா பார்கோய்ன், ஆஷிஷ் குமார் மற்றும் சதிஷ் குமார் 2020 டோக்கியோ ஒலிம்பிக்ஸிற்கு தகுதி பெற்றுள்ளனர்.

3 ஒருநாள் போட்டிகளில் விளையாட தென் ஆப்பிரிக்க அணி இந்தியா வந்துள்ளது. தென் ஆப்பிரிக்கப் பயிற்சியாளர் மார்க் பவுச்சரிடம், கொரோனா வைரஸால் இந்திய வீரர்களுடன் கைகுலுக்குவீர்களா எனக் கேள்வி எழுப்பப்பட்டது. இதற்குப் பதில் அளித்த அவர், ``கொரோனா வைரஸ் தாக்கம் இருப்பதால், இந்திய வீரர்களுடன் முறைப்படி கைகுலுக்குவதைத் தவிர்ப்பதைச் சூழலுக்கு ஏற்ப முடிவு செய்வோம்" என்றார். 

“உலகக்கோப்பை டி20-யை வென்ற ஆஸ்திரேலிய மகளிர் அணிக்குப் பாராட்டுகள். டீம் இந்தியாவுக்கு கடினமான நாளாக அமைந்தது. நம் அணி இளம் அணி, நிச்சயமாக திடமான ஓர் அணியாக உருவெடுக்கும். உலகம் நெடுகிலும் பலரையும் நீங்கள் ஊக்கப்படுத்தியுள்ளீர்கள். உங்களை நினைத்துப் பெருமையடைகிறோம். கடினமாக உழையுங்கள், நம்பிக்கை இழந்து விடாதீர்கள்.. ஒரு நாள் அது நிகழும்” என்று சச்சின் ட்வீட் செய்துள்ளார்.

பிசிசிஐ தலைவர் கங்குலி தன் ட்வீட்டில், “வெல்டன் மகளிர் கிரிக்கெட் அணி. இரண்டு அடுத்தடுத்த உலகக்கோப்பை இறுதிகள், ஆனால் தோல்வியடைந்து விட்டோம். ஒருநாள் நிச்சயம் அந்த இடத்துக்கு உயர்வோம். வீரர்களையும் அணியையும் நேசிக்கிறோம்” என்று கங்குலி கூறியுள்ளார்.

சென்னை சூப்பர் கிங்ஸ்  வீரரான ஹர்பஜன் சிங் தனது ட்விட்டர் பக்கத்தில்,  “வந்து இறங்கியிருக்குற இடம் சென்னை. இந்த ஐபிஎல் நம்ம டீம் செம #வலிமை மாப்பி. தளபதி ஸ்டைல்ல தல எத்தனை டீமுக்கு குட்டி ஸ்டோரி சொல்லப்போறாருனு தெர்ல. அண்ணாத்தை பார்த்து ஆட முடியுமான்னு கேள்வி செயக்கை வேற ரகமா இருக்கபோது. சேபாக் நம் தலைவன்இருக்கிறான் மயங்காதே” எனப் பதிவிட்டுள்ளார்.

கொரோனா வைரஸ் எதிரொலியால் மார்ச் 29-ம் தேதி தொடங்க உள்ள 13-வது ஐபிஎல் தொடரை ஒத்திவைக்க பிசிசிஐ திட்டமிட்டுள்ளதாக தகவல் வெளியாகியுள்ளது. அதேநேரத்தில் அண்மையில், பிசிசிஐ தலைவர் கங்குலி, ஐபிஎல் தொடரை ஒத்திவைக்கும் பேச்சுக்கே இடமில்லை என்று கூறியிருந்தார். உலகத்தையே தற்போது அச்சுறுத்தி வருகிறது கொரோனா வைரஸ் என்பது நினைவில் கொள்ளத்தக்கது.

மகாராஷ்டிரா அரசின் சாலைப்பாதுகாப்பு பிரிவு தனியார் நிறுவனத்துடன் இணைந்து `ரோடு சேஃப்டி வேர்ல்டு சீரியஸ்’ தொடர் நடந்து வருகிறது. இதில் சச்சின், சேவாக், யுவராஜ், ஜாகீர் கான் என 100-க்கும் அதிகமானவர்கள் விளையாடி வருகின்றனர். இந்த நிலையில் சச்சின் உடன் பாக்சிங் செய்த இர்ஃபான் பதான் மகன் விளையாடும் வீடியோ வைரலாகியுள்ளது.