Sports


`2014-ம் ஆண்டு இங்கிலாந்தில் சுற்றுப்பயணம் மேற்கொண்டிருந்த இந்திய அணியில் இடம் பெற்றிருந்தபோது மன அழுத்தம் பிரச்னையால் நான் பாதிக்கப்பட்டிருந்தேன். அப்போது இருந்த மனநிலையில், என்னுடைய கிரிக்கெட் வாழ்க்கையே முடிவுக்கு வந்துவிட்டதாக அஞ்சினேன். என் பிரச்னைகளை பிறரிடம் பகிர்ந்துகொள்ள முடியவில்லை' எனக் கோலி பேசியுள்ளார்.

5 வருடத்திற்கு முன் இதே நாளில்தான் இலங்கைக்கு எதிரான ஒரு நாள் கிரிக்கெட் போட்டியில் ரோகித்சர்மா 173 பந்துகளில் 264 ரன் விளாசினார். 4 ரன்களில் திசாரா பெரேரா இவரை அவுட்டாக்கத் தவறியதால் யாருமே செய்யாத சாதனையைப் புரிந்தார் ரோகித். வாழ்த்துகள் ரோகித்!

கடந்த 30 ஆண்டுகளாக சச்சின் தக்க வைத்திருந்த ரெக்கார்டை தன்வசப்படுத்தியுள்ளார் 15 வயதேயான இளம் கிரிக்கெட் வீராங்கனை ஷஃபாலி வர்மா. சர்வதேச கிரிக்கெட்டில், குறைந்த வயதில் அரை சதம் கடந்த வர்மா, சச்சினின் சாதனையை முறியடித்துள்ளார். பேன்ட், ஷர்ட், பாய் கட், ஆண் வேட பயிற்சி என இருக்கும் ஷஃபாலியின் கதையை படிக்க கீழே கிளிக் செய்யவும்!

வங்கதேசத்துக்கு எதிரான போட்டியில் சஹார் 7 ரன்கள் மட்டுமே விட்டுக்கொடுத்து 6 விக்கெட்டுகள் வீழ்த்தினார். இதுகுறித்து பேசிய சாஹர், “எனது கனவில் கூட இப்படி நடக்கும் என்று நான் எண்ணியதில்லை. கேப்டன் ரோஹித் முக்கியமான ஓவர்களை வீச வாய்ப்பளித்தார். ஒவ்வொரு முறை பந்துவீசும்போதும் அடுத்த பந்தைப் பற்றி மட்டுமே சிந்திப்பேன்.'' என்றார்.

 “ரிஷப் பயமில்லாமல் விளையாடக்கூடிய கிரிக்கெட்டர். அணி நிர்வாகமும் அந்த சுதந்திரத்தை அவருக்கு அளிக்க விரும்புகிறது. அவர் மீதான உங்கள் பார்வையை விலக்கிக்கொண்டால் அவர் இன்னமும் சிறப்பாக செயல்படுவார்.” என ரோஹித் சர்மா கூறியுள்ளார்.

 

 

 

வங்கதேச பேட்டிங்கின்போது 10-வது ஓவரில் இந்தியா ரிவீயூவை வீணாக்கியது. பன்ட் உறுதியாக இருந்ததால் ரோஹித் டி.ஆர்.எஸ் முறையை பயன்படுத்தினார். இது தொடர்பான கேள்விக்கு பதிலளித்த ரோஹித், `பன்ட் இளம் வீரர். அதிகபட்சமாக 10-12 சர்வதேச டி20 போட்டிகளில் விளையாடி இருப்பார். இதுபோன்ற விஷயங்களை கற்றுக்கொள்ள சிறிது காலம் தேவைப்படும்' என்றார்.

இந்தியா -வங்கதேசம் அணிகளுக்கு எதிரான முதல் டி-20 கிரிக்கெட் போட்டி டெல்லியில் நடந்து வருகிறது. இந்தப்போட்டியில் முதலில் பேட் செய்த இந்திய அணி நிர்ணயிக்கப்பட்ட 20 ஓவர்களில் 6 விக்கெட் இழப்புக்கு 148 ரன்கள் எடுத்தது. அதிகபட்சமாக தவான் 41 ரன்களை எடுத்தார்.

 

ஐசிசியால் பகலிரவு டெஸ்ட் தொடர் அறிமுகப்படுத்தப்பட்டபோது அதில் விளையாட இந்தியா மறுத்துவந்த நிலையில், தற்போது சம்மதித்துள்ளது. பிசிசியை தலைவராக கங்குலி பதவியேற்ற மறுநாளே கேப்டன் கோலியைச் சந்தித்து இதுபற்றி பேசியுள்ளார். அப்போது 3 விநாடியிலேயே கோலியை சம்மதிக்கவைத்துள்ளார் கங்குலி.

 ‘உலகக்கோப்பை கிரிக்கெட் போட்டியின் போது இந்திய தேர்வுக்குழுவினர் கேப்டன் விராட் கோலி மனைவிக்கு தேநீர் ஊற்றி கொடுத்து கொண்டிருந்தனர். நாம் ஒரு மிக்கி மவுஸ் தேர்வுக்குழுவை வைத்துள்ளோம் ‘என முன்னாள் வீரர் பரூக் இன்ஜினியர் கடுமையான  விமர்சனத்தை முன்வைத்துள்ளார்.

பல்கேரியாவுக்கும் இங்கிலாந்துக்கும் நடைபெற்ற போட்டியில், பல்கேரிய ரசிகர்கள் இங்கிலாந்தைச் சேர்ந்த கறுப்பு நிற போட்டியாளர்களை ஏளனம் செய்தனர். இதனால் பல்கேரியா அணி, தான் விளையாடும் அடுத்த போட்டியை ரசிகர்கள் யாரும் இல்லாத காலியான மைதானத்தில் விளையாட வேண்டும் என்று ஐரோப்பிய கால்பந்து சங்கம் விநோத தண்டனை விதித்துள்ளது. 

சூதாட்டத் தரகர்கள் தொடர்புகொண்டது சம்பந்தமாக ஐசிசி, வங்கதேச வீரர் ஷகிப் அல் ஹசனிடம் விளக்கம் கேட்டிருந்தது. அதற்கு, ஷகிப் இன்னும் விளக்கம் அளிக்கவில்லை. இந்த விவகாரத்தில் ஷகிப் அல் ஹசனுக்கு 2 ஆண்டுகள் கிரிக்கெட் விளையாட தடை விதிக்கப்பட்டுள்ளது.

இலங்கை கிரிக்கெட் அணி ஆஸ்திரேலியாவுக்குச் சுற்றுப்பயணம் செய்துள்ளது. நேற்று நடந்த பயிற்சி ஆட்டத்தில் ஆஸ்திரேலிய பிரதமர் ஸ்காட் மோரிசன், திடீரென மைதானத்துக்குள் புகுந்து தனது டீமின் தொப்பியை அணிந்துகொண்டு பிரதமர் என்பதையும் மறந்து கையில் வாட்டர் பாட்டில்களுடன் மைதானத்துக்குள் இறங்கியவர் வீரர்களுக்கு வாட்டர் சப்ளை செய்தார்.

நெட்ஃப்ளிக்ஸில் வெளியாகி இருக்கும் 'தி கேம் சேஞ்சர்ஸ்' ஆவணப்படத்தைக் கண்டு ரசித்துள்ளார் கோலி. உலகெங்கிலும் உள்ள பிரபல விளையாட்டு வீரர், வீராங்கனைகளின் சைவ உணவுப் பழக்கத்தைப் பற்றிய இந்த ஆவணப்படத்தைப் புகழ்ந்த கோலி, "சைவ உணவுப் பழக்கத்துக்கு மாறிய பிறகு, எனது வாழ்க்கை இவ்வளவு சிறப்பாக இருந்ததில்லை" என்று ட்வீட் செய்துள்ளார். 

சினிமா, அரசியல், விளையாட்டு போன்ற துறைகளை சேர்ந்த பிரபலங்களை இணையத்தில் தேடும் போது தவறான இணையதளத்துக்கு இழுத்துச் செல்லப்படுவதாக சைபர் பாதுகாப்பு நிறுவனம் எச்சரித்துள்ளது. இந்த பட்டியலில் தோனி, சச்சின் டெண்டுல்கரின் பெயர்கள் முதல் இரண்டு இடங்களில் உள்ளதாக மெக்கபீ என்ற சைபர் பாதுகாப்பு நிறுவனம் தெரிவித்துள்ளது. 

ராஞ்சி டெஸ்ட் போட்டிக்குப் பின்னர் செய்தியாளர்களைச் சந்தித்த கோலியிடம், தோனி குறித்த கேள்விகள் கேட்கப்பட்டன. அதற்குப் பதிலளித்தவர், “ தோனி இங்குதானே இருக்கிறார். ஓய்வு அறையில்தான் உள்ளார். வாருங்கள் நேரில் வந்து அவருக்கு ஹலோ சொல்லுங்கள்” என்றதோடு முடித்துக்கொண்டார்.

 

சர்ஃப்ராஸ் அகமதுவின் மனைவி, ``எனது கணவர் எதற்காக ஓய்வுபெற வேண்டும். அவருக்கு 32 வயதுதான் ஆகிறது. இந்திய கிரிக்கெட் வீரர் தோனிக்கு என்ன வயதாகிறது... அவர் என்ன 32 வயதில் ஓய்வுபெற்றுவிட்டாரா? என் கணவர் மீண்டும் வலுவாக களத்துக்குத் திரும்புவார். அவர் ஒரு போராளி. கண்டிப்பாக இதிலிருந்து மீண்டு களத்துக்கு வருவார்" என்று தெரிவித்துள்ளார். 

 

தென்னாப்பிரிக்கா அணிக்கு எதிரான மூன்றாவது டெஸ்ட் போட்டியையும் வென்று இந்திய அணி டெஸ்ட் சாம்பியன்ஷிப் தொடரில் 240 புள்ளிகளுடம் முதலிடத்தில் உள்ளது. இரண்டாவது இடத்தில் நியூசிலாந்து அணி 60 புள்ளிகளுடன் உள்ளது. டெஸ்ட் சாம்பியன்ஷிப் தொடரில் அடுத்ததாக இந்தியா வங்கதேசத்தை எதிர்கொள்கிறது. 

``தோனி விளையாடிய ரோலுக்கு தற்போது நான் பொருத்தமாக இருப்பேன் என நினைக்கிறேன். அப்படி விளையாடினால், நான் ஏதாவது செய்ய முடியும் என்று நினைக்கிறேன். ஏனென்றால், தமிழகம் மற்றும் கே.கே.ஆர் அணிக்காக அதைச் செய்துவருகிறேன். டி20 உலகக் கோப்பை தொடர், நிச்சயமாக நான் விளையாட விரும்பும் ஒன்று" என தினேஷ் கார்த்திக் பேசியுள்ளார்.

`இந்தியா போன்ற சிறிய இடங்களுக்கு வரும்போது ஓட்டல்கள் சரியாக இருக்காது. நல்ல உணவும் வழங்கப்படவில்லை’ என பேசியிருந்தார் தென்னாப்ரிக்க கிரிக்கெட் வீரர் டீன் எல்கர். நேற்று நடந்த இறுதி டெஸ்ட் போட்டியில் அவர் விரைவில் அவுட் ஆனதை தொடர்ந்து, அவர் பேசியதையும் அவுட்டானதையும் இணைத்து நெட்டிசன்கள் கிண்டலத்து வருகின்றனர். 

குத்துச்சண்டை விதிகள் குறித்து உங்களுக்கு என்ன தெரியும். உங்கள் விளையாட்டில் நான் தலையிட்டதில்லை. அதேபோல், நீங்களும் இருந்தால் நன்றாக இருக்கும் என அபினவ் பிந்தராவை கடுமையாக சாடியுள்ளார் மேரி கோம். குத்துச்சண்டை வீராங்கனை நிகத் ஜரினுக்கு ஆதரவாக அபினவ் பேசியதே மேரி கோம் கோபத்துக்குக் காரணம்.

இந்தியா - தென்னாப்பிரிக்கா இடையேயான கடைசி டெஸ்ட் போட்டி நேற்று நடைபெற்றது. இதில் தான் சந்தித்த முதல் 2 பந்துகளுமே சிக்ஸர் அடித்த 3வது வீரர் என்ற பெருமைக்குச் சொந்தக்காரர் ஆனார் உமேஷ்.ஒரு இன்னிங்ஸில் பவுண்டரி அடிக்காமல் சிக்ஸ் மட்டுமே முதல் வீரரும் இவரே.

ராஞ்சியில் செய்தியாளர்களைசந்தித்த ரோஹித் சர்மா, `இந்த வாய்ப்பை நான் முழுமையாக பயன்படுத்திக்கொண்டேன். அப்படி நான் பயன்படுத்தாமல் தவறவிட்டிருந்தால், என்னுடைய டெஸ்ட் கேரியர் குறித்து பல்வேறு வகையில் பேசவும் எழுதவும் செய்திருப்பர். இப்போது, என்னைப்பற்றி நல்லவிதமாக எழுதவார்கள் என நம்புகிறேன்’ என்றார்.

டென்னிஸ் விளையாட்டின் உச்ச நட்சத்திரம் ரஃபேல் நடால் நேற்று ஸ்பெயினில் இருக்கும் தீவான மல்லோர்காவில் தனது நீண்ட நாள் காதலியான ஸிஸ்கா பெரெல்லோவை திருமணம் செய்துகொண்டார்.33 வயதான நடால், 31 வயதாகும் ஸிஸ்கா பெரெல்லோவை 2005 -ம் ஆண்டு தனது சகோதரி மூலம் தான் சந்திது காதலிக்க தொடங்கி தற்போது திருமணம் செய்துக்கொண்டுள்ளனர். 

ஜூலை மாதம் 20 -ம் தேதி தொடங்கிய `ப்ரோ கபடி லீக் சீசன் 7’ தொடர் தற்போது முடிவுக்கு வந்துள்ளது. நேற்று அகமதாபாத்தில் நடைபெற்ற இறுதி ஆட்டத்தில் டெல்லி அணியும் பெங்கால் அணியும் மோதியது. இதில்  பெங்கால் அணி 39-34 என்ற புள்ளி கணக்கில் டெல்லி அணியை வீழ்த்தி முதல் முறையாக சாம்பியன் பட்டத்தை வென்றது.

இன்று ராஞ்சியில் நடக்கும் இந்தியா - தென் ஆப்ரிக்கா இடையேயான இறுதி டெஸ்ட் போட்டியை காண, மகி கட்டாயம் வருவார்’ என தோனியின் மேலாளர் திவாகர் கூறியுள்ளார். இந்திய கிரிக்கெட் வீரர்களுக்குத் தனது பண்ணை வீட்டில் இரவு விருந்து ஏற்பாடு செய்துள்ளதாகவும், அதற்காக தோனி இந்திய கிரிக்கெட் வீரர்களை அழைப்பார் எனவும் கூறப்படுகிறது.