Sports


இன்சமாம் உல் ஹக் கூறுகையில்,`இந்தியா - பாகிஸ்தான் மேட்ச் என்றாலே மக்கள் சீரியஸாக பார்க்கிறார்கள். எங்களால் இதுவரை உலகக்கோப்பையில் இந்தியாவை வெல்ல முடியவில்லை. இந்த மோசமான சாதனையை இந்த முறை முடிவுக்குக் கொண்டுவருவோம் என நம்புகிறேன். அதற்கு ஏற்றாற்போல் வலுவான அணியைத் தேர்வு செய்துள்ளோம்' என்றார்.

இந்திய அணியின் பேட்டிங் ஆர்டரில் நான்காவது வீரராகக் களமிறங்க கே.எல்.ராகுலைவிட விஜய் சங்கரே பொருத்தமாக இருப்பார் என முன்னாள் வீரர் சஞ்சய் மஞ்சரேக்கர் கருத்துத் தெரிவித்திருக்கிறார். மேலும், கே.எல்.ராகுல் தொடக்கவீரராகக் களமிறங்கவே சரியான தேர்வாக இருப்பார் என்றும் அவர் கருத்துத் தெரிவித்திருக்கிறார்.

 ரோஹித் அளித்துள்ள பேட்டியில், “ நான் வீட்டை விட்டு வெளியேபோகும் போது  ‘ஹலோ’ என்ற வார்த்தையுடன் ஒரு நபர் பேசத்தொடங்குவார். அந்த உரையாடல் தொடர்ந்துக்கொண்டே போகும் ஒரு கட்டத்தில் அவர் பேட்டிங் ஆலோசனைகளை வழங்க ஆரம்பித்து விடுவார். அந்த கவர் ட்ரைவை இப்படி ஆட வேண்டும். நீங்கள் ஸ்ட்ரைட் டிரைவ் ஆடுவதை இன்னும் மேம்படுத்த வேண்டும் என்பார்" என்றார்.

``கடந்த சில வருடங்களாக ஒரு கேப்டனாக விராட் சிறப்பாக செயல்பட்டுள்ளார். அதுமட்டுமல்லாமல் விராட் கோலிக்கு இந்த முறை ஒரு சிறந்த அணி கிடைத்துள்ளது. கோலிக்கு எப்போது உதவி தேவைப்படுகிறதோ அப்போது நான் அங்கு இருப்பேன். எனது பங்களிப்பு எப்போதும் அவருக்காக இருக்கும்" என கோலியின் கேப்டன்ஷிப் குறித்து ரோஹித் ஷர்மா பேசியுள்ளார்.

உலகக் கோப்பை தொடரில் பங்கேற்கும் கிரிக்கெட் அணிகளின் கேப்டன்களிடம் எந்த அணிக்கு வாய்ப்பிருக்கிறது என்ற கேள்வி முன்வைக்கப்பட்டது. இங்கிலாந்து, இந்தியா, ஆஸ்திரேலிய அணிகளுக்கே வாய்ப்பு என ஒருசிலர் கூறியிருக்கிறார்கள். அன்றைய தினம் சிறப்பாகச் செயல்படுபவர்களுக்கே வெற்றி என்பது பொதுவான பதிலாக இருக்கிறது.

தேர்தல் வெற்றியை அடுத்து பிரதமர் மோடிக்கு சச்சின், கோலி ஆகியோர் வாழ்த்துத் தெரிவித்திருக்கிறார்கள். நாடே உங்களுக்குத் துணை நிற்கும் என்று சச்சினும், உங்கள் தொலைநோக்குப் பார்வையால் இந்தியா புதிய உயரங்களைத் தொடும் என்று கோலியும் வாழ்த்துத் தெரிவித்துள்ளனர். 

ஆஸ்திரேலிய அணியின் முன்னாள் வீரர் மார்க் வாக், `50 ஓவர்களில் 500 ரன்கள் எடுக்க முடியும் என்று நீங்கள் நம்பாமல் இருக்கலாம், ஆனால், எடுக்க முடியும் என்று நான் நம்புகிறேன். வலிமையான அணி, வீக்கான அணிக்கெதிராக இந்தச் சாதனையை உலகக் கோப்பை தொடரில் படைக்கும் என நினைக்கிறேன்'  என்றார்.

இங்கிலாந்து உலகக்கோப்பை அணியில் இடம்பிடித்துள்ள ஆர்ச்சர், `இந்த உலகக் கோப்பை தொடரில் விராட் கோலியின் விக்கெட்டை வீழ்த்த ஆர்வமாக இருக்கிறேன். ஐபிஎல் தொடரில் கோலியின் விக்கெட்டை வீழ்த்த முடியவில்லை. அவர் விளையாடிய போட்டிகளில் லெக் ஸ்பின்னர்களிடம் வீழ்ந்துவிட்டார்’ என்றார்.

தோஹா ஆசிய தடகளப் போட்டியில் பங்கேற்று தங்கம் வென்ற தமிழக வீராங்கனை கோமதி, ஊக்கமருந்து சர்ச்சையில் சிக்கியுள்ளார். இது தொடர்பாக பேசியுள்ள அவர், `என் வாழ்க்கையில் ஊக்கமருந்து எடுத்தது இல்லை. எனது பி மாதிரியைப் பரிசோதிக்க வேண்டும். அப்போதுதான் உண்மை தெரியும்’ என வேண்டுகோள் விடுத்துள்ளார். 

`தோனி எனும் ஜீனியஸ் இந்திய அணியில் இருக்கிறார். கிரிக்கெட்டின் பல்வேறு அம்சங்களை அவர் நன்றாகப் புரிந்துவைத்திருக்கிறார். அவரது அனுபவம் பயிற்சியாளருக்கும் கேப்டனுக்கும் முக்கியமானது. இந்த உலகக் கோப்பையில் இந்திய அணியின் துருப்புச் சீட்டு அவர்தான்' என்று பாகிஸ்தான் முன்னாள் கேப்டன் ஜாஹீர் அப்பாஸ் கூறியிருக்கிறார்.

புதுக்கோட்டையைச் சேர்ந்த செஸ் வீரர் அங்கப்பன் தேசிய அளவிலான மாற்றுத்திறனாளிகளுக்கான சதுரங்கப் போட்டியில் 3-வது இடத்தைப் பிடித்து, ஐரோப்பாவில் நடைபெற உள்ள உலக அளவிலான போட்டிக்குத் தகுதி பெற்றுள்ளார்.‘அரசு உதவி செய்தால் மட்டுமே ஐரோப்பா செல்லமுடியும். அதற்காக காத்திருக்கிறேன்’ என அங்கப்பன் கூறியுள்ளார்.

விராட் கோலி,  ``இந்த உலகக் கோப்பை தொடர் சவால் நிறைந்ததாக இருக்கப்போகிறது. மற்ற அணிகளும் திறனுடன் உள்ளன. 2015-ம் ஆண்டுக்குப் பிறகு ஆப்கானிஸ்தான் அணியும் முன்னேற்றம் அடைந்துள்ளது. ஒவ்வோர் ஆட்டமும் நமது திறமைக்கான சிறந்த விளையாட்டாக அமையும். நம்பிக்கையுடன் உலகக் கோப்பை தொடர் விளையாடச் செல்கிறோம்” என்றார். 

‘சுழற்பந்துவீச்சாளர்கள் எப்போதும் தோனி சொல்வதைப் பின்பற்ற ஆர்வத்துடன் இருப்பார்கள். என்ன நடந்தாலும் எங்களுக்கு மஹி பாய் (தோனி) வேண்டும். நாங்கள் எப்போதும் அவர் சொல்வதைக் கேட்போம். அதன்படி நடப்போம். நாங்கள் ஏதாவது புதிதாகத் திட்டமிட்டால், அதுகுறித்து தோனியிடம் பேச வேண்டும் என்றிருக்கும்’ என சஹால் பேசியுள்ளார். 

 

லகக் கோப்பை தொடருக்கான பாகிஸ்தான் அணியில் ஜுனைத் கானுக்கு இடம் அளிக்கப்படவில்லை. பாகிஸ்தான் அணி நிர்வாகத்துக்கு எதிர்ப்பு தெரிவிக்கும் வகையில், வாயில் பிளாஸ்திரி ஒட்டியுள்ள புகைப்படத்தை ட்விட்டரில் வெளியிட்டுள்ளார். அதனுடன்,  'நான் எதுவும் சொல்ல விரும்பவில்லை, உண்மை கசக்கும் ' என்றும் கூறியிருந்தார். 

பாகிஸ்தான் உலகக்கோப்பை அணியில், அபித் அலிக்குப் பதிலாக ஆசிஃப் அலி சேர்க்கப்பட்டுள்ளார். இங்கிலாந்து சுற்றுப்பயணத்தில் ஆசிஃப் அலி, மிடில் ஆடரில் சிறப்பான ஆட்டத்தை வெளிப்படுத்தி, இரண்டு அரை சதம் அடித்தார். புற்றுநோயால் பாதிக்கப்பட்ட அவரது மகள் இறந்த அடுத்த சில மணி நேரங்களில் இந்த அறிவிப்பு வெளியானது. 

பாகிஸ்தான் தற்போது தனது உலகக் கோப்பை அணியில் மூன்று மாற்றங்களைச் செய்துள்ளது. இடக்கை வேகப்பந்துவீச்சாளர்களான முகமது அமீர் மற்றும் வகாப் ரியாஸ் அணியில் இடம்பிடித்துள்ளனர். இவர்களுக்காக, ஃபஹீம் அஷ்ரஃப் மற்றும் ஜுனைட் கான் நீக்கப்பட்டுள்ளனர்.  மூன்றாவது மாற்றமாக, அபித் அலிக்குப் பதிலாக ஆசிஃப் அலி சேர்க்கப்பட்டுள்ளார்.

ரிக்கி பான்டிங் வருகை வீரர்களுக்குத் தெம்பை அளித்துள்ளது. அணியில் இருக்கும் அனைவரும் பான்டிங்கால் ஈர்க்கப்பட வேண்டும் என  விரும்புகிறார்கள். இதைப் பார்க்கும் போது, குழந்தைகள் ஜஸ்டின் பீபரை சுற்றிவருவதுபோல உள்ளது. இது விசித்திரமாக இருந்தாலும் சிறப்பு வாய்ந்ததாக உள்ளது' என ஆஸ்திரேலிய கேப்டன் ஆரோன் ஃபின் தெரிவித்துள்ளார்.

உலகக் கோப்பை ஒரு ஓப்பன் டோர்னமென்ட், இதில் கோப்பையை வெல்ல அனைவருக்கும் வாய்ப்புள்ளது.  இங்கிலாந்து அணிக்கு சில சாதகமான சூழல் இருக்கிறது. ஆஸ்திரேலிய அணியைப் பொறுத்தவரை ஸ்மித், வார்னர் திரும்பியிருப்பது அணிக்குக் கூடுதல் பலம். உலகக் கோப்பை வெல்வதற்காக நாங்கள் கடுமையாகப் போராடுவோம்’ என ரிக்கி  பான்டிங் பேசியுள்ளார்.

பாகிஸ்தானின் அதிரடி பேட்ஸ்மேன் ஆசிஃப் அலி தற்போது இங்கிலாந்து நாட்டில் விளையாடி வருகிறார். இவரது 2 வயது மகள் புற்றுநோயால் பாதிக்கப்பட்டு அமெரிக்காவில் சிகிச்சை பெற்று வந்தார். இந்நிலையில் நேற்று சிகிச்சை பலனளிக்காமல் மரணமடைந்தார். இதனைத் தொடர்ந்து அலி உடனடியாக இங்கிலாந்தில் இருந்து அமெரிக்க புறப்பட்டார்!

ஆஸ்திரேலிய அணியின் பயிற்சியாளர் ஜஸ்டின் லாங்கர், ``கடந்த வாரம் பிரிஸ்பேனில் ஸ்மித் சிறப்பாக விளையாடினார். அவரது ஷட்டுகள் நம்ப முடியாதபடியாக இருந்தது. எனக்கு சச்சின் டெண்டுல்கர் பேட் செய்வதை பார்ப்பதுபோல் இருந்தது. ஸ்மித் சிறப்பான ஃபார்மில் இருக்கிறார்” என்றார். 

‘இந்திய வீரர்கள் தென்னாப்பிரிக்காவில் வந்து விளையாடினர். அது அவர்களுக்கு அற்புதமான தொடராக அமைந்தது.  அதனால் அவர்களுக்குத் தக்க பதிலடி கொடுக்க வேண்டும் என நினைத்துக் கொண்டிருக்கிறேன். இந்திய அணியுடனான போட்டியை எதிர்நோக்கிக் காத்திருக்கிறேன்’ என தென்னாப்பிரிக்காவின் இளம் பந்துவீச்சாளர் லுங்கி எங்கி தெரிவித்துள்ளார்.

 ‘என்னுடைய அனுபவத்தின் படி கண்டிப்பாக இந்த முறை ஹை ஸ்கோரிங் உலகக்கோப்பையாக இருக்கும். இதுபோன்ற நேரங்களில் மிடில் ஓவரில் பந்துவீச்சாளர்கள் விக்கெட் எடுப்பது முக்கியமானதாகும்.ஒரு நாள் போட்டி  தரவரிசையில் நாம் இரண்டாவது இடத்தில் இருப்பதற்கு அதுவே காரணம்’ என ராகுல் டிராவிட் தெரிவித்துள்ளார்.

`தோனி தொடக்கத்தில் இருந்து அடித்து ஆடும்போது, அவர் தனது பெஸ்ட்டை வழங்கியுள்ளார். அணி நிர்வாகம் தோனியை அவர் வழியில் விளையாட அனுமதிக்க வேண்டும். அவர்களுக்கு நிபந்தனைகள் விதிக்கக் கூடாது. அவரது வலைப் பயிற்சியை நான் பார்த்திருக்கிறேன். இன்னமும் அவரால் பிரமாண்ட சிக்ஸர்களை பறக்கவிட முடியும்' என ஹர்பஜன் சி பேசியுள்ளார். 

கோவையில், சர்வதேச கிரிக்கெட் மைதானம் அமைக்கும் பணிகள் நிறைவடையும் நிலையில் இருக்கிறது. உலகக்கோப்பைக்குப் பிறகு இந்த மைதானத்தில் போட்டிகள் நடத்தத் திட்டமிட்டுள்ளோம். ரஞ்சி டிராஃபி, டி.என்.பி.எல் போட்டிகள் நடப்பது உறுதி. அதேபோல, ஐ.பி.எல் போட்டிகள் நடப்பதற்கும் வாய்ப்பு உள்ளது என சங்க நிர்வாகிகள் கூறியுள்ளனர்.

4 -வது இடத்துக்கு ராகுல் பொருத்தமான வீரராக இருப்பார். 4 -வது இடத்தில் ஸ்பெஷலிஸ்ட் பேட்ஸ்மேன் தேவை. ராகுல் டெக்னிக்கலாக ஸ்ட்ராங்கான வீரர். தேவைப்பட்டால் சில போட்டிகளில் அவர் ஓப்பனிங்கூட இறங்கலாம். அவர் ப்ளேயிங் லெவனில் இருக்க வேண்டும் என இந்திய அணி தேர்வுக் குழுவின் முன்னாள் தலைவர் திலிப் வெங்சர்க்கார் கூறியுள்ளார்.