Sports


U19 உலகக்கோப்பை கிரிக்கெட் போட்டியில் நியூசிலாந்து அணியை வீழ்த்திய இந்திய அணி காலிறுதிக்கு தகுதி பெற்றுள்ளது. தென்னாப்பிரிக்காவில் நடந்து வரும் இந்த தொடரில் இன்று இந்தியா நியூசிலாந்து அணியை எதிர்கொண்டது.  டக்வொர்த் முறைப்படி இந்திய அணி 44 ரன்கள் வித்தியாசத்தில் வெற்றிபெற்று காலிறுதிக்கு முன்னேறியது.

15 வயதான அமெரிக்க வீராங்கனை கோகோ காஃப் மூன்றாவது சுற்றில் ஆஸ்திரேலிய ஓபன் நடப்பு சாம்பியனான நவோமி ஒசாகாவை வீழ்த்தி அதிர வைத்துள்ளார். 6-3, 6-4 என்ற செட் கணக்கில் வெற்றி பெற்று நான்காவது சுற்றில் முன்னேறினார் காஃப்.  ஆண்கள் ஒற்றையர் பிரிவில், நோவக் ஜோகோவிச் மற்றும் ரோஜர் பெடரர் ஆகியோர் அடுத்த சுற்றுக்கு முன்னேறியுள்ளனர்.

ஆக்லேண்டில் நடந்த டி20 போட்டியில் இந்திய அணி 6 விக்கெட் வித்தியாசத்தில் அபார வெற்றி பெற்றது. 26 பந்தில் 51 ரன்கள் குவித்து வெற்றிக்கு வித்திட்டார் ஷ்ரேயஸ். கே.எல்.ராகுல் 56 ரன்னும் கோலி 45 ரன்னும் அடித்தனர். 19 ஓவரில் இந்திய அணி 204 ரன்கள் எடுத்து வெற்றி பெற்றது. ஷ்ரேயஸ் அடிக்கும் 2வது அரை சதம் இதுவாகும்.

ஆக்லேண்டில் நடந்து வரும் நியூசிலாந்து அணிக்கு எதிரான டி20 போட்டியில் இந்திய வீரர் கே.எல்.ராகுல் 23 பந்தில் 54 ரன்கள் விளாசினார். இவர் 4 பவுண்டரி, 3 சிக்சர்களை விளாசி தள்ளினார்.  தனது 10வது அரை சதத்தை நிறைவு செய்தார் ராகுல். மறுமுனையில் விளையாடி வரும் கோலி 26 பந்தில் 40 ரன்கள் எடுத்துள்ளார். முதலில் விளையாடிய நியூசிலாந்து அணி 203 ரன்கள் குவித்தது.

நியூசிலாந்துக்கு எதிரான டி20 தொடரில் டாஸ் வென்ற இந்திய அணி முதலில் பௌலிங்கை தேர்வு செய்தது. முதலில் களமிறங்கிய நியூசிலாந்து 5 விக்கெட் இழப்புக்கு 203 ரன்கள் எடுத்தது. ஆரம்பம் முதலே அதிரடியாக ஆடிய அந்த அணியில் முன்ரோ, கேப்டன் வில்லியம்சன், டெய்லர் ஆகியோர் அரை சதம் அடித்தனர். நியூசிலாந்தை இந்திய பௌலர்கள் கட்டுப்படுத்த தவறினர்.

நியூசிலாந்து அணிக்கு எதிராக ஆக்லாண்டில் நடக்க இருக்கும் டி20 போட்டியில் இந்திய அணி டாஸ் வென்று முதலில் பந்துவீச்சை தேர்வு செய்துள்ளது. கோலி தலைமையில் களமிறங்கியுள்ள இந்திய அணியில் ரிஷப் பன்ட், வாஷிங்டன் சுந்தர் இடம் பெறவில்லை. அவர்களுக்கு பதிலாக ஷிவம் துபே, ஷகால் அணியில் இடம் பெற்றுள்ளனர். ஆஸ்திரேலியாவுக்கு எதிரான ஒருநாள் கிரிக்கெட் தொடரை இந்திய அணி கைப்பற்றியது குறிப்பிடத்தக்கது.

இந்திய ரசிகர்கள் சிலர் பந்தை சேதப்படுத்தியது தொடர்பாக ஸ்மித்தை விமர்சித்தனர். இதற்கு, கோலி தன் எதிர்ப்புகளை தெரிவித்தார். இதைக் குறிப்பிட்டுப் பேசிய ஸ்மித், `உலகக் கோப்பையில் விராட் கோலி செய்தது மிகவும் மகிழ்ச்சியாக இருந்தது. அதைச் செய்ய வேண்டுமென்று அவருக்கு அவசியமில்லை. இருந்தும் செய்தார்” என நெகிழ்ந்து கூறினார்.

`ஆஸ்திரேலிய அணிக்கு தேவை எல்லாம் நம் இருவரின் விக்கெட்டுகள்தான். நாம் இருவரும் விக்கெட்டை இழக்காமல் பார்ட்னர்ஷிப் உருவாக்கினால், இறுதியில் ஓவருக்கு 7-8 ரன்கள் தேவைப்பட்டாலும் எளிதாக எடுத்துவிடலாம்’ என நானும் ரோஹித்தும் பேசிக்கொண்டிருந்தோம்’ என்று விராட் கோலி தெரிவித்துள்ளார்.

` தோனி நிச்சயம் விளையாடுவார். அந்த உறுதியை நான் உங்களுக்கு அளிக்கிறேன். இந்த ஆண்டு நிச்சயம் ஐபிஎல் தொடரில் அவர் கலந்துகொள்வார். இந்திய அணிக்காக அவர் விளையாடினாலும் இல்லாவிட்டாலும் நிச்சயம் சி.எஸ்.கேவில் இடம்பிடிப்பார் என்று  சி.எஸ்.கே உரிமையாளர் சீனிவாசன் தெரிவித்தார்.

இந்தியா - ஆஸ்திரேலியா அணிகளுக்கு இடையேயான 3-வது ஒருநாள் கிரிக்கெட் போட்டி பெங்களூரு சின்னசாமி ஸ்டேடியத்தில் நடந்து வருகிறது. இந்தப்போட்டியில் முதலில் பேட் செய்த ஆஸ்திரேலியா அணி நிர்ணயிக்கப்பட்ட 50 ஓவர்கள் முடிவில்  9 விக்கெட் இழப்புக்கு 286 ரன்கள் எடுத்தது. இந்தியா தரப்பில் ஷமி 4 விக்கெட்டுகளை கைப்பற்றினார்.

இந்தியா - ஆஸ்திரேலியா அணிகளுக்கு இடையேயான மூன்றாவது ஒருநாள் கிரிக்கெட் போட்டி பெங்களூரு சின்னசாமி ஸ்டேடியத்தில் நடந்து வருகிறது. இதில் டாஸ் வென்ற ஆஸ்திரேலிய அணி பேட்டிங் செய்து வருகிறது.டேவிட் வார்னர் - ஆரோன் பின்ச் ஏமாற்றம் அளிக்க தொடர்ந்து சிறப்பான ஆட்டத்தை வெளிப்படுத்திய ஸ்டீவ் ஸ்மித் சதம் அடித்து அசத்தினார். ஒருநாள் போட்டியில் ஸ்மித்தின் 9-வது சதமாக இது பதிவானது

 

`வங்கதேசத்துக்காக விளையாடுவதைத் தவிர்ப்பதைவிட மிகப்பெரிய பாவம் எதுவுமில்லை. போட்டிகள் முழுவதுமாக பாகிஸ்தானில் நடைபெறும் என்பதால் பாகிஸ்தான் கிரிக்கெட் லீக்கில் விளையாட கிடைத்த வாய்ப்பை மறுத்தேன். வாழ்க்கையைவிட கிரிக்கெட் பெரியதல்ல' என்று கூறி பாகிஸ்தான் தொடரில் இருந்து விலகுவதாக முஷ்பிகுர் ரஹிம் கூறியுள்ளார்.

ஹோபர்ட் சர்வதேச டென்னிஸில் சானியா மிர்சா- உக்ரைனின் நாடியா ஜோடி சாம்பியன் பட்டம் வென்றது. மகளிர் பிரிவு இறுதிப்போட்டியில் சீனாவின் சாங் சுவாய்- பெங்க் சுவாய் ஜோடியை 6-4, 6-4 என்ற நேர்செட்கணக்கில் வீழ்த்தி சாம்பியன் பட்டத்தை வென்றது. 2 ஆண்டுகளுக்கு பிறகு டென்னிஸ் களத்துக்கு திரும்பிய சானியா முதல் தொடரிலேயே பட்டம் வென்று அசத்தியுள்ளார்.

ஆஸ்திரேலிய அணி இந்தியாவில் சுற்றுப் பயணம் மேற்கொண்டு 3 ஒருநாள் போட்டிகள் கொண்ட கிரிக்கெட் தொடரில் விளையாடி வருகிறது. நேற்று நடைபெற்ற இரண்டாவது போட்டியில், முதலில் ஆடிய இந்திய அணி 340 ரன்கள் சேர்ந்தது.  இறுதியில் இந்திய அணியிடம் 36 ரன்கள் வித்தியாசத்தில் வீழ்ந்தது ஆஸ்திரேலியா. 

ராஜ்கோட்டில் நடந்து வரும் 2வது ஒருநாள் கிரிக்கெட் போட்டியில் இந்திய அணி 341 ரன்கள் வெற்றி இலக்காக ஆஸ்திரேலியா அணிக்கு நிர்ணயித்துள்ளது. தவான் 96 ரன்னிலும் கேப்டன் கோலி 78  ரன்னிலும் ஆட்டம் இழந்தனர். சுழல்பந்து வீச்சாளர் ஜம்பா 3 விக்கெட்டுகளை கைப்பற்றினார். கடைசி நேரத்தில் அதிரடியாக விளையாடிய ராகுல் 52 பந்தில் 80 ரன்கள் எடுத்தார். முடிவில் இந்திய அணி 6 விக்கெட்டுகளை இழந்து 340 ரன்கள் எடுத்தது.

 

பிசிசிஐ  வெளியிட்டுள்ள வருடாந்தர ஒப்பந்தப் பட்டியலில் தோனியின் பெயர் இல்லாததால் ரசிகர்கள் கடும் அதிர்ச்சியடைந்தனர். இது குறித்து சுழற்பந்துவீச்சாளர் ஹர்பஜன் சிங், ``ஓய்வு குறித்து அறிவிக்கும் முன்பே தோனி தனது கடைசி ஆட்டத்தில் விளையாடிவிட்டார் என்பது உறுதி. தோனியைப் பற்றி எனக்குத் தெரிந்தவரை அவருக்கு இந்த வருடம் சிறந்த ஐபிஎல்-லாக இருக்கிறது. எனினும், மீண்டும் இந்தியாவுக்காக தோனி விளையாட மாட்டார்" என்று கூறியுள்ளார்.

ராஜ்கோட்டில் நடந்து வரும் ஆஸ்திரேலியா அணிக்கு எதிரான 2வது ஒருநாள் போட்டியில் அதிரடியாக விளையாடி வந்த தவான் சதம் அடிப்பார் என்று எதிர்பார்க்கப்பட்ட நிலையில் 96 ரன்னில் ஆட்டம் இழந்தார். இவரது விக்கெட்டை ரிச்சர்ட்சன் கைப்பற்றினார். கேப்டன் கோலி 35 ரன்னுடன் களத்தில் உள்ளார். இந்திய அணி 29 ஓவரில் 2 விக்கெட்டுகளை இழந்து 185 ரன்கள் எடுத்துள்ளது.

ஆஸ்திரேலியாவுக்கு எதிரான 2வது ஒருநாள் கிரிக்கெட் போட்டியில் இந்திய அணி முதலில் பேட்டிங் செய்கிறது. டாஸ் வென்ற ஆஸ்திரேலியா அணி முதலில் பந்துவீச்சை தேர்வு செய்துள்ளது. ராஜ்கோட்டில் நடக்கும் இந்த போட்டியில் வெற்றி பெறும் முனைப்பில் இந்திய வீரர்கள் உள்ளனர். முதல் போட்டியில் ஆஸ்திரேலியா அணி வெற்றி பெற்றது.

சர்வதேச ஹோபர்ட் டென்னிஸ் போட்டியில் இந்தியாவின் சானியா மிர்சா- உக்ரைனின் நாடியா ஜோடி இறுதிப்போட்டிக்கு முன்னேறியது. 7-6, 6-2 என்ற செட் கணக்கில் ஸிடான்செக்- பவுஸ்கோவா ஜாேடியை சானியா மிர்சா ஜோடி வீழ்த்தியது. 

ஐசிசி உலகக்கோப்பையில் வங்கதேசத்துக்கு எதிரான போட்டியில் ஒரேநாளில் சமூகவலைத்தளத்தில் நட்சத்திரமாக உலா வந்த இந்திய அணியின் சூப்பர் ரசிகையான 87 வயது சாருலதா படேல் காலமானார். இந்திய அணியின் கேப்டன் விராட் கோலி, துணைக் கேப்டன் ரோஹித் சர்மாவைச் சந்தித்தையடுத்து சமூகவலைத்தளங்களில் சாருலதா பாட்டியின் வீடியோக்கள் வைரலானது வரலாறு. ஆனால் இன்று அந்த சாருலதா பாட்டி நம்மிடையே இல்லை.

2018-ம் ஆண்டு மே மாதத்தில் சர்வதேசப் போட்டியிலிருந்து ஓய்வு பெறுவதாக அறிவித்தார் டிவில்லியர்ஸ். ``தற்போது தென்னாப்பிரிக்கா அணியில் நிலவி வரும் சூழலைப் பார்த்தால் டி20 உலக கோப்பையில் விளையாட ஆர்வம் ஏற்பட்டுள்ளது. இது உண்மையாவதற்கு முன் நிறைய விஷயங்கள் நடைபெற வேண்டும்” என்று கூறியுள்ளார். 

இந்திய அணிக்கெதிரான முதல் ஒருநாள் போட்டியில் ஆஸ்திரேலிய அணி 10 விக்கெட்டுகள் வித்தியாசத்தில் அபார வெற்றிபெற்றது. இந்திய அணி நிர்ணயித்த 256 ரன்கள் இலக்கை ஆஸ்திரேலிய அணி, 37.4 ஓவர்களில் விக்கெட் இழப்பின்றி எட்டியது. தொடக்க வீரர்களான வார்னர் 128 ரன்களும் ஆரோன் பின்ச் 110 ரன்களும் எடுத்து ஆட்டமிழக்காமல் இருந்தனர். 

 

மும்பையில் நடந்து வரும் முதல் ஒருநாள் கிரிக்கெட் போட்டியில் ஆஸ்திரேலியா அணிக்கு வெற்றி இலக்காக  256 ரன்களை நிர்ணயித்துள்ளது இந்தியா. 49.1 ஓவரில் இந்தியா ஆல் அவுட்டானது. ரோகித், கோலி சொதப்பிய நிலையில் நிலையில் தவான் 74 ரன்னும், ராகுலும் 47 ரன்னும் எடுத்தனர். மற்ற வீரர்கள் குறிப்பிடத்தக்க வகையில் விளையாடவில்லை. ஆஸ்திரேலியா வீரர் ஸ்டார்க் 3 விக்கெட்டுகளை கைப்பற்றினார். 

மும்பை வான்கடே மைதானத்தில் ஆஸ்திரேலியா- இந்திய அணிகள் மோதும் முதல் ஒருநாள் கிரிக்கெட் போட்டி தொடங்க உள்ளது. டாஸ் வென்ற ஆஸ்திரேலியா அணி முதலில் பந்துவீச்சை தேர்வு செய்துள்ளது. இலங்கைக்கு எதிராக டி20 போட்டித் தொடரில் களமிறங்காத ரோகித் இந்த தொடரில் களமிறங்கியுள்ளார். இந்தாண்டில் இந்திய அணி விளையாடும் முதல் போட்டி என்பதால் ரசிகர்கள் மத்தியில் வெற்றி ஆர்வம் அதிகரித்துள்ளது. 

 ``மாற்றங்களை நான் எப்போதும் வரவேற்பவன். ஆனால் 5 நாள் டெஸ்ட் கிரிக்கெட் என்பது ரொமான்ஸ். ஜெர்ஸியில் பெயர் பதிப்பது டெஸ்ட் கிரிக்கெட்டில் பிங்க் நிறப் பந்துகளைப் பயன்படுத்துவது சிறப்பானது. 143 ஆண்டுக்கால டெஸ்ட் கிரிக்கெட் திடமாகத்தான் இருக்கிறது. அதற்கு ஆன்மா இருக்கிறது. அதைக் கலைக்கக் கூடாது” என வீரேந்திர சேவாக் தெரிவித்துள்ளார்.