Technology


ஷாவ்மி நிறுவனம் சமீபத்தில்தான் அதன் Mi Box 4K சாதனத்தை அறிமுகப்படுத்தியிருந்தது. எந்த டிவியையும் ஆண்ட்ராய்டு டிவியாக மாற்றும் இந்தச் சாதனம் 3,499 ரூபாய்க்கு விற்பனைக்கு வந்தது. இப்போது இதன் தொடர்ச்சியாகப் புதிய Mi Tv Stick சாதனத்தையும் அறிமுகப்படுத்தியுள்ளது ஷாவ்மி. கிட்டத்தட்ட Mi Box 4K-ல் இருக்கும் அம்சங்கள் அனைத்தும் இதிலும் இருக்கிறது. 

உலகின் பத்தில் எட்டு போன்கள் இன்று ஆண்ட்ராய்டில்தான் இயங்குகின்றன. ஐஸ்கிரீம், ஜெல்லி பீன், ஓரியோ என ஒவ்வொரு வெர்ஷனுக்கும் உணவுப்பொருள்களின் பெயர்களைச் சூட்டிவந்த கூகுள், கடந்த வருடம் இந்த டிரெண்டை உடைத்து ‘ஆண்ட்ராய்டு 10’ என்ற பெயரே வைத்தது. வெளியில் இப்படி என்றாலும், உள்ளே இன்னும் உணவுப்பெயர்கள் வைத்து அதைக் குறிப்பிட்டுதான் வேலை பார்த்துக்கொண்டிருக்கிறதாம் ஆண்ட்ராய்டு டீம். அப்படி தற்போதைய ‘ஆண்ட்ராய்டு 11’-ன் பெயர் ‘ரெட் வெல்வெட் கேக்’. 

இரண்டு மாதங்களுக்கு முன் வெளியான விவோ V19 ஸ்மார்ட்போனின் விலையைக் குறைந்திருக்கிறது அந்த நிறுவனம். தொடரும் சீன எதிர்ப்பு மனநிலை, மிட்ரேஞ்ச் ஏரியாவில் ஒன்ப்ளஸ் என்ட்ரி என இதற்குப் பல காரணங்கள் இருக்கலாம் எனத் தெரிவிக்கின்றன டெக் வட்டாரங்கள்.

இந்த வருடத்தின் மிகவும் எதிர்பார்க்கப்பட்ட ஸ்மார்ட்போன்களில் ஒன்றான ஒன்ப்ளஸ் நார்டு சில நிமிடங்களுக்கு முன் அறிமுகம் செய்யப்பட்டது. பல வசதிகளை கொண்டிருக்கும் இந்த போன் 24,999 ரூபாய் முதல் கிடைக்கிறது. இத்துடன் TWS இயர்போன்ஸான ஒன்ப்ளஸ் பட்ஸும் அறிமுகமானது. அதன் விலை 4,990 ரூபாய். 

'ரிலையன்ஸ் ஜியோ நிறுவனத்தின் ஆன்லைன் வர்த்தக தளமான `ஜியோ மார்ட்', தற்போது இந்தியாவில் 200-க்கும் மேற்பட்ட நகரங்களில் பயன்பாட்டுக்கு வந்துள்ளது. இதற்கு முன்னர் கடந்த ஏப்ரல் மாதம் இதன் சேவையானது சோதனை ஓட்டமாக நவி மும்பை, தானே, கல்யாண் ஆகிய நகரங்களில் தொடங்கப்பட்டிருந்தது. தற்போது ஜியோ மார்ட் சேவையானது அனைத்து மெட்ரோ நகரங்களிலும் கிடைக்கும். கூடுதலாக ஒவ்வொரு மாநிலத்திலும் பல முக்கிய நகரங்களிலும் இந்தச் சேவையை வழங்கி வருகிறது.

பொழுதுபோக்கு துறையில் உச்சத்துக்கு எகிறியுள்ளது நெட்ஃப்ளிக்ஸ் நிறுவனம். ஊரடங்கு காரணமாக அனைத்து துறைகளும் முடங்கியதும் தொலைக்காட்சிகள் புதிய நிகழ்ச்சிகளைத் தயாரிக்க இயலாமலும் திரையரங்குகள் திறக்கப்படாமல் இருப்பதும் ஒரு புறம் இருக்க, மறுபுறம் ஓடிடி நிறுவனங்கள் மட்டும் கோட்டை கட்டிக்கொண்டு இருந்தன. அதில் நெட்ஃப்ளிக்ஸ் நிறுவனம் மாஸ் காட்டுகிறது. ஊரடங்கு நேரத்தில் மட்டும் ஒரு கோடிக்கும் அதிகமான சந்தாதாரர்களைச் சேர்த்துள்ளது நெட்ஃப்ளிக்ஸ். 

பிரபல சமூக வலைதளமான ட்விட்டரில் மிகப்பெரிய ஹேக்கிங் சம்பவம் நிகழ்ந்துள்ளது. உலகின் மிக முக்கிய புள்ளிகளின் ட்விட்டர் கணக்குகள் ஹேக் செய்யப்பட்டு  பிட்காயின் கேட்டு பதிவுகளிடப்பட்டுள்ளன. முன்னாள் அமெரிக்க அதிபர் பராக் ஒபாமா, வாரன் பஃபெட், பில் கேட்ஸ், எலான் மஸ்க் உட்பட பல பிரபலங்களின் கணக்குகள் இதில் அடங்கும். இது அல்லாமல் உபேர், ஆப்பிள் போன்ற நிறுவனங்களின் அதிகாரப்பூர்வ பக்கங்களும் ஹேக் செய்யப்பட்டிருக்கின்றன.

ஸ்மார்ட்போன் டிஸ்ப்ளேக்கள் தயாரிப்பதில் முன்னோடி நிறுவனமாகப் பல காலமாக இருந்துவருகிறது சாம்சங். உலகின் முன்னணி நிறுவனங்கள் பலவும் சாம்சங்கின் டிஸ்ப்ளேவையே அதன் போன்களில் பயன்படுத்துகின்றன. இந்நிலையில் எதிர்பார்க்கப்பட்ட எண்ணிக்கையை விடக் குறைவான OLED டிஸ்ப்ளே பேனல்களை மட்டுமே வாங்கியதால், ஆப்பிள் நிறுவனத்திடமிருந்து 950 மில்லியன் டாலர் வரை சாம்சங் நிறுவனம் அபராதம் வசூலித்துள்ளதாக தெரியவந்துள்ளது.

இந்த வருடம் பெரிதும் எதிர்பார்க்கப்படும் போன்களில் ஒன்றான ஒன்ப்ளஸ் நார்டு இந்த மாதம் 21-ம் தேதி இந்தியாவில் அறிமுகமாகும் என அறிவிக்கப்பட்டிருந்தது. தொடர்ந்து விலையுயர்ந்த ப்ரீமியம் செக்மென்டில் கவனம் செலுத்திவரும் ஒன்ப்ளஸ் மீண்டும் மிட் ரேஞ்ச் சந்தையில் 'நார்டு' மூலம் களம்காணவுள்ளது. இதனுடன் ஒன்ப்ளஸின் முதல் TWS இயர்போன்களான ஒன்ப்ளஸ் பட்ஸும் அறிமுகப்படுத்தப்படும் என அறிவிக்கிப்பட்டிருக்கிறது.

கூகுள் மேப் வசதி வந்த பின்னர், ஊர் பெயர் அறிந்திராத பகுதிகளுக்கு கூட அசால்டாகச் சென்று வர முடிகிறது.ன்களில் இருக்கும் கூகுள் மேப் செயலி மூலம் குறிப்பிட இருப்பதாகத் தகவல் வெளியாகியுள்ளது. இதுவரை கூகுள் தரப்பில் இருந்து இது தொடர்பான அதிகாரபூர்வ அறிவிப்புகள் வெளியாகவில்லை.

சிறப்பு ஃபிளாஷ் சேல்களில் விற்கப்பட்டுவரும் ரெட்மி நோட் 9 ப்ரோ மேக்ஸ் நேற்றும் விற்பனைக்கு வந்தது. இந்தியாவில் நிலவும் சீன எதிர்ப்பு மனநிலையால் சீன நிறுவனங்கள் பாதிக்கப்படும் என எதிர்பார்க்கப்பட்டது. ஆனால், நேற்றைய விற்பனைக்கு பிறகு ஷாவ்மி நிறுவனத்தின் இந்திய நிர்வாக இயக்குநர் மனுகுமார் ஜெயின்,  `1 நிமிடத்திற்குள் அனைத்தும் விற்றுத்தீர்ந்துவிட்டன’ என ட்விட்டரில் தெரிவித்திருக்கிறார்.

ஆப்பிளின் அடுத்த ஐபோனுடன் சார்ஜர் கொடுக்கப்படாது என்ற தகவல்கள் சில நாட்களுக்கு முன் வெளியாகியிருந்தன. ஆப்பிள் இப்படியான விஷயங்களைச் செய்வது வழக்கம்தானே என்று மக்கள் நினைத்திருக்க அடுத்து சாம்சங்கும் இந்த முடிவை எடுத்திருக்கிறதாம். ஏற்கெனவே மக்கள் அனைவரிடமும் சார்ஜர்கள் இருக்கிறது, இதன்மூலம் மொபைலின் விலையைக் குறைக்கமுடியும் என நம்புகிறதாம் சாம்சங்.

முகேஷ் அம்பானியின் ஜியோ நிறுவனம் அதன் டிஜிட்டல் பாய்ச்சலின் அடுத்த முயற்சியாக 'Jio Meet' என்னும் வீடியோ கான்ஃபரன்சிங் சேவையை அதிகாரபூர்வமாக சமீபத்தில் வெளியிட்டது. முற்றிலும் இந்தியத் தொழில்நுட்பத்தில் தயாராகியுள்ள இந்தச் செயலி நெட்டிசன்களின் கேலிக்கு ஆளாகியுள்ளது. காரணம் இதன் வடிவமைப்பு அப்படியே ஜூம் போன்றே இருப்பதுதான். ஜியோ தரப்பு இதுகுறித்து எந்த விளக்கமும் இதுவரை அளிக்கவில்லை.

பஞ்சாப்பை சேர்ந்த 17 வயது சிறுவன் ஒருவன், Pubg விளையாட்டில் பல in-app பர்சேஸ்களை செய்துள்ளான். இந்த சேவையை தன் நண்பர்களுக்கும் செய்து கொடுத்துள்ளான். பணத்திற்கு தன் தாய் தந்தை கணக்கைப் பயன்படுத்தியிருக்கிறான். அவனது பெற்றோர், இதுவரை 16 லட்சம் ரூபாய் வரை பணத்தைச் செலவு செய்துள்ளான் என்ற விஷயத்தை அறிந்து அதிர்ந்துள்ளனர். தற்போது அந்த சிறுவனை ஸ்கூட்டர் ரிப்பேர் செய்யும் கடையில் வேலை செய்ய வைத்திருக்கிறார் அவனுடைய அப்பா.

ஜியோவின் டிஜிட்டல் பாய்ச்சலின் அடுத்த முயற்சியாக வீடியோ கான்பரன்சிங் சேவையான 'Jio Meet' பயன்பாட்டுக்கு வந்திருக்கிறது. 'ஜியோ மீட்' ஆப்பை கூகுள் ப்ளே ஸ்டோர், ஆப்பிளின் ஆப் ஸ்டோர் மற்றும் விண்டோஸ் ஸ்டோர்களில் தரவிறக்கம் செய்து பயன்படுத்தலாம். வெப் பிரவுசர்கள் வழியாகவும் 'Jio Meet' சேவையை பயன்படுத்த முடியும். செயல்பாட்டில் மட்டுமல்ல பார்க்கவும் அப்படியே ஜூம் போலவே இருக்கிறது 'Jio Meet'.

டிக் டாக் உட்பட 59 சீன ஆப்களை இந்திய அரசு தடை விதித்த நிலையில், டிக் டாக் போன்றே கிட்டத்தட்ட அதே செயல்பாட்டுடன் உள்ள இந்திய ஆப்களுக்கு நல்ல ஜாக்பாட் அடித்திருக்கிறது. அப்படியான ஆப்பான `சிங்காரி' (Chingari) கூகுள் பிளே ஸ்டோரில் 1 கோடிக்கும் அதிகமான டவுன்லோடுகளைக் கண்டிருக்கிறது.

ஸ்மார்ட்போன் பிராண்ட்டான ஒன்ப்ளஸ் கடந்த வருடம் டிவி சந்தையிலும் அதன் Q1 சீரிஸ் ஸ்மார்ட் டிவிகள் மூலம் களம்கண்டது. ஆனால் அவற்றின் விலை சற்றே அதிகமாக இருப்பதாக பலரும் கருதிய நிலையில்  பட்ஜெட் செக்மென்ட் டிவிகளை அறிமுகப்படுத்தியிருக்கிறது ஒன்ப்ளஸ். Y சீரிஸ் டிவிகள் 32,43 இன்ச் என இரண்டு அளவுகளில் வருகின்றன. விலை 12,999 மற்றும் 22,999 ரூபாய். இத்துடன் U1 சீரிஸில் ரூ  49,999 -ல்   55 இன்ச் டிவி ஒன்றும் அறிமுகமாகியிருக்கிறது. 

அடுத்த சில வாரங்களில் வாட்ஸ்அப்பில் சில புதிய அம்சங்கள் அறிமுகமாகவுள்ளன. QR கோடு கொண்டு கான்டக்ட்டை ஸ்கேன் செய்து சேவ் செய்துகொள்வது, அனிமேடட் ஸ்டிக்கர்ஸ் அனுப்புவது, வாட்ஸ்அப் வெப்பில் டார்க் மோடு என முக்கிய புதுமைகளை காணப்போகிறது வாட்ஸ்அப். இந்த வசதிகள் இப்போதே வாட்ஸ்அப்பின் பீட்டா வெர்ஷன்களில் கிடைக்கத்தொடங்கியுள்ளன. 

ட்டிக் டாக்-ன் இந்திய தலைவர் நிகில் காந்தி, `இந்தியாவில் தற்போது நடைமுறையில் இருக்கும் அனைத்து டேட்டா பிரைவசி மற்றும் பாதுகாப்பு சட்டங்களையும் சரிவர பின்பற்றி வருகிறோம். இதுவரை இந்திய பயனர்களை தகவல்களை சீனா உட்பட எந்த அரசிடமும் நாங்கள் பகிரவில்லை.  நிர்பந்திக்கபட்டாலும் அதை நாங்கள் செய்யமாட்டோம். பயனர்களின் பிரைவசியை பாதுகாப்பதற்கே எங்களது அதிகபட்ச முன்னுரிமை" என்று தெரிவித்திருக்கிறார். 

டிக்டாக், ஹலோ உள்ளிட்ட சீனப் பின்னணியைக்கொண்ட 59 செல்போன் செயலிகளுக்கு மத்திய அரசு தடை விதித்து உத்தரவிட்டிருக்கிறது. இதுதொடர்பாக மத்திய அரசு, `இந்திய இறையாண்மை மற்றும் ஒருமைப்பாடு, பாதுகாப்பு, நாடு மற்றும் பொதுமக்களின் பாதுகாப்புக் கருதி 59 செயலிகளுக்குத் தடை விதிக்கப்பட்டிருக்கிறது. இந்த நடவடிக்கை, இந்திய செல்போன் பயனாளர்களின் தனிப்பட்ட தகவல் பாதுகாப்பை உறுதி செய்யும்’ என்று குறிப்பிடப்பட்டிருக்கிறது.

ரியல்மீ நிறுவனம் அதன் புதிய X3 சீரிஸ் ஸ்மார்ட்போன்களையும் X3, பட்ஜெட் TWS இயர்போன்களான ரியல்மி பட்ஸ் Q-வும் அறிமுகமாகியிருக்கிறது. ஐரோப்பாவில் ஏற்கெனவே வெளியான மாடல்தான் ரியல்மீ X3 சூப்பர் ஜூம். ஆனால் இந்த ரியல்மீ X3 இப்போதுதான், இந்தியாவில் அறிமுகம் செய்யப்படுகிறது.  ரியல்மீ X3 சூப்பர் ஜூம் மாடலில் மட்டும் 8 MP பெரிஸ்கோப் லென்ஸ் கொடுத்திருக்கிறார்கள். இதைக்கொண்டு நல்ல வான்வெளி புகைப்படங்களை எடுக்கமுடியுமாம்.

இந்திய மொபைல் போன் சந்தையில் சீன நிறுவனங்களின் ஆதிக்கம் மேலோங்கி இருக்கிறது. இந்தியர்களின் கையில் தவழும் 3-ல் இரண்டு ஸ்மார்ட்போன்கள் சீன தயாரிப்பு என்ற நிலையே இருக்கிறது. இந்த நிலையில், பட்ஜெட் செக்மென்டைக் குறிவைத்து 3 புதிய ஸ்மார்ட்போன்களை இந்திய மொபைல் போன் தயாரிப்பு நிறுவனமான மைக்ரோமேக்ஸ் அறிமுகப்படுத்தத் திட்டமிட்டிருக்கிறது.

டிக்டாக் செயலிக்கு மாற்றாகப் புதிய திட்டத்துடன் இந்தியாவின் மிகப்பெரிய பொழுதுபோக்கு நிறுவனமான Zee களமிறங்க உள்ளது. ஜீ நிறுவனத்தின் Zee5 செயலின் அங்கமாக ஜூலை முதல் வாரத்தில் இது வெளியிடப்படும் என நம்பப்படுகிறது. முழுக்க முழுக்க இந்திய பயனாளர்களைக் குறிவைத்து பல்வேறு புதிய அம்சங்களுடன் உருவாக்கப்பட்டுள்ளதாகத் தகவல் வெளியாகியிருக்கிறது.

இந்தியாவில் வரும் ஜூன் 23, நோக்கியா இணையதளத்திலும், அமேசானிலும் மீண்டும்  நோக்கியா 5310 எக்ஸ்பிரஸ் மியூசிக்  விற்பனைக்கு வருகிறது. ஜூலை 22 முதல் கடைகளிலும் இது கிடைக்கத்தொடங்கும் என நோக்கியா தெரிவித்திருக்கிறது. நோக்கியா 5310 எக்ஸ்பிரஸ் மியூசிக்கின் விலை இந்தியாவில் 3,399 ருபாயாக நிர்ணயிக்கப்பட்டுள்ளது. ஏற்கெனவே மார்ச் மாதமே இது ஐரோப்பாவில் அறிமுகப்படுத்தப்பட்டது என்பது குறிப்பிடத்தக்கது.

ஸ்னாப்சாட், இன்ஸ்டாகிராம், வாட்ஸ்அப், யூடியூப்பைத் தொடர்ந்து, ஸ்டோரி ஆப்ஷனை ட்விட்டரும் கொண்டுவந்திருக்கிறது. இதை 'ஃப்ளீட் (Fleet)' என்று அழைக்கிறது ட்விட்டர். இந்த ஸ்டோரி பதிவிடும் வசதியை இப்போது இந்திய ட்விட்டர் பயனாளர்கள் அனைவரும் தங்கள் மொபைல் ஆப்பில் பயன்படுத்தலாம். 

TamilFlashNews.com
Open App