Technology


சமீபத்தில் ஐ போன் அறிமுகம் செய்த  'ஃபேஸ் ரெகக்னிஷன்' வசதியை தனது அடுத்த வெளியீட்டில் மோட்டோரோலா நிறுவனம் அறிமுகம் செய்கிறது. இது மோட்டொரோலாவின் அடுத்த வெளியீடான X5-ல் இருக்கும் என்று எதிர்பார்க்கப்படுகிறது. இது குறித்தான தகவல் இணையத்தில் கசிந்துள்ளது.

 

பிரபல மொபைல் நிறுவனமான மோட்டோரோலாவின் X5 மாடல் போனின் அம்சங்கள் இணையத்தில் லீக்காகியுள்ளது. இதில் ஃபிங்கர் பிரிண்ட் சென்சார்க்கு பதிலாக, ஐ-போனில் அறிமுகம் செய்யப்பட்ட ஃபேஸ் ரிககணேஷன் பயன்படுத்தப்படவுள்ளது. அதே போல ஹோம் பட்டனும் தவிர்க்கப்பட்டுள்ளது.

இஸ்ரோ அண்மையில் பி.எஸ்.எல்.வி சி 40 என்ற ராக்கெட்டை வெற்றிகரமாக விண்ணில் செலுத்தியது. இதில் இஸ்ரோ இந்தியாவின் 100 வது செயற்கைக்கோளை வெற்றிகரமாக அனுப்பி சாதனை படைத்தது. இந்நிலையில் இஸ்ரோ ராக்கெட்டில் இருந்து 31 செயற்கைக்கோள்கள் பிரிந்து செல்லும் வீடியோவை வெளியிட்டுள்ளது. மிஸ் பண்ணாம பாருங்க!

இன்று காலை ஸ்ரீஹரிக்கோட்டாவிலிருந்து பி.எஸ்.எல்.வி சி40 விண்ணில் ஏவப்பட்டது. இதில் `இஸ்ரோ’வால் அனுப்பப்படும் இந்தியாவின் 100 வது செயற்கைக்கோளான கார்டோசாட் 2 விண்ணில் வெற்றிகரமாக நிலைநிறுத்தப்பட்டது. பூமியைத் துல்லியமாகப் படம்பிடித்து அனுப்பும் திறனுடையது இந்த செயற்கைக்கோள். 

இந்தியாவின் 100 வது செயற்கைக்கோளைச் சுமந்துசெல்லும் பி.எஸ்.எல்.வி சி40 ராக்கெட் ஸ்ரீஹரிக்கோட்டாவில் இருந்து வெற்றிகரமாக விண்ணில் செலுத்தப்பட்டது. ராக்கெட் ஏவப்பட்ட  2.21 மணி நேரத்தில், பூமியிலிருந்து, 505 கி.மீ உயரத்தில், புவிவட்ட பாதையில் கார்டோசாட்-2 செயற்கைக்கோள் நிலைநிறுத்தப்படும். இதன் ஆயுள்காலம் 5 ஆண்டுகள்.

இந்தியாவின் 100-வது செயற்கைக்கோளை சுமந்துசெல்லும் பிஎஸ்எல்வி சி-40 ராக்கெட் காலை 9.28 மணிக்கு ஸ்ரீஹரிகோட்டாவில் இருந்து  விண்ணில் ஏவப்படுகிறது. பிஎஸ்எல்வி சி-40 மூலம்  1,323 கிலோ எடை கொண்ட 31 செயற்கைக்கோள்கள் ஏவப்படுகின்றன. இதில் 3 இந்திய செயற்கைகோள்களும், 28 வெளிநாட்டு செயற்கைகோள்களும் உள்ளது.

கறுப்பு வெள்ளையில் தொடங்கிய டி.வி, இன்று எல்இடி வரை வளர்ச்சியடைந்திருக்கிறது. இதுவரை அதிகபட்சமாக 4K தரத்தில் காட்சிகளைத் தரும் வகையில் தயாரிக்கப்பட்டு வந்த நிலையில், உலகின் முதல் 8k OLED  டி.வி-யை அறிமுகப்படுத்தியிருக்கிறது, எல்ஜி. 88-இன்ச் திரையைக் கொண்ட இதன் விலை ரூ 13 லட்சம் என நிர்ணயிக்கப்படலாம் என்று கூறப்படுகிறது.

இப்படத்தில் கீழே படர்ந்திருக்கும் பிரகாசமான நீல நிறப் படலம் பூமி. கறுப்பு நிற திரை விண்வெளி. குட்டி பொம்மை போன்று மிதந்து கொண்டிருப்பவர்  Bruce McCandless.  இக்காட்சி 1984ம் ஆண்டு பதிவானது. எந்த பிடிமானமும் இல்லாமல் சுதந்திரமாக விண்வெளியில் வலம் வந்த முதல் வீரர் புரூஸ். இவர் தனது 80 வயதில் கடந்த 21ம் தேதி காலமானார். 

இந்திய பாதுகாப்பு ஆராய்ச்சி மற்றும் மேம்பாட்டு அமைப்பால் முற்றிலும் உள்நாட்டிலேயே வடிவமைக்கப்பட்ட `ஆகாஷ்’ சூப்பர்சானிக் ஏவுகணை நேற்று வெற்றிகரமாகச் சோதிக்கப்பட்டது. தரையிலிருந்து பாய்ந்து சென்று வானில் உள்ள இலக்கைத் தாக்கவல்ல ஆகாஷ் ஏவுகணை ஒடிசா, சந்திப்பூரில் உள்ள ஒருங்கிணைந்த சோதனை தளத்தில் சோதிக்கப்பட்டது.

201-ம் ஆண்டு உபேர் வாடிக்கையாளர்கள் 5.7 பேரின் தகவல்கள் திருடப்பட்டுள்ளது. உபேர் அதிகாரி ஒருவர் ஹேக்கர்ஸிடம் திருடப்பட்ட தகவல்களை டெலீட் செய்ய 1 லட்சம் டாலர் பேரம் பேசியுள்ளார். உபேர் உயர்மட்டக் குழுவுக்கு இந்த விவகாரம் தற்போது தெரிய வந்ததை தொடர்ந்து தகவல் திருட்டை மூடி மறைத்த அதிகாரியை பணிநீக்கம் செய்துள்ளது.  

இந்திய தொழிற்சங்க தலைவர் அனுசுயா சாராபாய்க்கு சிறப்பு சேர்க்கும் வகையில் இன்று கூகுள் நிறுவனம் தனது முகப்பு பக்கத்தில் டூடுள் வெளியிட்டுள்ளது. 1914ல் ஜவுளித் தொழிலில் ஈடுபட்ட பெண்களுக்கு குறைந்த ஊதியம் கொடுப்பதை எதிர்த்து அனுசுயா சாராபாய்  போராடினார். இதனால் 50 சதவிகிதம் அவர்களுக்கு கூலி உயர்வு கிடைத்தது. 

தமிழக அரசின் இலவச செட்டாப் பாக்ஸ்  இணைப்புக்கு கூடுதல் கட்டணம் வசூலிக்கும் ஆபரேட்டரின் உரிமம் ரத்து செய்யப்படும் என்று தமிழக தொழில்நுட்பத் துறை அமைச்சர் எம்.மணிகண்டன் எச்சரித்துள்ளார். ஆக்டிவேஷன் கட்டணமாக ரூ.200 மட்டும் வாடிக்கையாளர்கள் கொடுத்தால் போதுமானது என்று குறிப்பிட்டுள்ளார்! 

மின்சாரத்தில் இயங்கும் பேருந்துகளை பிரிஹன்மும்பை மின் வினியோகம் மற்றும் போக்குவரத்து துறை மும்பையில் அறிமுகம் செய்துள்ளது. முதற்கட்டமாக நான்கு பேருந்துகள் இயக்கப்படுகிறது. இப்பேருந்துகளின் பேட்டரி முழுமையாக சார்ஜ் செய்யப்பட்டால் குறைந்தப்பட்சம் 200 கிமீ தூரம்வரை இயக்க முடியும்!

 

நிதி நெருக்கடி காரணமாக இந்தியாவில் உள்ள ஏர்செல் நிறுவனங்களை மூடவிருப்பதாக நாடு முழுவதும் நேற்று தகவல் பரவியது. ஆனால், ’ஏர்செல் தமிழகத்தில் இருக்கும். மக்கள் வதந்திகளை நம்ப வேண்டாம். தங்களின் தொடர் ஆதரவுக்கு நன்றி’ என்று வாடிக்கையாளர்களுக்கு ஏர்செல் குறுந்தகவல்கள் அனுப்பி வருகிறது.

செவ்வாய் கிரகத்துக்குச் செல்ல ஒரு லட்சம் இந்தியர்கள் முன்பதிவு செய்துள்ளனர் என நாசா தகவல் வெளியிட்டுள்ளது. வருகிற மே மாதம் 5-ம் தேதி நாசாவிலிருந்து செவ்வாய்க்கு விண்கலம் புறப்படுகிறது. இவர்களுக்கான பயணச்சீட்டு ஆன்லைன் மூலம் அனுப்பப்பட்டுள்ளது என நாசா அறிவிப்பு வெளியிட்டுள்ளது.

நிதி நெருக்கடி காரணமாக இந்தியாவில் உள்ள ஏர்செல் நிறுவனங்களை மூட இருப்பதாகத் தகவல்கள் வெளியாகியுள்ளன. ரிலையன்ஸ் கம்யூனிகேஷன்ஸ் நிறுவனம் பெரும் கடன் சுமையிலிருந்து வெளியே வர பிரபல நிறுவனமான ஏர்செல் நிறுவனத்துடன் இணைவதற்கு முடிவு செய்தது. ஆனால் ஒப்பந்தம் முடிவாகததால் ஏர்செல் இம்முடிவை எடுத்துள்ளது.

இந்தியாவில் வடிவமைக்கப்பட்ட நிர்பாய் ஏவுகணை இன்று பகல் 11.20 மணிக்கு ஒடிசா மாநில கடற்கரை அருகே உள்ள சந்திப்பூரிலிருந்து விண்ணில் வெற்றிகரமாக செலுத்தப்பட்டது. 300 கிலோ வெடிப் பொருள்கள் சுமந்து செல்லும் திறன் கொண்ட இந்த ஏவுகணை இந்தியாவிலேயே முற்றிலும் தயாரிக்கப்பட்ட ஏவுகணை ஆகும். 

உலகின் முன்னணி சமூக வலைதளமான ஃபேஸ்புக்கில் 2,700 லட்சம் (270 மில்லியன்) போலிக் கணக்குகள் இருப்பதாக அந்த நிறுவனம் ஒப்புக்கொண்டுள்ளது. ஃபேஸ்புக் வெளியிட்டுள்ள மூன்றாவது காலாண்டு அறிக்கையில், 2.1 பில்லியன் பயனாளர்களில், 2 முதல் 3 சதவிகிதம் போலிப் பயனாளர்கள் இருப்பதாகத் தெரிவிக்கப்பட்டுள்ளது. 

சென்னையில் இருந்து  பிரான்ஸ் நாட்டின் தலை நகரமான பாரீஸுக்கு நேரடி விமான சேவையை ஜெட் ஏர்வேஸ் விமான நிறுவனம் தொடங்கியது. சென்னையில் இருந்து அதிகாலை 1.45 மணிக்கு புறப்படும் விமானம், காலை 8.10 மணிக்கு பாரீஸ் சென்றடையும். பாரீஸில் இருந்து காலை 10.10 மணிக்கு புறப்படும் விமானம் நள்ளிரவு 12.15 மணிக்கு சென்னை வந்து சேருமாம்!

கூகுள் மேப்பில் நிலாவில் முதல் புளூட்டோ வரை எட்டிப் பார்த்துவிட முடியும். கூகுள் சாட்டிலைட் வியூவுக்குச் சென்றுவிட்டு, பூமியிலிருந்து ஜூம் அவுட்டானால் போதுமானது. நம் பால்வெளி மண்டலத்தின் மற்ற கோள்கள் கண்களுக்குப் புலப்படும். மெர்குரியின் பனி மூடிய பிரதேசங்கள் தொடங்கி, பல கோள்களின் பெரும் பள்ளங்கள் வரை பார்க்கலாம்.

விண்வெளி நிலையங்கள் அவ்வப்போது பூமியில் விழுந்து நொறுங்குவது வழக்கமான நிகழ்வுதான். தற்போது, சீனாவின் Tiangong-1 என்ற அதன் விண்வெளி நிலையம் சில மாதங்களில் பூமியில் விழுந்து அழிய உள்ளது. இந்த 2017-ம் ஆண்டின் இறுதியிலோ 2018-ம் ஆண்டின் தொடக்கத்திலோ இது பூமியின் மேல் விழலாம் என்று தெரிவிக்கப்பட்டுள்ளது.

இந்திய விமானப்படை விமானிகளாக அவனி சதுர்தேவி, பாவனா காந்த், மோகனா சிங் ஆகிய மூன்று பெண்களும் கடந்த ஆண்டு ஜூலை மாதம் தேர்வுசெய்யப்பட்டனர். அவர்கள் இந்திய விமானப்படைக்குச் சொந்தமான மிக்-21 பைசன் (Mig 21 Bisons) போர் விமானங்களைப் இயக்க உள்ளதாக விமானப்படைத் தலைமைத் தளபதி பி.எஸ்.தனோவா தெரிவித்துள்ளார்.

இந்தியாவில் தான் விற்பனை செய்யும் MCV & HCV வாகனங்களில், பிரீமியம் கார்களில் காணப்படும் பாதுகாப்பு வசதியான ESC-யைப் பொருத்தியுள்ளது டாடா மோட்டார்ஸ். இதனால் வாகனத்தின் பாதுகாப்பு - மைலேஜ் - ஆயுள் ஆகியவை அதிகரிக்கும்; பராமரிப்புச் செலவுகள் குறையும் எனக் கூறப்படுகிறது.

ஈர்ப்புவிசை அலைகள் இருப்பை உறுதி செய்த ஜெர்மனியைச் சேர்ந்த ரெய்னர் வைஸ் மற்றும் பேரி சி.போரிஸ் மற்றும் கிப்.எஸ்.த்ரோன் ஆகியோருக்கு இயற்பியலுக்கான நோபல் பரிசு பகிர்ந்தளிக்கப்பட உள்ளது. பிரபஞ்சத்தின் ஈர்ப்புவிசை அலைகளை உணரும் லீகோ ஆய்வகம் அமைப்பில் முக்கியப் பங்காற்றியதற்காக நோபல் பரிசு அறிவிக்கப்பட்டது. 

உலகின் எந்த மூலைக்கும் ஒரு மணி நேரத்துக்கும் குறைவான நேரத்தில் பயணிக்க முடியும் என்று ஸ்பேஸ் எக்ஸ் நிறுவனர் எலான் மஸ்க் கூறியுள்ளார். பி.எஃப்.ஆர் என்ற ராக்கெட்டுகள் மூலம் இது சாத்தியமே என்றும், 2022-ம் ஆண்டில் செவ்வாய்க் கிரகத்துக்கு மனிதர்கள் தரையிறங்குவதே இலக்கு என்றும் அவர் கூறினார். வீடியோ லிங்கில்...