Technology


நாடு முழுவதும் ஊரடங்கு உத்தரவு அமலில் உள்ளதால் மக்கள் வீடுகளில் முடங்கியுள்ளனர். இதனால், இணைய பயன்பாடு அதிகரித்துள்ளது. நிறுவனங்களும் மொபைல் டேட்டாவை சிக்கனமாக பயன்படுத்துங்கள் என கேட்டுக்கொண்டது. இந்நிலையில், வாட்ஸ் அப்பில் ஸ்டேட்டஸ் வைக்கும் நேர அளவை அந்நிறுவனம் குறைத்துள்ளது.

உலகம் முழுவதும் கொரோனா அச்சுறுத்தல் இருப்பதால், மக்கள் அனைவரும் வீட்டிலேயே இருக்கும்படி அறிவுறுத்தப்பட்டு வருகிறது. இதனையடுத்து வரலாறு காணாத அளவிற்கு இணையதள டிராஃபிக் அதிகமாகிவிட்டது . இந்த நிலை கருதி நெட்ஃப்ளிக்ஸ், தனது வீடியோக்களின் ஸ்ட்ரீமிங் தரத்தைச் சற்றே குறைத்திருக்கிறது. இதே யுக்தியை தற்போது யூடியூப், பிரைம் வீடியோ, ஆப்பிள் டிவி+ ஆகிய நிறுவனங்கள் பின்தொடர ஆரம்பித்துவிட்டன

கொரோனா வைரஸ் பரவலைத் தடுக்க உலகம் முழுவதும் சோசியல் டிஸ்டன்சிங் கடைப்பிடிக்கப்படுகிறது. இதில் குழந்தைகளுக்கும் இரண்டு வாரத்துக்கு மேல் விடுமுறை அளிக்கப்பட்டுள்ளது. அவர்களின் விடுமுறை நாள்களை கழிக்க இதோ சில ஆப்ஸ் சஜசன்ஸ். 

அதிக  ஆற்றல் கொண்ட விண்கல் ஒன்று, பூமிக்கு அருகில் வந்து செல்ல செல்லவிருக்கிறது. 1998-ல் முதன்முதலாகக் கண்டறியப்பட்டதிலிருந்தே இந்த விண்கல்லை நாசா கண்காணித்து வருகிறது. இது வருகிற ஏப்ரல் 29-ம் தேதி பூமியைக் கடக்கும் என நாசா தெரிவித்துள்ளது. இது பாதுகாப்பான தூரத்திலேயே பூமியை கடக்கும் என்பதால் பாதிப்பு எதுவும் ஏற்படாது.

எஸ்யூவி போட்டியில் ஃபோக்ஸ்வாகன் இறங்கிவிட்டது. ஆட்டோ எக்ஸ்போவில் காட்சிப்படுத்திய நான்கு எஸ்யூவிகளில் இன்று, 33.17 லட்சம் ரூபாய் என, எக்ஸ்ஷோரூம் விலையில் டிகுவான் ஆல்ஸ்பேஸ் மாடலை அறிமுகப்படுத்தியுள்ளது ஃபோக்ஸ்வாகன். ஆல்ஸ்பேஸ் (Allspace) அதே காரின் 7 சீட் வேரியன்ட். பழைய டிகுவான் மாடலைவிட 5 லட்ச ரூபாய் அதிக விலையில் வந்துள்ளது.

ரியல்மீ எக்ஸ் 50 ப்ரோவுக்கு Navic ஆதரவு இருப்பது உறுதி செய்யப்பட்டுள்ளது. ஜியோமி முன்னதாக உலகின் முதல் தொலைபேசியை NavIC உடன் அறிமுகப்படுத்தப் போவதாகக் கூறியது. அதன்படி இஸ்ரோ உருவாக்கிய இந்தியாவின் நேவிக் வழிசெலுத்தல் அமைப்புடன் ரியல்மி எக்ஸ் 50 ப்ரோ 5 ஜி உலகின் முதல் தொலைபேசி உருவாகியுள்ளது.

 

பலத்த எதிர்பார்ப்புகளுக்கு மத்தியில் அல்ட்ராஸை அறிமுகப்படுத்தியிருக்கிறது டாடா மோட்டார்ஸ். கடந்த 2018 டெல்லி ஆட்டோ எக்ஸ்போவில் 45X கான்செப்ட்டாகக் காட்சிபடுத்தப்பட்ட இந்த கார், தற்போது BS-6 1.2 லிட்டர் பெட்ரோல்/1.5 லிட்டர்டீசல் இன்ஜின்களுடன்கூடிய Production வெர்ஷனாக வெளிவந்துவிட்டது. இதன் அம்சங்களை விரிவாக படிக்க கீழே உள்ள லிங்கை கிளிக் செய்யவும்!

பெங்களூரு விமான நிலையத்தில் பயணிகளின் அடையாளங்களைச் சோதனை செய்யும் செக்கிங் பாய்ன்ட்களில் Face Recognition தொழில்நுட்பத்தைப் பயன்படுத்தத் தொடங்கியிருக்கிறார்கள். ஐரோப்பாவில் தடை செய்யப்பட்ட Face recognition தொழில்நுட்பம் இந்தியாவில் அறிமுகம் செய்யப்பட்டது ஏன் என்பதை படிக்க கீழே உள்ள லிங்கை கிளிக் செய்யவும்!

பாதசாரி பாதுகாப்பு அம்சங்கள் (Pedastrian safety) இந்த ஆண்டு அக்டோபர் மாதம் முதல் அனைத்து கார்களுக்கும் கட்டாயமாக இருக்கவேண்டும் என இந்தியச் சாலைப் போக்குவரத்து அமைச்சகம் (Morth) அறிவித்திருக்கிறது.  இதன்படி, அனைத்து கார்களிலும் பெடஸ்ட்ரியன் சேஃப்ட்டி மென்பொருள் மற்றும் சென்சார்கள் கட்டாயமாக்கப்படுகின்றன.

வாட்ஸ் அப்பில் வீடியோ மற்றும் புகைப்படம் அனுப்பவதில் சிக்கல் ஏற்பட்டுள்ளதாக அதன் பயனாளர்கள் ட்விட்டரில் புகார் தெரிவிக்கின்றனர்.  டெக்ஸ்ட் மெசேஜ்கள் மட்டுமே அனுப்ப முடிவதாகவும் வீடியோக்கள்  மற்றும் புகைப்படங்களை அனுப்ப முடியவில்லை எனக் கூறுகின்றனர். #Whatsppdown என்ற ஹேஷ்டேக் ட்விட்டரில் ட்ரெண்டாகி வருகிறது. 

டேட்டிங் அப்ளிகேஷன்களான டின்டர், கிரின்டர் உள்ளிட்டவை பயனாளர்களின் தகவல்களை நிறுவனங்களுடன் பகிர்வதாகப் புகார் எழுந்துள்ளது. இதையடுத்து, அந்த நிறுவனங்களின் மீது சைபர் பாதுகாப்பு அடிப்படையிலான விசாரணையை மேற்கொள்ளச் சொல்லி அமெரிக்க சிவில் சுதந்திர யூனியன் பொதுமக்களுடன் இணைந்து கலிபோர்னியா மாகாண சபையிடம் மனு கொடுத்துள்ளது.

கூகுள் நிறுவனத்தின் தாய் நிறுவனமான 'ஆல்பாபெட்'டின் (Alphabet) சந்தை மதிப்பு ஒரு ட்ரில்லியன் அமெரிக்க டாலரை எட்டியிருப்பதாக அந்நிறுவனம் தெரிவித்துள்ளது. இதற்கு முன்னதாக 2018-ல் ஆப்பிளும், அதைத் தொடர்ந்து மைக்ரோசாஃப்ட் மற்றும் அமேசான் ஆகிய நிறுவனங்களும் ஒரு ட்ரில்லியன் டாலர்கள் சந்தை மதிப்பு என்ற மைல் கல்லை எட்டியிருந்தன.

தவளைகளிலிருந்து ஸ்டெம்செல்களைப் பயன்படுத்தி, உலகின் முதல் உயிருள்ள ரோபோக்களை அமெரிக்காவின் வெர்மான்ட் பல்கலைக்கழத்தைச் சேர்ந்த விஞ்ஞானிகள் உருவாக்கியுள்ளனர். இவை வழக்கமான ரோபோக்களைப் போலில்லாமல் உயிரியல் இயந்திரங்களாக, மனித ஆரோக்கியத்திற்குப் பாதுகாப்பானவை என்றும் ஆய்வில் தெரிவிக்கப்பட்டுள்ளது.

இரான் - அமெரிக்காவுக்கு இடையே பதற்றமான சூழல் நிலவி வருகிறது. இந்நிலையில், அமெரிக்க விண்வெளித் திட்டத்தின் முதல் இரானிய-அமெரிக்க விண்வெளி வீரரான ஜாஸ்மின் மொக்பெலி (Jasmin Moghbeli ), `விண்வெளி ஆய்வு நம் அனைவரையும் ஒன்றிணைக்கும்' என நம்பிக்கை தெரிவித்துள்ளார். 

சக்திகொண்ட இன்டர்நெட்டில், உலகம் முழுவதும், 2019-ம் ஆண்டில் ஒவ்வொரு 60 நொடிகளுக்குள்ளாகவும் என்ன நடந்தது என்பது பற்றிய டேட்டாவை வெளியிட்டுள்ளது Lorilewismedia என்ற இணையதளம். விரிவாக படிக்க கீழே உள்ள லிங்கை கிளிக் செய்யவும்!

கடந்த ஆகஸ்ட் மாதம் இந்தியாவில் விற்பனைக்கு வந்த செல்ட்டோஸ் கியா நிறுவனத்துக்கு முக்கியமான காராகப் பார்க்கப்படுகிறது. ஏற்கெனவே டாப் 10 விற்பனை பட்டியலில் வந்துவிட்ட இந்தக் கார் இப்போது பாதுகாப்பான கார்கள் பட்டியலிலும் இணைந்துவிட்டது.  ஆஸ்திரேலியா NCAP கிராஷ் டெஸ்ட்டில் 5 ஸ்டார் வாங்கி பாதுகாப்பான கார் என நிரூபித்துள்ளது.

2014-ம் ஆண்டில் இந்தியர்கள் மொத்தமாக 828 மில்லியன் GB அளவு டேட்டா பயன்படுத்தியிருந்தனர். இந்தப் பயன்பாடு 2018-ம் ஆண்டு 46,404 மில்லியன் GB என்னும் அளவைத் தொட்டது. இது இந்த வருடம் (செப்டம்பர் வரை மட்டும்) 54,917 மில்லியன் GB என்ற புதிய உயரத்தைத் தொட்டிருக்கிறது. 2014-ஆம் ஆண்டைவிட இந்த ஆண்டு 664.80 மில்லியனாக உயர்ந்துள்ளது.

இந்திய அரசாங்கம் வாட்ஸ்அப், டெலிகிராம் போன்று தகவல்களைப் பரிமாறிக்கொள்ள தனக்கென பிரத்யேகச் செயலி ஒன்றை உருவாக்கி வருகிறது. இதற்கு ஜிம்ஸ் (Government Instant Messaging System, GIMS) என்று பெயரிடப்பட்டுள்ளது. தற்போது இந்தச் செயலியானது ஒடிசா போன்ற சில மாநிலங்களில் சோதனைக் கட்டத்தில் இருக்கிறது.

சமூக வலைதள நிறுவனமான ஃபேஸ்புக் தனக்கென ப்ரேத்யேக இயங்குதளம் ஒன்றை உருவாக்கி வருகிறது. எதிர்காலத்திலும் கூகுளின் ஆண்ட்ராய்டை மட்டும் சார்ந்திருக்காமல் இருக்க இந்த புதிய இயங்குதளத்தை உருவாக்கி வருகிறது. இந்தப் பணியின் தலைமை பொறுப்பை மைக்ரோசாப்ட் நிறுவனத்தின் முன்னாள் அதிகாரியான மார்க் லுகாவ்ஸ்கி ஏற்றுக்கொண்டுள்ளார்.

'Check Point' என்ற சைபர் செக்யூரிட்டி நிறுவனம் கடந்த ஆகஸ்ட் மாதம் வாட்ஸ்அப்பில் ஒரு முக்கிய கோளாறு இருப்பதைக் கண்டுபிடித்தது. இதன் மூலம் ஒரு குரூப்பில் இருக்கும் எவராலும் வாட்ஸப்பை செயலிழக்க செய்யமுடியும். தற்போது இந்தச் சிக்கல் முழுவதும் சரி செய்யப்பட்டுவிட்டது என அந்நிறுவனத்தின் தரப்பில் தெரிவிக்கப்பட்டுள்ளது.

ஆப்பிள் மொபைல்களை ஆராய்வதில் புகழ்பெற்ற மிங்-சி கோ (Ming-Chi Kuo) புதிய அறிவிப்பு ஒன்றை வெளியிட்டுள்ளார். 2021-ம் ஆண்டில் ஆப்பிள் ஐபோன்கள் போர்ட்கள் (Port) எதுவுமே இல்லாமல் வெளிவரும் எனக் கணித்துள்ளார். அதாவது இயர்போன்ஸ், சார்ஜிங் என அனைத்துமே வயர்லெஸ் மட்டும்தான் என கூறியுள்ளார்.

கொரிய நாட்டைச் சேர்ந்த சாம்சங் நிறுவனம் பல்வேறு தொழில்நுட்பங்களை அறிமுகப்படுத்தி டெக் உலகில் ஒரு முக்கிய நிறுவனமாக இருக்கிறது. இந்நிலையில் 12 கோடி மதிப்பிலான தி வால் எனப்படும் டிவியை இந்தியாவில் அறிமுகம் செய்துள்ளது. இந்த வகை டிவி சுவரோடு சுவராகக் காட்சியளிக்கும். இது 146 இன்ச், 219 இன்ச், 292 இன்ச் ஆகிய அளவுகளில் கிடைக்கவுள்ளது. 

இஸ்ரோ நிலவின் தென் துருவ பகுதியில் ஆய்வு செய்ய அனுப்பிய விகரம் லேண்டர் கடைசி நிமிடங்களில் தொடர்பை இழந்தது. இந்நிலையில் விக்ரம் லேண்டரை கண்டுபிடித்துள்ளதாக நாசா தெரிவித்துள்ளது. அதில் தரையிறங்க வேண்டிய இடத்துக்கு 500 மீட்டர் தொலைவில் சிதறிய பாகங்கள் கிடந்ததாக குறிப்பிடப்பட்டுள்ளது. 

சீனாவின் தேசிய அணுசக்தி நிறுவனம், சௌத் வெஸ்டர்ன் இயற்பியல் நிறுவனத்துடன் இணைந்து, சிசோன் (Sichuan) மாகாணத்தில் உள்ள லெஷன் நகரில் உருவாக்கப்பட்டுள்ள சூரியனின் இந்த டூப்ளிகேட் வெர்ஷனுக்கு “HL-2M Tokamak” என பெயரிடப்பட்டுள்ளது. சீனாவுடன் 34 நாடுகள் பங்கேற்றுள்ள இத்திட்டம், 2025-ம் ஆண்டில் நிறைவடையும் என்று எதிர்பார்க்கப்படுகிறது.

ஆண்ட்ராய்டு பயன்பாட்டாளர்கள் அனைவரும் எதிர்பார்த்துக் கொண்டிருந்த, அனுப்பப்பட்ட மெசேஜ்கள் குறிப்பிட்ட கால இடைவெளியில் தானாகவே அழிந்து போகும் வசதிகளுடன் கூடிய வாட்ஸ்அப் பீட்டா வெர்ஷன் கூடிய விரைவில் வெளியிடப்படுகிறது. ஃபேஸ்புக்கிற்குச் சொந்தமான மெசேஜிங் நிறுவனம் ஒன்று இந்தப் புதிய வாட்ஸ் அப் வடிவமைப்பில் ஈடுபட்டிருக்கிறது.