Trending


இந்தியா - ஆஸ்திரேலிய அணிகளுக்கிடையேயான 2-வது ஒருநாள் போட்டி கொல்கத்தா ஈடன் கார்டனில் நடந்து வருகிறது. இந்தப் போட்டியில் ஆஸ்திரேலியா ஆதிக்கம் செலுத்திவந்த நிலையில், 33-வது ஓவரை வீசிய குல்தீப் யாதவ் ஹாட்ரிக் விக்கெட் எடுத்து அசத்தியுள்ளார். இதன்மூலம், இந்திய அணி வெற்றி பெறுவதற்கான வாய்ப்பு அதிகரித்துள்ளது.

மெர்சல் படத்தின் டீசர் வெளியாகி இரண்டரை மணி நேரத்தில், சுமார் 554K லைக்ஸ்களை தாண்டி பெற்று வருகிறது. அதாவது 5.50 லட்சம் லைக்ஸ்களை குவித்துள்ளது. இதனால், விவேகம் பட டீசர் மற்றும் ட்ரெய்லர் லைக்ஸ்களை மிக விரைவில் மெர்சல் தாண்டி விடும் என எதிர்பார்க்க படுகிறது.

விஜய், காஜல் அகர்வால், சமந்தா, நித்யாமேனன் நடித்து அட்லி இயக்கியிருக்கும் திரைப்படம் ’மெர்சல்.’ ஜல்லிக்கட்டை மையமாக வைத்து வெளியிடப்பட்ட போஸ்டர்கள் அதிக வரவேற்பைப் பெற்றிருந்த நிலையில், படத்தின் டீசருக்காகப் பலரும் காத்திருந்தனர். தற்போது மெர்சல் படத்தின் டீசர் இணையத்தில் வெளியிடப்பட்டது. 

மெர்சல் பட ரிலீஸை முன்னிட்டு, மதுரையில் 'யுனிவர்சல் கிங் விஜய் ஃபேன்ஸ்' ரசிகர்கள் ஒட்டியுள்ள போஸ்டர்கள் பரபரப்பைக் கிளப்பியுள்ளது. இதில் 'இவர் இடத்தை நிரப்ப யாருண்டு. தளபதியைத் தவிர வேற எவருண்டு' என்ற வாசகம் பொறித்த போஸ்டரில் விஜய்க்கு எம்.ஜி.ஆர் முத்தம் கொடுப்பது போல போஸ்டர் ஒட்டப்பட்டுள்ளது.

கமல்ஹாசனுடன் சந்திப்பு குறித்து அரவிந்த் கெஜ்ரிவால் கூறுகையில், 'ஊழலுக்கு எதிரானவர்கள் அனைவருமே ஒன்றிணைந்து செயல்பட வேண்டிய கட்டாயத்தில் இருக்கிறோம். நாடு ஊழலாலும் மதவாதத்தாலும் பாதிக்கப்பட்டுள்ளது. கமல்ஹாசன் கண்டிப்பாக அரசியலுக்கு வர வேண்டும். ஊழலுக்கு எதிராக நாங்கள் தொடர்ந்து செயல்படுவோம்' என்றார்.

கெஜ்ரிவால் உடனானச் சந்திப்பு குறித்து கமல் கூறுகையில்,'கெஜ்ரிவால் என்னைச் சந்திக்க வேண்டும் என்று சொன்னதே எனது பாக்கியம்தான்.  ஊழலுக்கு எதிரானர்கள் அனைவருமே எனக்கு உறவினர்கள் ஆகிவிடுகிறார்கள் என்பதுதான் உண்மை. அந்தவகையில் இந்த உறவு தொடர்கிறது. எனது தந்தை இருந்தபோது, இந்த வீடு அரசியல் தொடர்புடன் இருந்தது' என்றார்.

2ஜி அலைக்கற்றை ஒதுக்கப்பட்டதில் முறைகேடு நடைபெற்றதாகத் தொடரப்பட்ட வழக்கில், தீர்ப்புத் தேதியை சி.பி.ஐ. தனி நீதிமன்றம் ஒத்திவைத்துள்ளது. அக்.25இல் தீர்ப்பு வழங்கப்படும் என சிபிஐ நீதிமன்றம் அறிவித்துள்ளது. தீர்ப்பு வழங்குவதில் கூடுதல் அவகாசம் தேவைப்படுகிறது என்று நீதிபதி ஒ.பி.சைனி குறிப்பிட்டுள்ளார். 

திருச்சியில் பேட்டியளித்த தினகரன், 'எடப்பாடி பழனிசாமி புனித நீராடப்போவதாகக் கூறுகிறார்கள். துரோகிகள் எல்லாம் புனித நீராடுவதால், அவர்கள் புனிதமடைய முடியாது. ஆற்றின் புனிதம்தான் கெட்டுப்போகும். தமிழ்நாட்டில், மத்திய அரசு நடந்துகொள்ளும் விதம், இந்தியா முழுவதும் அவர்களுக்கு அவப்பெயரை ஏற்படுத்தியுள்ளது' என்றார். 

18 எம்.எல்.ஏ-க்கள் தகுதி நீக்கம் தொடர்பான வழக்கு விசாரணை சென்னை உயர் நீதிமன்றத்தில் தொடங்கியது. உயர் நீதிமன்ற நீதிபதி துரைசாமி முன்னிலையில் விசாரணை நடைபெற்று வருகிறது. தினகரன் தரப்பில் துஷ்யந்த் தவே உள்ளிட்ட  மூத்த வழக்கறிஞர்கள் ஆஜர் ஆகியுள்ளனர்.  

தினகரன் ஆதரவு எம்.எல்.ஏ-க்கள் 18 பேர் தகுதி நீக்கம் செய்யப்பட்டனர். இதையடுத்து, இது தொடர்பாக தமிழ்நாடு அரசு வெளியிட்டுள்ள அரசிதழில் 19 பேர் தகுதி நீக்கம் செய்யப்பட்டுள்ளதாகக் கூறப்பட்டுள்ளது சர்ச்சையைக் கிளப்பியுள்ளது. தினகரன் அணியிலிருந்து, எடப்பாடி அணிக்குத் தாவிய ஜக்கையன் பெயரும் அதில் இடம்பெற்றுள்ளது.

தமிழகத்தில் 18 தொகுதிகள் காலியாக இருப்பதாகத் தேர்தல் ஆணையத்துக்குப் பேரவைச் செயலாளர் பூபதி கடிதம் எழுதியுள்ளார். மேலும், தகுதி நீக்கம் செய்யப்பட்ட எம்.எல்.ஏ-க்களின் பெயர்களை தமிழக அரசின் இணையதளத்தில் இருந்து நீக்குவதற்கு நடவடிக்கை எடுக்கப்பட்டு வருவதாகவும் பூபதி கூறியுள்ளார்.

தினகரனை ஆதரித்த 18 எம்.எல்.ஏ-க்கள் இன்று தகுதிநீக்கம் செய்யப்பட்டனர். இந்த அறிவிப்பைக் கேட்ட கர்நாடக சொகுசு விடுதியில் தங்கியிருக்கும் பெண் எம்.எல்.ஏ உட்பட மூன்று எம்.எல்.ஏ-க்கள் கண்கலங்கியுள்ளனர். இவர்கள் மூன்று பேரும் முதல் முறையாக எம்.எல்.ஏ-வாகத் தேர்ந்தெடுக்கப்பட்டவர்கள்.

டி.டி.வி.தினகரன் ஆதரவு எம்.எல்.ஏ-க்களை சபாநாயகர் தகுதிநீக்கம் செய்தது தமிழ்நாட்டு மக்களின் மனசாட்சிக்கு எதிரான ஜனநாயகப் படுகொலை என்று எம்.எல்.ஏ தமிமுன் அன்சாரி தெரிவித்துள்ளார். எடப்பாடி அரசு மத்திய அரசையும் ஆளுநரையும் துணைக்கு வைத்துக்கொண்டு ஜனநாயக விரோத நடவடிக்கைகளில் ஈடுபடுவதை ஏற்க முடியாது என்றும் சாடியுள்ளார்.

விசிக தலைவர் திருமாவளவன், ’தமிழகத்தில் தற்போதைய அரசியல் சூழலை பொறுத்தவரை நிரந்தர ஆளுநரை நியமிக்க வேண்டும். ஆட்சியை காப்பாற்றிக் கொள்ளவே தினகரன் ஆதரவு எம்.எல்.ஏ-க்கள் தகுதி நீக்கம் செய்யப்பட்டுள்ளனர்’ என்று கூறினார்.’தீவிர ஆலோசனைக்குப் பிறகே சபாநாயகர் சட்டப்படி முடிவெடுத்திருப்பார்’ என்று தமிழிசை, தெரிவித்துள்ளார்.

தினகரன் ஆதரவு எம்.எல்.ஏ-க்கள் 18 பேரை சபாநாயகர் தகுதி நீக்கம் செய்து அறிவிப்பு வெளியிட்டுள்ளார். இதை எதிர்த்து நீதிமன்றத்தில் முறையிட உள்ளதாக தினகரன் ஆதரவு எம்.எல்.ஏ வெற்றிவேல் கூறியுள்ளார். ’நீதிமன்றத்துக்குச் சென்றால் எங்கள் தரப்புக்கு நியாயம் கிடைக்கும்’ என்று குறிப்பிட்டுள்ளார். 

சூடான்  நாட்டு அகதியான ஹோசனா, சிறுவயது முதலே கல்விகற்க  மிகவும் ஆர்வமாக இருந்துள்ளார்.ஆனால் அவருக்கு காலமும் சூழ்நிலையும் வாய்ப்பை ஏற்படுத்திக் கொடுக்கவில்லை. ஆனால் UNHRC உதவியுடன் தனது 21வயதில் LKG'இல் சேர்ந்தார். தற்போது தனது 15வயது மகளுடன் மேல்நிலைப்பள்ளி பயின்றுவருகிறார். 

இந்திய விமானப்படையின் முன்னாள் தளபதி அர்ஜன் சிங்குக்கு திடீரென்று மாரடைப்பு ஏற்பட்டது. இதையடுத்து, அவர் டெல்லி ராணுவ மருத்துவமனையில் அனுமதிக்கப்பட்டார். இந்நிலையில், சிகிச்சை பலனின்றி அர்ஜன் சிங் நேற்று இரவு காலமானார். அவருக்கு வயது 98. அவரது மறைவுக்கு குடியரசுத்தலைவர், பிரதமர் இரங்கல் தெரிவித்துள்ளனர்.

திருச்சியில் நடைபெற்று வரும் மாபெரும் நாணயக் கண்காட்சியில் உலகின் மிகச்சிறிய நாணயம் இடம்பெற்றுள்ளது. கி.பி.1405-ல் விஜயநகர பேரரசின் ஆட்சிக்காலத்தில் உருவாக்கப்பட்ட இந்த நாணயம் தான் உலகிலேயே மிகச்சிறிய நாணயமாகக் கருதப்படுகிறது.

கென்யாவில் வெள்ளை நிற ஒட்டகச்சிவிங்கிகள் மீண்டும் தென்பட்டுள்ளன. இங்குள்ள, Ishaqbini வனப்பகுதியில் இரு வெள்ளை நிற ஒட்டகக்சிவிங்கிகளை மக்கள் பார்த்துள்ளனர். தாயும் குட்டியுமாக இவை இருக்கலாம் என்று சொல்லப்படுகிறது. அதை வீடியோவும் எடுத்து யூடியூப்பில் பதிவேற்றியுள்ளனர். இந்த வீடியோ தற்போது வைரலாகி வருகிறது.

 

ஃப்ளூடூத் மூலம் எலெக்ட்ரானிக் சாதனங்களைத் தாக்கும் ஃப்ளூபோர்ன் (Blueborne) மால்வேர் பரவுவதை சைபர் செக்யூரிட்டி நிறுவனம் ஒன்று கண்டறிந்துள்ளது. இதனால், ஃப்ளூடூத் வசதிகொண்ட ஸ்மார்ட்போன்கள், டிவி-க்கள், ஸ்மார்ட் வாட்சுகள் என உலகம் முழுவதும் 5.3 பில்லியன் சாதனங்கள் பாதிக்கப்பட்டிருக்கலாம் என்று கருதப்படுகிறது.

வடகொரியாவுக்கு சவால்விடும் தொணியில் நேற்று முன்தினம் தென்கொரியாவும் ஏவுகணை சோதனையை நடத்திக் காட்டியது. இந்நிலையில், வடகொரியாவின் தலைநகரான பியாங்யாங் நகரில் இருந்து கிழக்கு நோக்கி வடகொரியா ஏவுகணையை ஏவி சோதனை நடத்தியதாகக் கூறியுள்ளது தென்கொரியா. இதனால், கொரிய தீபகற்பத்தில் பதற்றம் நிலவுகிறது.

வடகொரியா இன்று (வெள்ளிக்கிழமை) பியோங்கியாங்கில் இருந்து ஏவுகணைச் சோதனையைச் செய்துள்ளதாக தென்கொரியா கூறியுள்ளது. இந்த ஏவுகணை ஜப்பானைக் கடந்து பசிபிக் பெருங்கடலில் இறங்கும் வகையில் சோதனை செய்யப்பட்டதாக, ஜப்பான் ஊடகங்கள் தெரிவிக்கின்றன. இதனால், உலக அரங்கில் பரபரப்பு அதிகரித்துள்ளது.

ஏ.ஆர்.முருகதாஸ் இயக்கத்தில், மகேஷ் பாபு நடித்திருக்கும் திரைப்படம் 'ஸ்பைடர்'. ஹாரிஸ் ஜெயராஜ் இசையமைத்திருக்கும் இந்தப் படத்தில், மகேஷ் பாபுவின் ஜோடியாக ரகுல் ப்ரீத்தி நடித்துள்ளார். இந்தப் படத்தின் தமிழ் மற்றும் தெலுங்கு ட்ரெய்லர் தற்போது வெளியாகியுள்ளது. 

 

ஆங்கில பத்திரிகைக்கு பேட்டியளித்துள்ள கமல்ஹாசன், 'நான் தனிக்கட்சி தொடங்குவது குறித்து தீவிரமாக ஆலோசித்து வருகிறேன். விருப்பத்தினால் அல்ல கட்டாயத்தினால்தான் இந்த முடிவு. அரசியல் என்பது சித்தாந்தத்தையும் கொள்கைகளையும் பொறுத்தது. எனது சித்தாந்தத்துக்கு ஏற்றாற் போல் எந்தக் கட்சியும் இல்லை' என்றுள்ளார்.

ஜாக்டோ - ஜியோ போராட்டம் உச்சக்கட்டத்தை நெருங்கி கொண்டிருக்கிறது. மதுரை ஆட்சியர் அலுவலகத்துக்குள் ஆயிரத்துக்கு மேற்பட்ட அரசு ஊழியர்கள், ஆசிரியர்கள் உள்ளிருப்பில் ஈடுபட்டு வருகிறார்கள். போராட்டத்தினர் சோர்ந்து விடாமல் இருக்க பாடல்களும் பாடப்படுகிறது. வந்திருந்த அனைவருக்கும் அங்கேயே உணவு தயார் செய்யப்பட்டது.