Trending


தமிழகம் மற்றும் புதுச்சேரியில் அடுத்து வரும் 2 நாள்களுக்கு மழை பெய்யும். ஒரு சில இடங்களில் மிதமான மழை முதல் கனமழை பெய்ய வாய்ப்பு உள்ளதாக, சென்னை வானிலை ஆய்வு மையம் தெரிவித்துள்ளது. சென்னையில், ஒரு சில இடங்களில் விட்டுவிட்டு மழை பெய்யக்கூடும் எனவும் தெரிவிக்கப்பட்டுள்ளது.

சென்னை அண்ணா சாலை சிம்சனில் உள்ள பெரியார் சிலைக்கு  தி.மு.க தலைவர் மு.க.ஸ்டாலின் மரியாதை செலுத்தினார்.  பெரியார் குறித்து ட்விட்டரில் மு.க.ஸ்டாலின், ‘பாமரருக்காகவே வாழ்நாளெல்லாம் வாதாடிய வழக்கறிஞர். அய்யாவுக்கு நிகர் யார்? என்று பதிவிட்டிருந்தார்.   

இங்கிலாந்தில் குலிவெர்ஸ் வோல்ட் (Gulliver's World) என்ற கேளிக்கை பூங்கா உள்ளது. இங்கு ரோலர் கோஸ்டர் சுற்றிக் கொண்டிருக்கும்போது திடீரென நின்றுவிட்டதால் குழந்தைகள் உட்பட 21 பேர் சுமார் 50 அடி உயரத்தில் 2 மணிநேரம் தொங்கும் சூழ்நிலை ஏற்பட்டது. பிறகு தீயணைப்புத் துறையினர் சில ஏணிகளின் உதவியுடன் சிறுவர்கள் உட்பட 21 பேரை மீட்டனர். 

விஷத்தன்மை வாய்ந்த ராஜ நாகத்தின் நஞ்சுக்கு ராஜஸ்தானைச் சேர்ந்த இரண்டு இளைஞர்கள் அடிமையாகியுள்ளனர். அவர்கள் தற்போது போதை மறுவாழ்வு மையத்தில் சிகிச்சை பெற்று வருகின்றனர்.  ராஜ நாகத்தின் நஞ்சு எந்தப் போதைப் பொருளாலும் கொடுக்க முடியாத மயக்கத்தைக் கொடுப்பதாக அந்த இளைஞர்கள் ஆராய்ச்சியாளர்களிடம் கூறியுள்ளனர். 

தமிழ் சினிமாவில் கதாபாத்திரங்களுக்காக உடலை கதாபாத்திரமாக மாற்றும் திறன் கொண்ட நடிகர்களில் ஒருவராக உருவாகியிருக்கும் ஆர்.கே.சுரேஷ், ஒரு ஸ்கிப்பிங் பிரியர். அதிகாலை, மதியம், மாலை, இரவு என ஒரு நாளைக்கு நான்கு முறை தலா 500 தடவை சளைக்காமல் ஸ்கிப்பிங் செய்கிறார்.   

திருநங்கைகளால் கொண்டாடப்படும் ஹிஜ்ரா ஹப்பா விழாவில் பங்கேற்க, கிரிக்கெட் வீரர் கம்பீருக்கு அழைப்பு விடுக்கப்பட்டுள்ளது.  அவர்களுக்கு ஆதரவு அளிக்கும் விதமாக நெற்றியில் பொட்டு வைத்து, தலையில் துப்பட்டாவால் முக்காடு போட்டுக்கொண்டார். கம்பீரின் இந்தப் புகைப்படங்கள் இணையதளத்தில் வைரலாகப் பரவிவருகிறது. 

சமீபத்தில் தோனி பெட்ரோல் பங்கில் அமர்ந்திருப்பது போன்ற புகைப்படம் ஒன்று வைரல் ஆனது. பெட்ரோல் விலை உயர்வுக்கு எதிர்ப்பு தெரிவிக்கும் விதமாக தோனி அமைந்திருக்கிறார் என்று வதந்தியும் பரவ ஆரம்பித்தது. இந்நிலையில் இந்தப்புகைப்படம் விளம்பர படப்பிடிப்பின் போது எடுக்கப்பட்டது எனத் தெரிவிக்கப்பட்டுள்ளது.

யூ.பி.எஸ்.சி 2018-ம் ஆண்டுக்கான தேர்வு விண்ணப்பங்களைப் பெறுவதற்காகப் பணி நேற்று முதல் யூபிஎஸ்சி இணையதளத்தில் தொடங்கப்பட்டது. இந்நிலையில், இணையதளம், நேற்று ஹேக்கர்களால் முடக்கப்பட்டது. இந்த விவரம், தேர்வாளர்கள் இணையத்துக்குச் சென்றபோதுதான் இணையதளம் முடங்கிய விவரம் தெரியவந்தது. 

ஹைதராபாத் நிஜாம் அருங்காட்சியகத்தில், வைரம் பதித்த டிபன் பாக்ஸை திருட்டிச் சென்றவர்களை போலீஸார் கைது செய்தனர். `பல கோடி மதிப்புள்ள மூன்று அடுக்கு டிபன் பாக்ஸை நிஜாம் பயன்படுத்தவில்லை, ஆனால் டிபன் பாக்ஸை திருடிய திருடன், உணவு உண்பதற்காக ஒவ்வொரு நாளும் அதைப் பயன்படுத்தியிருக்கிறார்' என ஹைதராபாத் போலீஸார் தெரிவிக்கின்றனர். 

பாம்பை கண்டால் படையே நடுங்கும் என்பார்கள். ஆனால், வியட்நாமில் உள்ள பிரபல உணவகம் ஒன்றில் பாம்பை ஆவியில் வேக வைத்து சமைத்துத் தருகின்றனர். மதுவுடன் பாம்பு ரத்தத்தைக் கலந்து குடித்தால் முதுகுவலி குணமடைவதாக அந்நாட்டு ஆண்கள் கூறுகின்றனர். மேலும், உடல் சூட்டுக்கும் தலைவலிக்கும் நிவாரணம் எனவும் தெரிவிக்கின்றனர்.  

பஞ்சாப் நேஷனல் வங்கியிடம், உத்தரவாதக் கடிதம் பெற்று, 13,000 கோடி ரூபாய் கடன் உத்தரவாத மோசடியில் ஈடுபட்ட முக்கியக் குற்றவாளியாகக் கருதப்படும் மெஹுல் சோக்ஸி `அமலாக்கத் துறையின் குற்றச்சாட்டுகள் அனைத்தும் பொய்யானவை' எனத் தெரிவித்துள்ளார். இந்த விவகாரம் தொடர்பாக மெஹூல் சோக்ஸி பேசும் வீடியோவை ஏ.என்.ஐ வெளியிட்டுள்ளது.  

ஆன்லைன் வணிக ஜாம்பவான் ஜாக் மா  ஓய்வு பெறப் போவதாக தெரிவித்துள்ளார்.  அலிபாபா நிறுவனத்தின் நிர்வாக தலைவர் பொறுப்பில் இருந்து ஜாக் மா விலகினாலும் அந்நிறுவனத்தின் இயக்குநர்கள் குழுவில் தொடர்வார். ஜாக் மா கல்வித் துறைக்கு தன்னை அர்ப்பணிக்க உள்ளார்.   

சிபிஐ சோதனைகுறித்து சென்னை மாநகர முன்னாள் காவல் ஆணையர் ஜார்ஜ் இன்று செய்தியாளர்களைச் சந்தித்துப் பேசினார். அவர் கூறுகையில், `2016-ம் ஆண்டு ஏப்ரல், மே மற்றும் ஜூன் மாதங்களில் குட்கா விவகாரத்தில் ரெய்டு நடந்தது. அப்போது நான் பதவியில் இல்லை. நான், செப்டம்பரில்தான் ஆணையராகப் பதவி ஏற்றேன்’ என்றார்.   

கேரளாவில் வெள்ளத்தால் நீர் சூழ்ந்து காணப்பட்ட பகுதிகளில், அதைத் தொடர்ந்து கடுமையான வறட்சி ஏற்படுவதற்கான அறிகுறிகள் தோன்றத் தொடங்கியுள்ளது. வயநாட்டிலும் கொலவயல் பகுதிகளிலும், மண்புழுக்கள் ஏராளமாக நிலத்தின் மேற்பகுதிக்கு வந்து இறந்துகொண்டிருக்கின்றன.   

வரும் 13-ம் தேதி ரஜினியின் ‘2.0’ டீஸர் ரிலீஸாகும் என இயக்குநர் ஷங்கர் அறிவித்துள்ளார். அதுவும் டீஸர் 3டி தொழில்நுட்பத்தில் வெளியாக உள்ளது. இன்று மாலை ரஜினியின் அடுத்த படத்தின் டைட்டில் வெளியாக உள்ள நிலையில் 2.0 பற்றிய அறிவிப்பும் வெளியாகி இருப்பதால் ரஜினி ரசிகர்கள் டபுள் உற்சாகத்தில் உள்ளனர்.

சச்சின் டெண்டுல்கரின் மகள் சாரா லண்டன் பல்கலைக்கழகத்தில் மருத்துவ படிப்பில் பட்டம் பெற்றுள்ளார். சாரா பட்டமளிப்பு விழாவில் எடுத்துக் கொண்ட புகைப்படங்களை இன்ஸ்டாகிராமில் பகிர்ந்துள்ளார்.  சுட்டி பெண் சாராவின் புகைப்படங்களுக்கு வழக்கம் போல் லைக்ஸ் குவிந்தன.. வாழ்த்துகள் சாரா! 

இன்று நாடு முழுவதும் ஆசிரியர் தினம் கோலாகலமாகக் கொண்டாடப்பட உள்ளது. இன்றைய தினத்தை மேலும் சிறப்பிக்கும் வகையில் ட்விட்டர், தி குயிண்ட் செய்தி நிறுவனத்துடன் இணைந்து ஆசிரியர் தின சிறப்பு எமோஜியை வெளியிட்டுள்ளது.

தூத்துக்குடி சென்ற விமானத்தில் பாசிச பா.ஜ.க ஒழிக என்ற கோஷம் எழுப்பிய மாணவி ஷோபியாவுக்கும் தமிழிசை சௌந்தரராஜனுக்கும் மோதல் ஏற்பட்டது. இதன் பின்னர் மாணவி கைது செய்யப்பட்டுள்ளார். இந்நிலையில், சமூகவலைதளத்தில் பலரும் மாணவிக்கு ஆதரவு தெரிவித்து வருகின்றனர். இந்திய அளவில் ஹாஸ்டாக் ஷோபியா என்ற பெயர் ட்ரெண்டிங்கில் உள்ளது. 

சமீபத்தில் கிரகப்பிரவேச அழைப்பிதழ் ஒன்று வைரலானது. அந்தக் கிரியேட்டிவ் அழைப்பிதழுக்குச் சொந்தக்காரரை தேடிப்பிடித்துப் பேசினோம்...'வீட்டுக்கு பூமி பூஜை செய்த நாளிலிருந்தே மேஸ்திரி, கொத்தனார் எல்லாருமே என்கூட அன்பா பேசுவாங்க. கிரகப்பிரவேச அழைப்பிதழ்ல அவங்க பெயர் போடணும்னு அப்பவே முடிவு பண்ணிட்டேன்' என்றார் பூரிப்புடன்.

உலக வெப்பமயமாதலால் நம் அடுத்த தலைமுறைக்கு ஏற்படும் விபரீதத்தை எளிதில் விளக்கும் வகையில் கிரீன் பீஸ் என்ற அரசு சாரா அமைப்பு வீடியோ ஒன்றை சமூகவலைதளத்தில் பதிவிட்டுள்ளது. அதில் ‘உலக வெப்பமயமாதலால் நம் சந்ததியினர் மறைந்துகொண்டிருகின்றனர்’ எனக் குறிப்பிடப்பட்டுள்ளது. இந்த வீடியோ சமூக வலைதளம் முழுவதும் ஆக்கிரமித்துள்ளது.

பிக் பாஸ் வீட்டில் இருந்து வெளியில் வந்த கையோடு, தன் பேச்சிலர் வாழ்க்கைக்கு குட்பை சொல்லிவிட்டார் டேனி.  இன்ஸ்டாகிராம் பதிவில், டேனி தன் காதலி டெனிஷாவை  பதிவுத் திருமணம் செய்துகொண்டதை மகிழ்ச்சியுடன் பகிர்ந்துள்ளார். வாழ்த்துகள் டேனி!  

கோட்டயத்தைச் சேர்ந்த மோகனன் என்னும் முதியவர் கேரள முதலமைச்சர் நிவாரண நிதிக்கு 94 ரூபாய் அனுப்பி, இணையத்தில் ஹீரோவாகியிருக்கிறார். இந்த மோகனன் யார் தெரியுமா... தெருவில் பிச்சையெடுத்து சாப்பிட்டு வருபவர். தனக்கு குவிந்த வாழ்த்து பற்றியும் மோகனன் அறிந்திருக்க வாய்ப்பில்லை.

இந்தோனேஷியாவைச் சேர்ந்த சரக்கு கப்பல் ஒன்று 2009 -ம் ஆண்டில் காணாமல் பேனதாக கூறப்பட்டது. இந்நிலையில் அந்தக்கப்பல் கடந்த வாரம் ஆளில்லாத நிலையில் மியான்மர் கடற்பகுதியில் தென்பட்டது. இதனால் இது பேய்க் கப்பல் என்ற பேச்சு எழுந்தது. எனினும் இது சமீபத்தில் கைவிடப்பட்ட கப்பல் என்று அதிகாரிகள் உறுதிப்படுத்தியுள்ளனர்.

உலகம் முழுவதும் நிலவும் ஏழை, பணக்காரர் இடைவெளியை ட்ரோன் புகைப்படத்தின் வாயிலாக அற்புதமாகப் பிரதிபலித்திருக்கிறார் புகைப்படக் கலைஞர் ஜானி மில்லர். இவரின் கழுகுப் பார்வையிலிருந்து மும்பை நகரும் தப்பவில்லை. இந்தப் புகைப்படத்தில் இருப்பது குடிசைப் பகுதியான தாராவியும், அதற்கு அருகில் அமைந்திருக்கும் கட்டடங்களும்தான்!  

முன்னாள் ஆந்திர முதல்வர் என்.டி.ராமாராவின் மகன் நந்தமுரி ஹரிகிருஷ்ணா கார் விபத்தில் நேற்று மரணமடைந்தார். விபத்து குறித்து பேசிய உயர் அதிகாரி ஒருவர், ` அதிவேகத்தில் கார் ஓட்டிய ஹரிகிருஷ்ணா, சீட் பெல்ட் அணியவில்லை. ஹரிகிருஷ்ணா ஒருவேளை சீட் பெல்ட் அணிந்திருந்தால், சிறிய காயங்களுடன் உயிர் தப்பியிருப்பார்’ என்றார்.