Trending


தனியார் ஆங்கிலத் தொலைக்காட்சியில் தொகுப்பாளராக இருக்கும் அர்னாப், குர்தாஸ்பூர் தொகுதியில் நடிகர் சன்னி தியோல் முன்னிலையில் உள்ளார் எனக் கூறுவதற்குப் பதிலாக சன்னி லியோன் முன்னிலையில் உள்ளார் எனத் தவறுதலாகக் கூறிவிட்டார். இதை நோட் செய்த நெட்டிசன்கள் அவர் பேசியதை மட்டும் தனி வீடியோவாக ஷேர் செய்து வருகின்றனர்.

கராத்தே கிளாஸில் சிறுவன் மரப்பலகைகை உடைக்க முயற்சி செய்கிறான்.பலகையை உடைக்க முடியததால் அழ ஆரம்பித்துவிடுகிறான். மாஸ்டர் பலகையை எப்படி உடைக்கவேண்டும் எனக் கூற  நண்பர்கள் உற்சாகப்படுத்துகிறார்கள். ஒரு கிக்; மரப்பலகை இரண்டுத் துண்டுகளாக உடைகிறது. நண்பர்கள் அவனைக் கட்டிப்பிடித்துக் கொள்கிறார்கள்.இந்த வீடியோ வைரலாகி வருகிறது.

 

 

இந்த ஆண்டு ஐபிஎல் தொடர் ட்விட்டரில் ரெக்கார்டு பிரேக் செய்திருக்கிறது. அதாவது ஐபிஎல் சம்பந்தமா 27 மில்லியன் ட்வீட்டுகள் தட்டிவிடப்பட்டுள்ளன. இது கடந்தாண்டை விட 44%  அதிகம். ஐபிஎல் தொடரில் எந்த அணிக்கு ட்விட்டரில் செல்வாக்கு என்று பார்த்தால் அது சென்னைக்குதான். அதிகம் பேர் ட்வீட் செய்த வீரர் என்றால் அது தோனிதான்!

‘ரியல் லைஃப் ரபுன்செல்’ என்ற பெயரில் சீனாவை சேர்ந்த  பத்திரிகை நீளமானக் கூந்தல் கொண்ட பெண்களின் வீடியோகளை வெளியிட்டுவருகிறது. சமீபத்திய வீடியோவில் கறுப்பு நிற நீர்வீழ்ச்சி போல,பாதங்கள்தாண்டி தரையில் புரளுகிறது சீன பெண் ஒருவரின் கூந்தல்.அளவெடுத்தால் 170 செ.மீட்டர் நீளம்.16 வருடங்கள அந்த பெண் கூந்தலை பராமரித்து வருகிறார்.

இன்று காலை ராஜஸ்தான் பயணத்துக்குத் தயாரானார்கள், சி.எஸ்.கே டீம். காலையில் விமான நிலையம் வந்த தோனி, ஃப்ளைட் ஏற நேரம் இருந்ததால் வழக்கம்போல தரையில் படுத்துவிட்டார். இந்தப் புகைப்படத்தை இன்ஸ்டாகிராமில் பதிவிட்ட தோனி, ஐபிஎல் போட்டிக்குப் பிறகு உங்களுக்கு காலை ஃப்ளைட் இருந்தால் இப்படித்தான் இருக்கும் எனக் கூறியுள்ளார்.

நேற்றைய ஐபிஎல் ஆட்டம் முடிந்த பிறகு சி.எஸ்.கே அணியின் அதிகாரபூர்வ ட்விட்டர் பக்கத்தில் ரசலுக்கும் வாழ்த்து தெரிவித்து. அதை ரீ- ட்வீட் செய்த கே.கே.ஆர்,  `மூணு நாள்ல மீட் பண்ணலாம்’ என ரிப்ளை செய்ய பதிலுக்குச் சென்னையும்  `வடிவேல் ரியாக்‌ஷன்’ கொடுக்க, ஒரே அதகளம்தான். வரும் 9-ம் சென்னை - கொல்கத்தா அணிகள் மோதுகின்றன. 

ஒரு கையில் கோழிக்குஞ்சும் மற்றொரு கையில் பணத்துடன் சிறுவன் ஒருவன் பரிதாபத்துடன் இருப்பது போன்ற புகைப்படம் வைரலானது. மிசோரம் மாநிலத்தைச் சேர்ந்த அந்த சிறுவன் சைக்கிள் ஓட்டியபோது கோழிக்குஞ்சு ஒன்று  அடிபட்டு விட்டது. உடனடியாக தான் வைத்திருந்த பணத்துடன் கோழிக்குஞ்சை தூக்கிக்கொண்டு மருத்துவமனைக்கு ஓடியுள்ளான்.

வார்னே உடன் செய்துகொண்ட சவாலை நிறைவேற்றுவதற்காக மேத்யூ ஹெய்டன் மாறுவேடத்தில் தி.நகர் தெருக்களில் சுற்றித் திரிந்துள்ளார். இது தொடர்பாக அவர், `1,000 ரூபாய்க்கு குறைவாக பொருள்களை வாங்க முடியாது என வார்னே சவால் விட்டார். தி.நகரில் லுங்கி, சட்டை, வாட்ச் உள்ளிட்ட பொருள்களை வாங்கினேன். நான் ஜெயித்துவிட்டேன்’ என்கிறார்.

கடந்த ஒரு வருடமாக வாட்ஸ் அப், ஃபேஸ்புக் பயன்படுத்தாமலேயே வாழ்ந்துவருகின்றனர் ஆப்பிரிக்காவில் உள்ள சாடு (Chad) நாட்டு மக்கள். இதற்குக் காரணம் அந்நாட்டு மக்கள் அல்ல; அந்நாட்டு அரசு. 2018-ல் சமூக வலைதளங்களுக்கு அரசால் விதிக்கப்பட்டுள்ள தடைதான், மக்களின் இந்த ஒரு வருட `வாட்ஸ்அப் வனவாசத்துக்கு' காரணம். 

தர்மபுரி அரூரை அடுத்துள்ள சிட்டிலிங்கி பழங்குடியின கிராமத்தில் ரெஜி ஜார்ஜ் – லலிதா எனும் மருத்துவத் தம்பதியினர் கடந்த 25 ஆண்டுகளாக சேவை புரிந்து வருகின்றனர். கிராமத்தில் மருத்துவ சேவை செய்ய வேண்டும் என்பதே லட்சியம் என்கின்றனர் அந்தத் தம்பதியினர். அதற்காகவே அவர்கள் தங்கள் வாழ்வையும் அர்ப்பணித்திருக்கிறார்கள்.

பல்வேறு போராட்டங்களைத் தாண்டி, தன் டாக்டர் படிப்பை ஹதியா முடித்துவிட்டார். இது குறித்து அவரது கணவர் ஷாஃபீர் ஜகான் ஃபேஸ்புக்கில் எழுதியுள்ள பதிவில், மதங்களைத் தாண்டி அன்புடனும் பொறுமையுடனும் இருந்த ஹதியா இனிமேல் `டாக்டர். ஹதியா அசோகன் 'என்று அழைக்கப்படுவார் ''என்று கூறியுள்ளார்.

பாகிஸ்தானில் இந்திய விமானப்படையின் மிராஜ் ரக விமானம் நடத்திய தாக்குதலில் தீவிரவாத முகாம்கள் அழிக்கப்பட்டது. இந்நிலையில் ராஜஸ்தானில் ஒரு குழந்தைக்கு அவரின் பெற்றோர், மிராஜ் சிங் ரத்தோர் என பெயரிட்டுள்ளார். வளர்ந்து இவர் இராணுவத்தில் சேர வேண்டும் என்பது எனது விருப்பம் என அவரது தந்தை தெரிவித்திருக்கிறார்.

`கிளையை ஒடிக்காமல் திருடவும்’ என்று முருங்கை மரத்தில் கட்டி தொங்கவிடப்பட்ட போர்டின் புகைப்படம் இணையத்தில் வைரலாகி வருகிறது. சாலையோரத்தில் இருக்கும் தன் வீட்டு முருங்கை மரத்திலிருந்து சிலர் முருங்கை காய் திருடுவதை கண்டறிந்த வீட்டின் உரிமையாளர் இந்தப் போர்டை வைத்துள்ளார். ஆனால், எந்த இடம் என்பது தெரியவில்லை.  

கடைசியாக 1906-ல் பார்க்கப்பட்டு அழிந்ததாகக் கருதப்பட்ட இனத்தைச் சேர்ந்த ஆமை ஒன்று திடீரெனத் தற்போது தோன்றிய அதிசயம் ஈகுவடார்நாட்டில் நடந்துள்ளது. இந்த நாட்டைச் சேர்ந்த கலபோகஸ் தீவு பெரிய ஆமைகள் பலவற்றின் பிறப்பிடமாக இருக்கிறது.  `Fernandina Giant Tortoise' இனத்தைச் சேர்ந்த பெண் ஆமை ஒன்று அந்தத் தீவில் இப்போது கண்டுபிடிக்கப்பட்டுள்ளது. 

கோவாவின் பாகா கடற்கரைக்குச் செல்லும் பாதையை கூகுள் மேப் தவறாகக் காட்டுகிறது என்கிறார்கள் அப்பகுதிவாசிகள். இதனால், பொறுமையிழந்த மக்கள் வழி மாறிச் செல்லும் சுற்றுலாவாசிகளுக்கு சரியான பாதை குறித்து தகவல் தெரிவிக்கும் வகையில் சிறிய பேனர் ஒன்றைச் சாலையில் கட்டித் தொங்கவிட்டிருக்கிறார்கள்.

மேகாலயாவின் ஷில்லாங் பகுதியைச் சேர்ந்த பெண் ஒருவர் பல்துலக்கும்போது டூத் பிரஷ்ஷை விழுங்கினார். உணவுக்குழாயில் சிக்கிய டூத் பிரஷ், எண்டோஸ்கோப்பி சிகிச்சை மூலம் அகற்றப்பட்டது. அரை மணி நேரத்தில் சிகிச்சை முடிந்துவிட்டது என்றாலும் கொஞ்சம் சவால் நிறைந்ததாகவே இருந்ததாம். தற்போது அந்தப் பெண் நல்ல உடல் நலத்துடன் இருக்கிறார்.

 

நியூஸிலாந்து அணிக்கு எதிரான போட்டியில் இந்திய ரசிகர் ஒருவர் அத்துமீறி மைதானத்துக்குள் நுழைந்து, தேசியக்கொடியுடன் தோனியின் கால்களில் விழுந்தார். ஆனால், கணநேரத்தில் தேசியக் கொடியை கைகளில் எடுத்துக்கொண்டார் தோனி. தேசியக் கொடி அவமதிக்கப்பட்டுவிடக் கூடாது என தோனி செய்த இந்தச் செயல் வீடியோவாக வைரல் ஆகி வருகிறது.

பிரதமர் நரேந்திர மோடியின் திருப்பூர் வருகைக்கு எதிர்ப்பு தெரிவித்து சமூக வலைத்தளங்களில் `#GobackModi’  என்ற ஹேஷ்டேக்கை பதிவிட்டு வருகின்றனர் நெட்டிசன்ஸ். இது ட்விட்டரில் இந்தியளவில் ட்ரெண்டாகி வருகிறது. அதே சமயம் #TNwelcomesModi என்னும் ஹேஷ்டேக்கும் ட்ரெண்ட் ஆகி வருகிறது.

கைகழுவ பெட்ரோல் பம்ப், உட்கார கார் டயரால் ஆன இருக்கைகள், சைக்கிள் டயர்களுடன் பொருத்தப்பட்ட மின் விளக்குகள், அலங்கரிக்கும் நட், போல்ட் போன்ற உதிரி பாகங்கள், குறிப்பாகக் கன்டெய்னரால் அமைக்கப்பட்ட கிச்சன், உணவகம் என 'கேரியேஜாக' காட்சியளிக்கிறது 'கன்டெய்னர் கஃபே'. இவ்வுணவகம் தஞ்சாவூர் புதிய பேருந்து நிலையத்துக்கு அருகே உள்ளது. 

 

நியூசிலாந்து அணிக்கு எதிரான போட்டியில் தோனி, ஜாதவ்-க்கு மராத்தியில் அட்வைஸ் வழங்கினார். இது தொடர்பாக டிவீட் செய்துள்ள கேதர் ஜாதவ், `தோனி மராத்தியில் பேசியது உண்மையிலே பெரிய சர்ப்ரைஸ். வெளிநாட்டில் விளையாடினாலும் தோனி ஸ்டம்புக்குப் பின்னால் நின்றால், சொந்த ஊரில் விளையாடுவது போன்ற உணர்வு இருக்கும்’ என்றார். 

பிரேசில் நாட்டில் வங்கி ஊழியர் ஒருவர் ஸ்பைடர் மேன் உடையில் பணிக்கு வந்தார். இந்தப் புகைப்படங்கள் வைரல் ஆக, அந்த நபர் குறித்து விசாரித்ததில், அவருக்கு அந்த வங்கியில் அன்று கடைசி நாளாம். அவர் தனது பணியை ராஜினாமா செய்துவிட்டாராம். ஆனாலும், எதற்காக இந்த உடையில் பணிக்கு வந்தார் என்ற தகவல் வெளியாகவில்லை.

நாம் பயன்படுத்தி தூக்கி எறியும் தேங்காய் மூடி ஆன்லைனில் விற்பனை செய்யப்பட்டு வருகிறது. இதன் விலையை கேட்டால் அட்டாக் வந்தாலும் வரும். ஆம், அமேசான் இணையதளத்தில் தேங்காய் ஓட்டின் விலை 3,000 ரூபாயாகவும், ஆஃபரில் ரூ.1,300 எனக் குறிப்பிடப்பட்டுள்ளது. மேலும் `குறைந்த பொருள்கள் மட்டுமே உண்டு' எனப் பதிவிடப்பட்டுள்ளது.

எடித் நார்மன் என்ற 87 வயதான ரசிகை நேற்று முன் தினம் தோனியை பார்க்க சிட்னி மைதானத்துக்கு வந்துள்ளார். இதை அறிந்த தோனி தன் பயிற்சியை நிறுத்திவிட்டு நேரடியாகச் சென்று அந்த ரசிகையைச் சந்தித்து பேசியுள்ளார். அப்போது அவர்கள் எடுத்துக்கொண்ட புகைப்படம் மற்றும் வீடியோக்கள் சமூகவலைதளங்களில் ஹிட் அடித்து வருகிறது.

தனியார் சேனலுக்கு பேட்டியளித்த அனுபம் கெர்  ஆஸ்கர் விருது தொடர்பான கேள்விக்குப் பதிலளித்தார். `எத்தனை காலத்துக்குதான் ஆஸ்கரில் இந்தியாவின் ஏழ்மையை விற்பனை செய்வீர்கள்?.`தி ஆக்சிடென்டல் பிரைம் மினிஸ்டர்’ என்ற இந்தப் படம் இந்தியாவின் நவீன அரசியல் குறித்து பேசுகிறது. இது போன்ற படங்களை ஆஸ்கருக்கு அனுப்ப வேண்டும்’ என்றார்.   

கடந்த 2018-ம் ஆண்டில் சாதித்த சினிமாக் கலைஞர்களைக் கௌரவிக்கும் விகடனின் சினிமா விருதுகள் நிகழ்ச்சி பிரமாண்டமாக, சென்னை நந்தம்பாக்கம் டிரேட் சென்டரில் தொடங்கியது.   பிரபல தமிழ் சினிமா நட்சத்திரங்கள் விழாவில் கலந்துகொள்கின்றனர்.